হোশেয় 13:16 - Chakma Bible

¹⁶ শমরিয়ার মানুচ্চুনে তারার্ গোজেন বিরুদ্ধে উল্লোমী গোজ্যন বিলি দায়ী অবাক্। তারা যুদ্ধোত্ মুরি যেবাক্; তারার্ পুয়ো-ঝিগুনোরে মাদিত্ আছাড় মারিনে নিগুজ্ গরা অবঅ আর তারার্ পিদিলী মিলেগুনোর্ পেটতুন্ ফাদি ফেলা অবঅ।”

হোশেয় 13:16 Iomraidhean Croise

২ রাজাবলী 15:16

যেরেন্দি মনহেমে তির্সাত্তুন্‌ নিগিলিনে তিপ্‌সহ শঅর্‌ আর সিদুগোর্‌ আদাম্মেগুনোরে আর তা চেরোকিত্তে চাগালার্‌ বেক্কুনোরে আক্রমণ গুরিলো, কিত্তে তারা তারার্‌ শঅর্‌-গেট্টো খুলি দিবাত্তে রাজী ন-অন্‌। সেনত্তে তে তিপ্‌সহ ভস্ত গুরিলো আর বেক্‌ পিদিলী মিলেগুনো পেট্টুন্‌ ফাদি দিলো।

২ রাজাবলী 17:18

সেনত্তে ইস্রায়েলর মানুচ্চুনো উগুরে লগেপ্রভু অমকদ বেজার্‌ ওইনে তা মুজুঙোত্তুন্‌ তারারে ধাবেই দিলো। বাদবাগি এলাক্কে বানা যিহূদা-গুট্টিগুন,

২ রাজাবলী 17:5

আসিরিয়ার রাজা পুরো দেজ্‌ছান আক্রমণ গুরিনে শমরিয়াত্‌ গেলঅ আর তিন বজর্‌ সং সিয়েন্‌ ঘিরি রাগেল।

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

২ রাজাবলী 8:12

হসায়েলে পুযোর্‌ গুরিলো, “মঅ গিরোজ্‌সো কিত্তেই কানর্‌?” জোবত্‌ ইলীশায় কলঅ, “তুই ইস্রায়েলীয়গুনোরে কি ক্ষতি গুরিবে সিয়েন্‌ মুই হবর্‌ পাং। তুই তারার্‌ তাম্বুলানিত্‌ আগুন্‌ বাজেই দিবে, অসিলোই তারার্‌ গাবুজ্যে পূয়োগুনোরে মারে ফেলেবে, তারার্‌ চিগোন্‌ চিগোন্‌ পূয়ো-ঝিগুনোরে মাদিত্‌ আযার্‌ মারিবে আর তারার্‌ পিদিলী মিলেগুনোর্‌ পেটতুন্‌ ফাদি দিবে।”

যিশাইয় 13:16

তারা চোগো মুজুঙোত্ চিগোন পুয়োগুনোরে আজেরেনে মারা অবঅ; তারার্ ঘরানি লুদো অবঅ আর মিলেগুনোরে জাবা অবঅ।

যিশাইয় 17:3

ইফ্রয়িমত্ আর কনঅ ঘর ন-থেবঅ আর দামেস্কত্ রাজখেমতা ন-থেবঅ; অরামর বাঁজি থেইয়্যে মানুচ্চুনে ইস্রায়েলীয়গুনো ধোক্ক্যেন বাঈনী ন গোজ্যে অবাক্।” ইয়েন অলঅ বেগত্তুন্ খেমতাবলা লগেপ্রভুর কধা।

যিশাইয় 8:4

পুয়োবো ‘মা’ বা ‘বাবা’ কবার্ আগেদি দামেস্কর ধন-সোম্বোত্তিগানি আর শমরিয়ার লুদেয়্যে মালানি আসিরিয়ার রাজাবো নেযেব।”

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

হোশেয় 11:6

তারার্ শঅরত্ অমকদ যুদ্ধো অবঅ; সেক্কে তারার্ গেইট্টুনোর্ হুগ্‌‌কুন ভাঙি যেবাক্ আর তারার্ পরিকল্পনার কারনে তারা শেজ্ ওই যেবাক্।

হোশেয় 7:14

তারা বিচ্ছোন উগুরে তারা আবিলেচ্ হান্, মাত্তর্ তারা মনে-পরাণে মইদু ন-কানন্। শোজ্য আর নূয়ো আংগুর-রস পেবাত্তে তারা এগত্তর্ অন্ আর মঅ বিরুদ্ধে উল্লোমী গরন্।

আমোষ 1:13

লগেপ্রভু কত্তে, “অম্মোনর তিনেন্ পাপ, এমন কি, চেরান পাপর্ কারনে মুই হামাক্কায় তারে সাজা দিম, কিত্যে তা দুজিগান বাড়েবাত্তে তে গিলিয়দর্ পিদিলী মিলেগুনোর্ পেট্‌‌‌তুন ফাদি দিয়্যে।

আমোষ 3:9

তুমি অস্‌দোদ আর মিসরর বেক ঘরানির্ মানুচ্চুনো ইধু কঅ, “তুমি শমরিয়ার মুড়োগুনো উগুরে এগত্তর্ অ; চঅ, সিয়েন ভিদিরে কদক্ যাগুলুক্! তা মানুচ্চুনো ভিদিরে কদক্ অত্যেচার!”

আমোষ 9:1

মুই প্রভুরে পূজোবো কায়-কুরে থিয়্যেই থাগদে দেগিলুং। তে কলদে, “খুদোগুনো মাঢাত্ আঘাত্ গরঅ যেনে সিগুন গির্‌‌‌গিরে উদিনে সিদুগো বেক মানুচ্চুনোর মাঢা উগুরে ভাঙি পড়ন্। যিগুনে বাঁজি থেবাক্ যুদ্ধোত্ মুই তারারে মারে ফেলেম। কনজনে যেই বা ধেই ন-পারিবাক্।

মীখা 1:4

মুম্ যেবাবোত্যেগুরি আগুনোত্ গুলি যায়, খামা জাগানদি যেবাবোত্যেগুরি পানি গোজ্যে যায় সেবাবোত্যেগুরি তা টেঙ তলাত্ মুড়ো-মুড়িগুন ফাদি যেবঅ, কলগ্‌কানি ফাদি যেবঅ।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

নহূম 3:10

তো তা মানুচ্চুনোরে বন্দী গুরিনে অন্য দেজত্ নেযা ওইয়্যে। পত্তি পধ মুয়োত্ তা চিগোন্ গুড়োগুনোরে আজার্ মাড়া ওইয়্যে। তার্ মুরুব্বীগুনোত্তে চাম্বা চেইনে তারারে চিগোল্লোই বানি নেযা ওইয়্যে।