হোশেয় 13:11 - Chakma Bible

¹¹ সেনত্তে মুই অমকদ বেজার্ ওইনে তরে এক্কো রাজা দুয়োং আর মর্ রাগে তারে নেযেয়োংঅ।

হোশেয় 13:11 Iomraidhean Croise

গম্ উপদেজ্ 28:2

দেজ মানুচ্চুনোর ভান্ন্যেয়র্ কারনে বোউত্ শাজন্‌গুরিয়্যে অন্, মাত্তর্ জ্ঞানী আর বুদ্ধিবলা শাজন্ গুরিয়্যে সুদোমান ঠিগ্ রাগায়।

হোশেয় 10:3

তারা সেক্কে হামাক্কায় কবাক্, “আমি লগেপ্রভুরে ন-দোরেই বিলি আমার কনঅ রাজা নেই। মাত্তর্ রাজা থেলেয়ো তে আমাত্তে কি গুরি পারিদো?”

হোশেয় 10:7

পানিয়ে যেবাবোত্যে চিগোন্ ডেলারে ভাজেই নেযায় সেবাবোত্যে শমরিয়া আর তার্ রাজাবোরে নেযা অবঅ।

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

হোশেয় 8:4

মর্ উগুম ছাড়াই তারা রাজাগুনোরে নেযেয়োন; মর্ অনুমতি ছাড়া তারা নেতাগুনোরে বেঈ লোইয়োন। তারার সনা আর রূবোলোই তারা মূত্তি বানেইনে নিজোরে সর্বনাশ গোজ্যন্।

১ শমূয়েল 10:17

পরেন্দি শমূয়েলে মিস্পাদত্‌ লগেপ্রভুর মুজুঙোত্‌ ইস্রায়েলীয়গুনোরে ডাগিনে এগত্তর্‌ গুরিলো।

১ শমূয়েল 10:19

শমূয়েলে আরঅ কলঅ, “মাত্তর্‌ তমার গোজেন, যিবে বেক্‌ দযা আর দুর্দজাত্তুন্‌ তমারে উদ্ধোর গোজ্যে, এচ্চ্যে তারেই তুমি এলাফেলা গরর্‌ আর কর্‌, ‘আমা উগুরে এক্কো রাজা নেযা।’ সেনত্তেই ইক্কিনে তুমি যে যার গুট্টি আর বংশ মজিম্ লগেপ্রভুর মুজুঙোত্‌ আঝিল্ অ।”

১ শমূয়েল 12:1

ইয়েনর্ পরেন্দি শমূয়েলে ইস্রায়েলর বেক্‌ মানুচ্চুনোরে কলঅ, “তুমি মরে যিয়েনি যিয়েনি কোইয়ো মুই সিয়েনি বেক্কানি শুন্যং আর তমা উগুরে এক্কো রাজা নেযেয়োং।

১ শমূয়েল 12:13

ইক্কিনে চঅ, ইবেয়ই তমার রাজা, যিবেরে তুমি চেইয়ো আর বেঈ লোইয়ো। লগেপ্রভু তমা উগুরে এক্কো রাজা নেযেয়্যে।

১ শমূয়েল 15:26

মাত্তর্‌ শমূয়েলে তারে কলঅ, “মুই তঅ সমারে ন-যেম্‌। তুই লগেপ্রভুর উগুম এলাফেলা গোজ্যচ্‌ সেনত্তেই লগেপ্রভুয়ো তরে ইস্রায়েলীয়গুনোর রাজা ইজেবে এলাফেলা গোজ্যে।”

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”