হোশেয় 12:5 - Chakma Bible

⁵ তেয়ই বেগত্তুন্ খেমতাবলা গোজেন লগেপ্রভু; লগেপ্রভু নাঙে মান্‌জ্যে তারে ইদোত্ তুলোন্।

হোশেয় 12:5 Iomraidhean Croise

পত্থম 28:16

পরেদি যাকোবে ঘুমোত্তুন্‌ উদিনে কলঅ, “সালে লগেপ্রভু হামাক্কায়্‌ এ জাগানত্‌ আঘে অদচ মুই সিয়েন্‌ বুঝি ন-পারং।”

পত্থম 32:30

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

পত্থম 35:9

যাকোবে পদ্দন-অরামত্তুন্‌ এজানার্‌ পরেদি গোজেনে আরঅ তারে দেগা দিইনে বর্ দিইনে কলঅ, “তর্‌ নাঙান এলঅ যাকোব, মাত্তর্‌ তরে আর্‌ যাকোব বিলিনে ডাগা ন-অবঅ; তঅ নাঙান্‌ অবঅ ইস্রায়েল।” ইয়েন্‌ কোইনে তে তা নাঙান দিলো ইস্রায়েল।

গীতসংহিতা 135:13

ও লগেপ্রভু, তঅ নাঙান্ উমরত্তে থিদেবর্ গোজ্যে। ও লগেপ্রভু, বংশর পর বংশ ধুরিনে তঅ নাঙান ইদোত্ থেবঅ;

গীতসংহিতা 30:4

ও লগেপ্রভুর ভক্তগু্‌ন্, তুমি তা নাঙে গীদ্ গঅ, তার্ পবিত্রতাগানর্ বাঈনী গরঅ;

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।