হোশেয় 13:7 - Chakma Bible

⁷ সেনত্তে মুই সিংহ ধোক্ক্যেন তারা উগুরে এইম্, হোক্ক্যে বাঘ ধোক্ক্যেন্ পধ পারত্ উৎ পাদি থেবাক্।

হোশেয় 13:7 Iomraidhean Croise

ইয়োব 10:16

যুনি মুই মাধা অজল্‌ গরং সালে তুই সিংহ ধোক্ক্যেন্ মত্তেই হাপ্‌ দি থেবে আর মরে আরঅ তর্‌ দর্‌গরেপারা বল্‌ দেগেবে।

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিরমিয় 25:38

তে সিংহ ধোক্ক্যেন গুরি তা জাগায়ান ফেলেই এবঅ; সেক্কে অত্যেচারীগুনোর রাগত্তে আর লগেপ্রভুর দর্‌গরেপারা রাগত্তে তারা দেজ্‌‌‌‌‌‌চান ভস্ত ওইয়্যে জাগা অবঅ।

যিরমিয় 5:6

সেনত্তে ঝারত্তুন্ এক্কো সিংহ এইনে তারারে মারে ফেলেব। ধূল্যেচর-চাগালার এক্কো হোক্ক্যে বাঘে তারারে ভস্ত গুরিবো আর তারার্ শঅরানি ইধু এক্কো হোক্ক্যে বাঘে উঠ্ পাদি থেবঅ। যুনি কনজনে সিয়োনত্তুন নিগিলি এজন্ সালে তে কট্টা কট্টা ওই যেবঅ, কিত্তে তারার পাপ্ অমকদ বেশ্ আর তারার ভান্ন্যেই পধেদি যেবার ঘটনাগান বেশ্।

আবিলেচ্ 3:10

মইদু তে হাপ্ দি থেইয়্যে ভালুগো ধোক্ক্যেন্ আর লুগি থেইয়্যে সিংহ ধোক্ক্যেন্;

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

আমোষ 1:2

আমোষে কলঅ, “লগেপ্রভু সিয়োনত্তুন্ রঅ ছাড়ের্ আর যিরূশালেমত্তুন্ জোরে জোরে কধা কর্। সেনত্তে গরগ্‌‌কুনোর চড়াইদ্যে ভূইয়ানি বেক্কানি শুগেই যার্ আর কর্মিল মুড়োবো মাঢাত্ গাজপালা মুরি যার্।”

আমোষ 3:4

শিগের্ গোজ্যে য়েমান্ ন-থেলে কি সিংহ ঝুব্-ঝাড় ভিদিরে গুজুরে? কিজু ধুরি ন-পারিলে কি বোল্যে সিংহবো তা গাঢ ভিদিরে গো গো গরে?

আমোষ 3:8

সিংহবো গুজুরিলে কন্না ন-দোরেব? প্রভু লগেপ্রভু কবাত্তে কলে কন্না ভাববাদী ইজেবে কধা ন-কোই পারিবো?

ফগদাং পেইয়্যে 13:2

সেই য়েমান্নো দেগদে হোক্ক্যেবাঘ ধোক্ক্যেন, আর তার্ টেঙানি এলদে ভালুগো টেঙ ধোক্ক্যেন আর মুয়োন এলদে সিংহ মুয়ো ধোক্ক্যেন। সেই দানপ্পো তার বল্, সিংহাসন আর খেমতা সেই য়েমান্নোরে দিলো।