হোশেয় 11:11 - Chakma Bible

¹¹ মিসরত্তুন্ পেগো ধোক্ক্যেন, আসিরিয়াত্তুন্ কঅ ধোক্ক্যেন তারা গির্‌‌‌গিরাদে গির্‌‌‌গিরাদে এবাক্। মুই তারার্ ঘরত্ তারারে বোজেই দিম। মুই লগেপ্রভু এ কধাগান কঙর্।”

হোশেয় 11:11 Iomraidhean Croise

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 60:8

নিজোর্ বাহ্‌‌বো ইন্দি কঅগুনে যেধোক্ক্যেন উড়ি এজন্ সেধোক্ক্যেন ইগুন কন্না মেঘ ধোক্ক্যেন উড়ি এত্তন্?

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিহিষ্কেল 34:27

মাদ গাজ্‌চুনোত্ গুলো ধুরিবাক্ আর মাদিগানে তার খেত্‌-খেত্তি দিবো; তারা গমেডালে নিজোর্ নিজোর্ ভূইয়োত্ বজত্তি গুরিবাক্। মুই যেক্কে তারার্ জুঙোলান্ ভাঙি ফেলেম আর যিগুনে তারারে চাগর্ বানেয়োন তারা আঢত্তুন্ ছাড়েই আনিম সেক্কে তারা হবর্ পেবাক্, মুয়ই লগেপ্রভু।

যিহিষ্কেল 34:28

তারা আর জাদ্‌‌‌‌তুনোর্ লুদেয়্যে জিনিসপাদি ন-অবাক্ বা ঝার য়েমানুনেয়ো তারারে ন-হেবাক্। তারা গমেডালে বজত্তি গুরিবাক্ আর কনজনে তারারে দর্‌‌‌‌বুক ন-লাগেবাক্।

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।

ওবদিয় 1:17

মাত্তর্ সিয়োন মুড়োবোত্ কয়েক্কো মানুচ্ রোক্ষ্যে পেবাক্; তারা অবাক্ গোজেন নাঙে যুদো গোজ্যে মানুচ্। যাকোবর বংশবো তারার্ পাওনা সাজা সোম্বোত্তি পেবাক্।

সখরিয় 10:10

মিসর দেজত্তুন্ মুই তারারে ফিরেই আনিম্, আসিরিয়াত্তুন্ তারারে এগত্তর্ গুরিম। গিলিয়দ আর লেবাননত্ মুই তারারে আনিম আর এদক্ মানুচ্ অবাক্কে যে, সিয়েনত্ তারার্ জাগা ন-কুলেব।

সখরিয় 8:7

মুই আরঅ কঙর্, পূগেদি আর পোজিমেত্তুন্ মুই মঅ মানুচ্চুনোরে উদ্ধোর্ গুরিম।

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।