হোশেয় 12:11 - Chakma Bible

¹¹ গিলিয়দ ভান্ন্যেয় কামে ভরা, তা মানুচ্চুনে অপদাত্ত। তারা গিল্‌গলত্ বোউত বলদ উৎসর্ব গরন্। তারার্ পূজোগুন চাজ্ গোজ্যে ভূইয়োত্ পাত্তর কুড়ো ধোক্ক্যেন বোউত্।

হোশেয় 12:11 Iomraidhean Croise

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

যিরমিয় 10:15

সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 2:28

ও যিহূদা, তুই নিজোত্তে যে দেবদাগুন বানেয়োচ্ তারা সেক্কে কুদু থান্? যেক্কে তুই দজাত্ পড়চ্ সেক্কে যুনি তারা তরে উদ্ধোর গুরি পারন্ সালে তারা এত্তোক্, কিত্তে তর্ যেদক্কানি শঅর্ আঘে সিদুক্কুন দেবেদায়ো আগন্।”

যিহিষ্কেল 17:2

ও মান্‌জ্যর পুয়োবো, উদাহরনর্ মাধ্যমে ইস্রায়েলীয়গুনোরে জানেই দুয়ো,

হোশেয় 10:1

ইস্রায়েল এলদে এক্কান ছিদি যেইয়্যে লুদি; সিয়েনত্ বোউত্ গুলোগুলি ধোজ্যন্। সিয়েন ফলুন্ যেদক বাজ্যন্ সেদক্ বেশ্ সোংখ্যেদি তে পূজো বানেয়্যে; তা দেজত্ যেদক্ ভালেদি ওইয়্যে সেদক্ তে তার্ পূজোর পাত্তরুন দোলেডালে সাজেয়্যে।

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

হোশেয় 6:8

গিলিয়দ অলঅ সেই পাজি মানুচ্চুনোর্ শঅর্ যিয়েনত্ রোইয়্যে তারার্ লো বাস্যে টেঙ চাপ।

হোশেয় 8:11

“পাপ দূর গুরিবাত্তে ইফ্রয়িমে ভালোক্কুন্ পূজো বানেয়্যে, মাত্তর্ সিগুন ওইয়োন পাপ গুরিবার পূজো।

হোশেয় 9:15

লগেপ্রভু কত্তে, “গিল্‌গলে তারা তারার্ পাজিগানি আরাম্ভ গোজ্যন, আর সিদু মুই তারারে ঈচ্ গরা ধুরিলুং। তারার্ পাপত্তে মঅ মানুচ্চুনো ভিদিরেত্তুন্ মুই তারারে ধাবেইনে নিগিলে দিম। মুই তারারে আর কোচ্‌‌ ন-পেইম্; তারার্ নেতাগুন বেক্কুন্ উল্লোমী।

আমোষ 4:4

তুমি যেক্কে বৈথেলত্ যেইনে পাপ গুরিবাত্তে চর্ সেক্কে যঅ, পাপ গরঅ; গিল্‌‌‌গলত্ যেইনে আরঅ বেশ্ গুরি গরঅ। পত্তিদিন বেন্যেমাদান্ তমা উৎসর্বর জিনস্‌চানি আর পত্তি তিন দিনোর্ দিন তমা দশ ভাগর্ এক ভাগ জিনিস নেযঅ।‌‌‌‌

আমোষ 5:5

তুমি বৈথেলত্ বা গিল্‌‌গলত্ বা বের্-শেবাত্ ন-যেয়ো, কিত্যে গিল্‌‌গল মানুচ্চুনে হামাক্কায় বন্দী ওইনে অন্য দেজত্ যেবাক্ আর বৈথেলর্ সর্বনাশ অবঅ।”

যোনা 2:8

যিগুনে অকেজর্ মূত্তিগুনোর্ পূজো গরন তারা তর্ যে দোয়্যে পেদাক্ সিয়েন য়েলাফেলা গরন,