হোশেয় 12:7 - Chakma Bible

⁷ লগেপ্রভু কত্তে, “ব্যবসায়ী ইফ্রয়িমে ঠগাইদ্যে পাল্লা বেবহার গরে; তে জোরজুলুম গত্তে গম্‌‌‌পায়।‌

হোশেয় 12:7 Iomraidhean Croise

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

গম্ উপদেজ্ 11:1

ঠগাইদ্যে পাল্লাবো লগেপ্রভু ঘিনাই, মাত্তর্ যগাজ্যে সিলুনোত্তে তে হুজি অয়।

গম্ উপদেজ্ 16:11

যগাজ্যে পাল্লাবো আর মাপ্পান্ লগেপ্রভুর; থৈল্যেবোর ঠিগ্ শিলুন তা চোগেদি গম্।

যিশাইয় 3:5

মানুচ্ মান্‌জ্যরে, পাড়াল্যে পাড়াল্যেরে অত্যেচার গুরিবাক্; চিগোনুনে বুড়োগুনো বিরুদ্ধে উদিবাক্, আর নাঢা মানুচ্চুনে সর্মান পেইয়্যে মানুচ্চুনো বিরুদ্ধে উদিবাক্।

যিশাইয় 56:1

লগেপ্রভু কত্তে, “তুমি ন্যায়বিচের্ রোক্ষ্যে গরঅ আর দোল্ কাম গরঅ, কিত্তে মর্ দিয়্যে উদ্ধোরান্ কায়-কুরে এচ্চ্যে আর কেধোক্ক্যেন গুরি তুমি মর্ মানি লোইয়্যে ওই পার সিয়েনর্ উপায়ান যাদিমাদি ফগদাং অবঅ।

যিহিষ্কেল 16:3

তুই কঅ, প্রভু লগেপ্রভু যিরূশালেমানরে কোইয়্যেদে, তঅ ঘরান আর তঅ জর্মর জাগায়ান কনানীয়গুনোর দেজত্; তঅ বাপ্পো অলঅ ইমোরীয় আর মাবো হিত্তীয়।

যিহিষ্কেল 22:29

দেজ মানুচ্চুনে অত্যেচার আর ডাগেত্ গরন্; তারা নাঢা আর অভাবীগুনো উগুরে অন্যেয় গরন আর ন্যায়বিচের্ ন-গুরিনে বিদেশীগুনো উগুরে অত্যেচার গরন্।

যিহিষ্কেল 28:5

কাবিল্ বেবসায়ী বুদ্ধিলোই তুই তর্ ধন বাড়েয়োচ্ আর তর্ ধন-সোম্বোত্তিগানিত্তে তর্ মনান্ অহংকারে ভুরি উঠ্যে।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

যোয়েল 2:12

লগেপ্রভু ফগদাং গোজ্যে, “মাত্তর্ ইক্কিনে তুমি উবোস, কানাকুদি আর আবিলেচ্ গুরিনে বেক্ মনান্ দিইনে মইদু ফিরি এজঅ।”

আমোষ 2:7

ধূল্যে ঝারেদে ধোক্ক্যেন গুরি তারা নাঢাগুনোরে ঝারন্ আর পদত্তুন্ অভাবীগুনোরে ঠিলিনে সোরেই দোন্। বাবে আর পুয়োই এক্কো মিলে সমারে বেভিচের্ গরন আর এবাবোত্যেগুরি মঅ সুদ্ধো-সাংগ নাঙান্ অসর্মান গরন্।

আমোষ 3:9

তুমি অস্‌দোদ আর মিসরর বেক ঘরানির্ মানুচ্চুনো ইধু কঅ, “তুমি শমরিয়ার মুড়োগুনো উগুরে এগত্তর্ অ; চঅ, সিয়েন ভিদিরে কদক্ যাগুলুক্! তা মানুচ্চুনো ভিদিরে কদক্ অত্যেচার!”

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

সখরিয় 14:21

যিরূশালেম আর যিহূদার পত্তি রানেদে পিলেগুন বেগত্তুন্ খেমতাবলা লগেপ্রভুর নাঙে সুদ্ধো-সাংগ অবাক্ আর যিগুনে য়েমান-উৎসর্বর অনুষ্ঠান পালেবাত্তে এবাক্ তারা সেই পিলেগুনোত্তুন কয়েক্কো নিইনে সিগুনোত্ রানিবাক্। সেদিন্যে বেগত্তুন্ খেমতাবলা লগেপ্রভুর ঘরত্ কনজনে বেবসা ন-গুরিবাক্।

সখরিয় 5:8

সেই স্বর্গদূত্‌‌‌‌‌‌‌তো কলঅ, “ইয়েন অলঅ পাজি কাম্।” ইয়েন কোইনে তে সেই মিলেবোরে সেই পিলেবো ভিদিরে ঠিলি দিইনে পিলেবো মুয়োনত্ সীজের্ ঢাগনিগান চাবি দিলো।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

যোহন 2:16

যিগুনে কোদোর্ বেজদন্ যীশু তারারে কলঅ, “এ জাগানত্তুন্ ইগুন বেক্কুন্ নেযগোই। মঅ বাব ঘরান্ বেবসা ঘর্ ন-বানেয়ো।”

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”