হোশেয় 10:8 - Chakma Bible

⁸ বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

হোশেয় 10:8 Iomraidhean Croise

পত্থম 3:8

যেক্কে সাজোন্যে বোইয়্যের ভানা আরাম্ভ অলঅ সেক্কে তারা লগেপ্রভু গোজেন রঅবো শুনিলাক্‌। তে বাগান ভিদিরে আদা-উদো গরের্‌। সেক্কে আদমে আর তা মোক্কো বাগান গাজঅ আন্দলত্‌ পোল্যে থেলাক্‌ যেনে লগেপ্রভু গোজেন মুজুঙোত্‌ তারা ধরা ন-পড়ন্‌।

১ রাজাবলী 13:2

তে লগেপ্রভুর কধামজিম্‌ ডালিপূজোবোর্‌ বিরুদ্ধে ফগদাং গুরিলো, “ও ডালিপূজো, ও ডালিপূজো, লগেপ্রভু এ কধাগান কত্তে, ‘দায়ূদোর্‌ বংশত্‌ যোশিয় নাঙে ইক্কো পূঅর্‌ জর্ম অবঅ। পূজোর্‌ অজল্‌ জাগানিত্‌ যে ধর্মগুরুগুনে ইক্কিনে তঅ উগুরে এ্যমান্‌ উৎসর্ব গত্তন্‌ সে ধর্মগুরুগুনোরে তে তঅ উগুরে উৎসর্ব গুরিবো আর মান্‌জ্যর্‌ আড়ুন্‌অ পুড়িবো।’”

১ রাজাবলী 13:34

এ কামানি যারবিয়াম বংশর পক্ষেন্দি পাপ অলঅ যেনে তারা ভস্ত ওইনে পিত্তিমীর্‌ বুগোত্তুন্‌ উদি যান্দোই্‌।

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

২ রাজাবলী 23:15

নবাটর পুয়ো যারবিয়াম যিবে ইস্রায়েলরে দিইনে পাপ গোরেয়্যে তে বৈথেলত্‌ যে ডালিপূজো আর পূজো অজল্‌ জাগানি বানেয়্যে সিয়েনি যোশিয় ভস্ত গুরি দিয়্যে। যোশিয় সে পূজো অজল্‌ জাগানি পুড়ি দিইনে গুড়ি গুরি ফেলেল আর আশেরা-খুদোবোয়ো পুড়ি দিলো।

২ বংশধর 31:1

পরবর্‌ বেক্কানি থুম্‌ অনার্‌ পরেন্দি সিয়েনত্‌ আঝিল্ ওইয়্যে ইস্রায়েলীয়গুনে নিগিলিনে যিহূদার শঅরানিত্‌ যেইনে পূজোর্‌ পাত্তরুন্‌, আশেরা-খুদোগুন, পূজোর্‌ অজল্‌ জাগায়ান আর ডালিপূজোগুন্‌ এক্কুবারে ভস্ত গুরি দিলাক্‌। তারা যিহূদা, বিন্যামীন, ইফ্রয়িম আর মনঃশি-গুট্টির পুরো চাগালাত্‌ একই কাম্‌ গুরিলাক্‌। ইয়েনি বেক্কানি ভস্ত গরানার পর্‌ ইস্রায়েলীয়গুনে আদামত্‌ আর শঅরত্‌ নিজোর্‌ নিজোর্‌ জাগাত্‌ ফিরি গেলাক্‌।

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 2:21

লগেপ্রভু যেক্কে পিত্‌থিমীর মানুচ্চুনোরে দর্ জিনিস্‌ছান দেগেবাত্তে এবঅ সেক্কে তার দর্‌গরেপারা আর তার মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে দাঙর্ দাঙর্ শিলো ফাগত্ আর মোন-মুড়ো ফাদা সেরে ধেই যেবাক্।

যিশাইয় 32:13

কাদাগাজে আর কাদাঝুব্‌পোই ভরা মঅ মানুচ্চুনোর্ দেজ্‌ছানত্তে বুগ্ চাবড়। অয়, রঙ্গ-ফুত্তিলোই ভরা ঘরানি আর কিজিক্-কাজাগে ভরা শঅরত্তে বুগ্ চাবড়।

যিশাইয় 34:13

কাদাগাজে সিয়েনর্ দাঙর্ দাঙর্ ঘরানি নাঢা যেবঅ, আর তাম্বুলানি নাঢা যেবঅ বিছুটি আর কাদাঝুব্‌পোই। সে দেজ্‌‌চান অবঅ শিয়েল আর উটপেখ্‌কুনোর থেবারজাগা।

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।

হোশেয় 10:9

লগেপ্রভু কত্তে, “ও ইস্রায়েল, গিবিয়াত্ যেক্কে তুই পাপ গোজ্যস্ সেক্কেত্তুন্ ধুরি তুই পাপ গুরি এজর্, আর পাপ ভিদিরে তুই রোই যেইয়োচ্। যুদ্ধোগানে কি গিবিয়াত্ অন্যেয়গুরিয়্যেগুনোরে লাগদ্ ন-পেবঅ?

