হোশেয় 10:6 - Chakma Bible

⁶ সিবে আসিরিয়াত্ নেযা ওইয়্যে আর মহারাজার কর্ ইজেবে দিয়্যে ওইয়্যে। সেনত্তে ইফ্রয়িমে অসর্মানিত্ অবঅ, ইস্রায়েলে তার্ নিজোর্ পরিকল্পনাত্তে লাজেব।

হোশেয় 10:6 Iomraidhean Croise

২ রাজাবলী 17:3

আসিরিয়ার রাজা শল্‌মনেষর হোশেয়রে আক্রমণ গুরিবাত্তে এলঅ। সে কারনে হোশেয় শল্‌মনেষরর তলে-রাজা অলঅ আর তারে কর্‌ দিয়্যে ধুরিলো।

ইয়োব 18:7

তার্‌ আদিবার বলান্‌ বল্‌পোজ্যে অবঅ; তা দিয়্যে সল্লাগানে তারে তলেদি ফেলেই দিবো।

যিশাইয় 1:29

“অয়, তুমি যিদুক্কুন্ এলোন গাজরে পূজো গুরিদা সিয়েনত্তে তুমি লাজেবা, আর যিদুক্কুন্ বাগানত্ তুমি পূজো গুরিদা সিয়েনত্তে অসর্মান্ অবা।

যিশাইয় 30:3

মাত্তর্ ফরৌণর আশ্রয়ান্ তারা লাজেবাক্ আর মিসরর্ ছাবাগান্ তারাত্তে অসর্মান্ আনিবো।

যিশাইয় 45:16

যিগুনে মূত্তি বানান্ তারা বেক্কুনে লাজত্ পড়িবাক্ আর অসর্মান অবাক্; তারা এক সমারে অগমান পেইনে যেবাক্কোই।

যিরমিয় 48:13

ইস্রায়েলর মানুচ্চুন যেবাবোত্যেগুরি বৈথেল উগুরে বিশ্বেজ্ গুরিনে লাজেয়োন সেবাবোত্যেগুরি মোয়াবেয়ো কমোশ পৌইদ্যেনে লাজত্ পুরিবো।

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

যিহিষ্কেল 16:28

আসিরিয়গুনো সমারেয়ো তুই ব্যভিচের্ গোজ্যস্, কিত্তে তুই ঈল্ ন-ফুত্যে এলে; মাত্তর্ সে পরেদিয়ো তর্ ঈল্ ন-অয়।

যিহিষ্কেল 36:31

সেক্কে তমার্ ভান্ন্যেই আচার-বেবহার আর বজং কামানির্ কধা তমাত্তুন্ ইদোত্ উদিবো আর নিজোর্ পাপ আর জঘন্য কামানিত্তে নিজে নিজোরে ঈচ্ গুরিবা।

দানিয়েল 11:8

তে তারার্ দেব-দেবেদা, ধাতুলোই বানেয়্যে বেক্ মূত্তিগুন আর রূবো, সনার্ মংগা মংগা জিনিস্ গজক্ গুরিনে মিসরত্ নেযেব। কয়েক বজর্ তে উত্তোর রাজা উগুরে কিচ্চু ন-গুরিবো।

হোশেয় 4:19

সাজাগানে বোইয়্যের ধোক্ক্যেন গুরি যেন তারারে উরেই নেযেব; তারার্ উৎসর্বর অনুষ্ঠানানিত্তে তারা লাজ্ পেবাক্।”

হোশেয় 4:7

ধর্মগুরুগুন জনেদি যেদক্ বাড়দন্ সেদক্ তারা মঅ বিরুদ্ধে পাপ গত্তন্, সেনত্তে মুই সর্মানর্ বদলে তারারে অসর্মানিত গুরিম।

হোশেয় 5:13

“ইফ্রয়িমে যেক্কে তা পীড়েগান দেগিলো আর যিহূদা দেগিলো তা ঘাগান্ সেক্কে ইফ্রয়িমে আসিরিয়া ইন্দি ফিরিনে সাহায্যত্তে সেই মহা রাজ ইধু মানুচ্ পাধেল। মাত্তর্ তে দঅ তারে গম্ গুরি ন-পারিবো আর তা ঘাগান্অ গম্ গুরি ন-পারিবো।

হোশেয় 8:6

সেই গোরু ছবো ইস্রায়েল মানুচ্চুনে বানেয়োন। এক্কো কালিগরে সিবে বানেয়্যে; সিবে দঅ গোজেন নয়। শমরিয়ার সেই গোরু ছবোরে ভাঙিনে কট্টা কট্টা গরা অবঅ।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”