হোশেয় 11:7 - Chakma Bible

⁷ মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।

হোশেয় 11:7 Iomraidhean Croise

গীতসংহিতা 81:11

মাত্তর্ মঅ মানুচ্চুনে মঅ কধানি ন-শুনিলাক্; ইস্রায়েল মর্ বাধ্য অদে রাজি ন-অলঅ।

গম্ উপদেজ্ 14:14

অবিশ্বেজি মানুচ্চুন নিজোর আচার-বেবহারলোই হুজি অন্, মাত্তর্ গম্ মানুচ্চুনে নিজো আচার-বেবহারলোই আরঅ বেশ্ হুজি অন্।

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 3:11

লগেপ্রভু মরে কলদে, ভান্ন্যেই পধেদি যেইয়্যে ইস্রায়েল আর অবিশ্বেজি যিহূদাত্তুন্ নিজোরে গম্ দেগেয়্যে।

যিরমিয় 7:25

তমা পুরোণি মানুচ্চুনে যেক্কে মিসর ছাড়ি এচ্চ্যন্ সেক্কেত্তুন ধুরি এচ্চ্যে সং দিনকে দিন মুই তমা ইধু মর্ বেক চাগরুনোর, অত্তাৎ ভাববাদীগুনোরে পাধেই এজঙর্।

যিরমিয় 7:26

মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।

যিরমিয় 8:5

সালে কিত্তে যিরূশালেমর এ মানুচ্চুনে ভান্ন্যেই পধেদি যেইনে আর ফিরি ন-এজন্? তারা ছলনাগানরে আজাবোদে ধুরি রাগান; তারা ফিরি এত্তে অস্বিগের্ গরন।

হোশেয় 11:2

মাত্তর্ মুই ইস্রায়েলরে যেদক্ ডাগিলুং সেদক্ তে মত্তুন্ দূরোত্ সুরি গেলঅ। তা মানুচ্চুনে বাল দেবেদা ইধু য়েমান-উৎসর্ব গরা ধুরিলাক্ আর মূত্তিগুনো ইধু আগর্‌বাট্টি জ্বালা ধুরিলাক্।

হোশেয় 14:4

লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

হোশেয় 4:16

ইস্রায়েলীয়গুন এক বুস্যে গোরু ধোক্ক্যেন্। সেনত্তে মাদত্ ভেড়া ছঅগুনো ধোক্ক্যেন লগেপ্রভু কেধোক্ক্যেন গুরি তারারে চোরেব?

হোশেয় 7:16

তারা স্বর্গ ইন্দি ন-ফিরোন্; তারা বেঙাটেরা এক্কান ধনু ধোক্ক্যেন। তারার্ নেতাগুনে তারার্ অহংকারবলা কধাবাত্তানিত্তে মুরি যেবাক্, আর সেনত্তে ইস্রায়েলীয়গুনে মিসর দেজত্ আজি-তামাজার্ মান্‌জ্য ধোক্ক্যেন অবাক্।‌‌‌‌‌‌‌‌