হোশেয় 13:1 - Chakma Bible

¹ ইফ্রয়িমে কধা কলে মান্‌‌‌‌জ্যে গির্‌‌‌‌গিরান; ইস্রায়েল গুট্টিগুনো ভিদিরে তে দাঙর্ ওইয়্যে। মাত্তর্ বাল দেবেদা পূজো গুরিবার দুষে দুষি ওইনে তে মোজ্যে।

হোশেয় 13:1 Iomraidhean Croise

পত্থম 2:17

মাত্তর্‌ গম্-ভান্ন্যেই-জ্ঞানর যে গাজ্‌চুয়ো আঘে সিবের্ গুলোগুন তুই হেই ন-পারিবে, কিত্তে যেদিন্যে তুই সে গুলোগুন হেবে সেদিন্যে ঘেচ্চেকগুরি তুই মুরি যেবে।

১ রাজাবলী 12:25

পরেন্দি যারবিয়ামে ইফ্রয়িমর মুড়োমুড়ি চাগালাত্‌ শিখিম তাম্বুলো ধোক্কেন্‌ গুরি বানেইনে সিয়েনত্‌ বজত্তি গরা ধুরিলো। তে সিয়োত্তুন্‌ যেইনে পনূয়েলঅ তাম্বুলান ধোক্কেন্‌ গুরি বানেল।

ইয়োব 29:21

মান্‌জ্যে মঅ কধানি শুনিবাত্তে বাজ্জেই থেদাক্, মঅ সল্লাগানিলোই জুরোগুরি থেদাক্।

ইয়োব 29:22

মঅ কধানর্ পরেদি তারা আর কধা ন-কদাক্; মুই তারা ইদু গমেডালে কধা কদুং।

গম্ উপদেজ্ 18:12

মান্‌জ্যর মনর্ বাড়্‌বো গরানাগানে ভস্ত অনা ডাগি আনে, মাত্তর্ নম্রগানে সর্মান আনে।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিশাইয় 7:8

কিত্তে অরামর মাঢাবো দামেস্ক বা কি আর দামেস্কর মাঢা রাজা রৎসীনই বা কন্না? পাচষট্টি বজর ভিদিরে ইফ্রয়িম এবাবোত্যেগুরি ভস্ত অবঅ, জাদ্ ইজেবে তে আর্ ন-থেবঅ।

হোশেয় 11:2

মাত্তর্ মুই ইস্রায়েলরে যেদক্ ডাগিলুং সেদক্ তে মত্তুন্ দূরোত্ সুরি গেলঅ। তা মানুচ্চুনে বাল দেবেদা ইধু য়েমান-উৎসর্ব গরা ধুরিলাক্ আর মূত্তিগুনো ইধু আগর্‌বাট্টি জ্বালা ধুরিলাক্।

হোশেয় 2:10

মুই ইক্কিনে তা লাঙেগুনো চোগো মুজুঙোত্ তার্ লাজেবার কামানি ফগদাং গুরিম; মঅ আঢত্তুন্ কনজনে তারে উদ্ধোর্ ন-গুরিবাক্।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।

হোশেয় 8:4

মর্ উগুম ছাড়াই তারা রাজাগুনোরে নেযেয়োন; মর্ অনুমতি ছাড়া তারা নেতাগুনোরে বেঈ লোইয়োন। তারার সনা আর রূবোলোই তারা মূত্তি বানেইনে নিজোরে সর্বনাশ গোজ্যন্।

গণাণা 10:22

ইগুনোর পরেদি যাহ্ ধুরিলাক ইফ্রয়িম-ভাগর নানান্‌ দলুনে তারার বড় চাগালার্ বাবতাগানর্ তলে। ইফ্রয়িম-গুট্টির নেতা এলঅ অম্মীহূদোর্‌ পূঅ ইলীশামা।

গণাণা 13:16

মোশি এই মানুচ্চুনোরে কনান দেজর্‌ খোঁজ-খবর লোই আনিবাত্তে পাদেয়্যে। তে নূনোর পূঅ হোশেয়র নাঙান দিয়্যেদে যিহোশূয়ো।

গণাণা 13:8

ইফ্রয়িম-গুট্টির নূনোর পূঅ হোশেয়:

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

২ করিন্হীয় 5:14

খ্রীষ্টর্ কোচ্‌পানাগানে আমারে পুচ্ মানিনে চালার্, কিয়া আমি ঘেচ্চ্যেকগুরি বুঝ্‌চেই যে, বেক্কুনোর্ ওইনে একজনে মুরিলো, আর সেনত্যে বেক্কুনে মুরিলাক্।

যিহোশূয় 3:7

সেক্কে লগেপ্রভু যিহোশূয়রে কলঅ‌, “এচ্চ্যেত্তুন ধুরি বেক্‌ ইস্রায়েলীয়গুনোর চোগোত্‌ মুই তঅ সর্মানান্‌ বাড়েবাত্তে আরাম্ভ গুরিম্‌, যেনে তারা বুঝি পারন্‌, মুই যেধোক্ক্যেন গুরি মোশি লগে এলুং সেধোক্ক্যেন তঅ‌ লগেয়ো আগঙ্‌।

বিচের গুরিয়্যেগুন 12:1

পরেন্দি ইফ্রয়িম-গুট্টির মানুচ্চুনে তারার সৈন্যগুনোরে ডাগি নেযেইনে গাঙান্‌ পার্‌ ওইনে সাফোনোত্‌ গেলাক্‌। সিদু তারা যিপ্তহরে কলাক্‌, “অম্মোনীয়গুনোর লগে যুদ্ধো গুরিবাত্তে তঅ লগে যেবাত্তে কিত্তেই তুই আমারে ন-ডাগচ্‌? আমি তঅ সমারে তঅ ঘরান পুড়ি ফেলেই দিবোং।”

বিচের গুরিয়্যেগুন 8:1

ইফ্রয়িমর মানুচ্চুনে গিদিয়োনরে পুযোর্‌ গুরিলাক, তুই আমা লগে এধোক্কেন্‌ কারবার্‌ কিত্যে গুরিলে। মিদিয়নীয়গুনোর বিরুদ্ধে যুদ্ধো গুরিবাত্তে যেবার সময়োত্‌ তুই কিত্যে আমারে ন-ডাগচ্‌। এধোক্কেন্‌ গুরিনে তারা গিদিয়োনরে অমহদ দরমড় কধা কলাক্‌।

১ শমূয়েল 15:17

শমূয়েলে কলঅ, “একদিন তুই নিজোর্ চোগেন্দি চিগোন্‌ এলে, মাত্তর্‌ তো কি তুই ইস্রায়েলীয়গুনোর বেক্‌ গুট্টিগুনোর চেলা ন-অচ্‌? লগেপ্রভুই তরে ইস্রায়েল দেজ উগুরে রাজা ইজেবে অভিষেগ্ গোজ্যে।