হোশেয় 12:8 - Chakma Bible

⁸ তে কয়, ‘মুই অমকদ তাগোয়্যে ওইয়োং, ভালোক্কানি ধন-সোম্বোত্তি থুবেয়োং। মর্ বেক কামানি ভিদিরে মান্‌‌‌জ্যে মর্ কনঅ দুষ বা পাপ তোগেইনে ন-পেবাক্।’

হোশেয় 12:8 Iomraidhean Croise

গীতসংহিতা 52:7

“উইয়োবো চাহ্, সেই মানুচ্চো গোজেনরে তার্ আশ্রয়-জাগা ন-গরে; তার বোউত্ ধন-সোম্বোত্তি উগুরে তে নির্ভর গোজ্যে আর ভান্ন্যেই কামনা-বাসনার বল্লোই নিজোরে বোলীবন্ধ গোজ্যে।”

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গম্ উপদেজ্ 11:1

ঠগাইদ্যে পাল্লাবো লগেপ্রভু ঘিনাই, মাত্তর্ যগাজ্যে সিলুনোত্তে তে হুজি অয়।

গম্ উপদেজ্ 30:12

তারা নিজো চোগেদি খাটি অদচ কজরাত্তুন্ সিজি ন-অন্,

গম্ উপদেজ্ 30:20

বেশ্যে মিলের বেবহার মুই বুঝি ন-পারং; তে বেশ্যে গরানার পরেদি গাদিগাদাই কইদ্যে, “মুই দঅ কনঅ অন্যেয় ন-গরং।”

যিরমিয় 2:23

তুই কেধোক্ক্যেন গুরি কোই পারচ্ যে, তুই অসিজি নয়, তুই বাল দেবেদাগুনোর পিজেদি ন-যাচ্? ভাবি চাহ্, তুই কলগত্ কেজান্ বেবহার গোজ্যস্; তুই যিয়েনি গোজ্যস্ সিয়েনি চিদে গর্। তুই যেন চেলা উদো সমারে মিজেবাত্তে ইন্দি-উন্দি দাবা দাবা বেড়েয়্যে ফারি উট।

যিরমিয় 5:27

খাজাবো যেবাবোত্যে পেগ্‌‌কোই ভরা তারার ঘরানিয়ো সেবাবোত্যে ছলনালোই ভরা। তারা তাগোয়্যে আর খেমতাবলা ওইয়োন,

যিহিষ্কেল 28:5

কাবিল্ বেবসায়ী বুদ্ধিলোই তুই তর্ ধন বাড়েয়োচ্ আর তর্ ধন-সোম্বোত্তিগানিত্তে তর্ মনান্ অহংকারে ভুরি উঠ্যে।

হোশেয় 13:6

মুই তঅ মানুচ্চুনোরে হাবানার্ পরেদি তারার্ ঈল্ অলঅ; ঈল্ ওইনে তারা বাড়্‌‌‌‌‌বো অলাক্, আর সে পরেদি তারা মরে ভুলি গেলাক্।

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

হোশেয় 4:8

মঅ মানুচ্চুনোর পাপর কারনে তারা লাভবান অন্ বিলিনে তারা মঅ মানুচ্চুনোরে পাপ গুরিবাত্তে উচ্চোমি দুয়োন্।

আমোষ 8:5

তুমি কত্তে, “কক্ক্যে আঙোস্যেগান্ যেবগোই যেনে আমি শোজ্যনি বিজি পারিই? কক্ক্যে জিরেবার দিন্নো থুম্ অবঅ যেনে আমি বাজারত্ গম্ বেজি পারিই? আমি মাবেদে আড়িবো চিগোন গুরিবোং, দাম্ বাড়েবং, ঠগাইদ্যে পাল্লাবো বেবহার গুরিবোং,

হবক্‌‌‌‌কূক 1:16

সেনত্তে তারা তারার্ জালানর্ নাঙে য়েমান্ উৎসর্ব গরন্ আর টানা-জালর্ নাঙে আগর্‌বাট্টি জ্বালান্, কিত্যে তারার জালানিলোই তারা বোউত্ লাভ গরন্ আর গম্ গম্ হানা হান্।