হোশেয় 2:6

সেনত্তে মুই কাদাঝুপ্পোই তা পথ্‌‌‌তান‌ নাঢি দিম; মুই তা চেরোকিত্তে দেবাল্ তুলি দিম্ যেনে তে তার্ পথ্‌তান তোগেইনে ন-পায়।

হোশেয় 4:13

মুড়ো তোগোনোত্ তারা য়েমান উৎসর্ব গরন্ আর মুড়ো উগুরে অলোন, লিব্‌‌‌নী আর এলা গাজর্ তলে যিয়েনত্ ছাবালোই আরাম দে সিয়েনত্ তারা আগর্‌বাট্টি জ্বালান। সেনত্তে তমা মিলেগুন বেশ্যে অন্ আর ফুদো বৌগুনে বেভিচের্ গরন।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

হোশেয় 5:8

তুমি গিবিয়াত তূরী বাজ আর রামাত শিংগা বাজ। বৈৎ-আবনত্ রঅ ছাড়িনে কঅ, ও বিন্যামীন, যুদ্ধোত্ আমারে পরিচালনা গর্।

হোশেয় 8:5

ও শমরিয়া, মুই তর্ গোরু ছঅ-মূত্তিবো এলাফেলা গোজ্যং। সিগুনো বিরুদ্ধে মঅ রাগর্ আগুনান্ জ্বলের্। গম্ অদে তঅ মানুচ্চুনোর আর কয়দিন লাগিবো?

হোশেয় 9:6

যেক্কেনে তারা ভস্ত অইদ্যে আঢত্তুন্ ধেই যেবাক্ সেক্কেনে মিসরে তারারে এগত্তর্ গুরিবো আর মোফ শঅরত্ তারারে গোর্ দিবো। তারার্ তুবেয়্যে রূবো আর তারার্ থেবার ঘরানি হেরপদনা আরি কাদাগাজে ঢাগি ফেলেব।

আমোষ 1:5

মুই দামেস্কর গেদো হুক্কো ভাঙি ফেলেম; মুই আবন কলগর্ মানুচ্চুনোরে আর বৈৎ-এদনত্ যে মানুচ্চো রাজলুদিক্কো ধুরি আঘে তারে ভস্ত গুরিম। অরামর মানুচ্চুনোরে বন্দী ওইনে কীরে ইদু যেবাক্।”

আমোষ 3:14

মুই পাপত্তে ইস্রায়েলরে যেদিন্যে সাজা দিম্ সেদিন্যে বৈথেলর্ পূজোগুন ভাঙি ফেলেম; সেক্কে পূজোর্ শিঙুন্ ভাঙিনে মাদিত্ পড়িবাক্।

আমোষ 7:9

ইস্‌‌হাক বংশ মানুচ্চুনোর পূজোর্ অজল্ জাগায়ানি আর ইস্রায়েলর উবোসনার অন্য জাগায়ানি ভস্ত গরা অবঅ। মুই লাম্বা ছুরিলোই যারবিয়াম বংশর্ বিরুদ্ধে উদিম।”

আমোষ 8:14

যিগুনে শমরিয়ার মূত্তিবো নাঙে শমক্ হেইনে কন্, ‘ও দান, তর্ জেদা দেবেদাবোর নাঙে,’ বা কন্, ‘বের্‌-শেবার জেদা দেবেদাবোর নাঙে,’ তারা পড়ি যেবাক্, আর কনদিন্‌অ ন-উদিবাক্।”

মীখা 1:13

ও লাখীশোত্ বজত্তি গুরিয়্যে মানুচ্চুন, তুমি রথ সমারে ঘোড়াগুনোরে লাগেই দুয়ো। ইস্রায়েলর অন্যেয়ান পত্তমে তমা ভিদিরে পাহ্ যেইয়্যে বিলি সিয়োন-ঝিবোরে তুমি পাপর্ পধেদি নেযেয়ো।

মীখা 1:5

যাকোব পাপত্তে, ইস্রায়েল বংশর অন্যেয়ত্তে ইয়েনি অবঅ। যাকোবর পাপত্তে দায়ী কন্না? শমরিয়া কি নয়? যিহূদার পূজোর্ অজল্ জাগানিত্তে দায়ী কন্না? যিরূশালেমানে কি নয়?

নহূম 3:11

ও নীনবীগান, তুইয়ো মাত্তল্ ওইনে ঢুলি পড়িবে; তুই শত্রুগুনোত্তুন্ লুগেবাত্তে আশ্রয় তোগেবে।

লূকে লেখ্যে গম্ হবর্ 23:30

সে সময়োত্ মান্‌জ্যে দাঙর্ দাঙর্ মূড়োগুনোরে কবাক্, ‘আমা উগুরে পড়অ,’ আর চিগোন্ চিগোন্ মূড়োগুনোরে কবাক্, আমারে নাঢি থঅ।

দ্বি’লম্বর বিররণ 9:21

তমার্‌ সে পাপর জিনিস্‌ছান, অত্তাৎ তমার বানেয়্যে সেই দামাড়া গোরুবোরে নেযেইনে মুই আগুনোত্‌ পুড়ি দুয়োং। সে পরেন্দি মুই সিবে ধূল্যে ধোক্ক্যেন গুঁড়ি গুরি নেযেইনে মুড়োত্তুন্‌ বেঈ এচ্চ্যে গাঙর্‌ গঙারত্‌ ফেলে দুয়োং।

ফগদাং পেইয়্যে 6:16

তারা মোন্‌মুড়ো আর পাত্তরুনোরে কলাক্, “আমা উগুরে পড় আর যিবে সেই সিংহাসন উগুরে বৈ আঘে তা মুয়ো মুজুঙোত্তুন্ আর ভেড়া-ছবোর্ রাগত্তুন্ আমারে লুগেই থঅ,

ফগদাং পেইয়্যে 9:6

সেই সময়োত্ মান্‌জ্যে মরণানরে তোগেবাক্ মাত্তর্ কনমতে সিয়েন ন-পেবাক্; তারা মরিবার চেবাক্ মাত্তর্ মরণানে তারাত্তুন্ ধেই যেবঅ।