সখরিয় 11:5

যিগুনে তারারে কিনি নেযান্ তারা তারারে কাবন্ মাত্তর্ নিজোরে দুষি মনে ন-গরন। যিগুনে তারারে বেজন্ তারা কন্, ‘লগেপ্রভুর বাঈনী ওক্, মুই তাগোয়্যে ওইয়োং।’ তারার্ গরগ্‌‌কুনে তারা উগুরে দোয়্যে ন-গরন।

মালাখি 2:17

তুমি নিজো কধালোই লগেপ্রভুরে বল্‌‌‌‌‌পোজ্যে গোজ্য। তো তুমি কত্তে, “কেধোক্ক্যেন্‌গুরি আমি তারে বল্‌পোজ্যে গোজ্যেই‌‌‌‌‌?” তুমি এবাবোত্যেগুরি গোজ্য-তুমি কোইয়োদে, “যিগুনে অন্যেই গরন্ তারা বেক্কুনে লগেপ্রভুর চোগেদি গম্ আর তে তারা উগুরে হুজি,” বা কোইয়োদে, “কুদু সেই গোজেনে যিবে ন্যায়বিচের্ গরে?”

মালাখি 3:13

লগেপ্রভু আরঅ কত্তে, “তুমি মঅ বিরুদ্ধে দর দর কধা কোইয়ো, মাত্তর্ তুমি কত্তে, ‘তঅ বিরুদ্ধে আমি কি কোইয়্যেই?’

লূকে লেখ্যে গম্ হবর্ 10:29

সেই মাষ্টর্‌বো নিজো সর্মানান্ রোক্ষ্যে গুরিবাত্তে যীশুরে কলঅ, “মঅ পাড়াল্যে কন্না?”

লূকে লেখ্যে গম্ হবর্ 12:19

যেরেদি মুই নিজোরে কোম্, ভালোক্ বজরত্তে সয়-সাগোজ্যে গম্ গম্ জিনিচ্‌ থুবেইয়্যে আঘে। আরাম্ গরঅ, হানা-দানা গরঅ, রঙ্গ-ফুত্তিয়ে দিন কাদঅ।

লূকে লেখ্যে গম্ হবর্ 16:13

কনঅ চাগরে দ্বিজন্ গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব, নয়ত তে একজন উগুরে মনযোগ্ দিবো আর অন্যজনরে ঈচ্ গুরিবো। গোজেন আর ধন-সম্বোত্তি এ দ্বিয়েনর্ সেবা তুমি এক সমারে গুরি ন-পারঅ।

লূকে লেখ্যে গম্ হবর্ 16:15

সেক্কে যীশু তারারে কলঅ, তুমি মান্‌জ্য মুজুঙোত্ নিজোরে ধার্মিক দেগেই থাগঅ, মাত্তর্ গোজেনে তমা মন কধা কোই পারে। মান্‌জ্যে যিয়েন সর্মানি মনে গরন্ গোজেন চোগোত্ সিয়েন ঘিনাইদ্যে জিনিস।

দ্বি’লম্বর বিররণ 8:17

তুমি অয়ত কনজনে মনে মনে কোই পার, মর্‌ নিজোর্‌ বল্লোই, নিজোর আত্তোই কাম্‌ গুরিনে মুই এ বেক্‌ ধন-সোম্বোত্তিগানি গোজ্যং।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

ফগদাং পেইয়্যে 3:17

তুই কত্তে, মুই থাগোইয়্যে; মুই দাঙর্ মানুচ্‌ ওইয়োং, সেনত্যে মর্ কনঅ কিজুর্ অভাব নেই। ভারী গম, মাত্তর্ তুই দঅ হবর্ ন-পাজ্, তুই দুখ্যে, দোয়্যের্ মানুচ্, নাঢা, কানা আর লাংদা।