হোশেয় 10:2 - Chakma Bible

² তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

হোশেয় 10:2 Iomraidhean Croise

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

যাত্রা 23:24

তুমি তারার্‌ দেবেদাগুনোরে পূজো বা সেবা ন-গুরিবা আর সিদুগোর্‌ মানুচ্চুনে যিয়েনি গরন্‌ সিয়েনি ন-গুরিবা। তুমি তারার্‌ দেব-দেবেদার মুর্তিগুন্‌ ভাঙি ফেলেবা আর তারার্‌ পূজো গোজ্যে পাত্তরুন কট্টা কট্টা গুরি ফেলেবা।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

যিশাইয় 44:18

সেই মানুচ্চুনে কিচ্চু হবর্‌অ ন-পান্, নয়ো বুঝোন্। তারার্ চোগ্‌কুন বন্ধ বিলিনে তারা ন-দেগন্ আর মনানি বন্ধ বিলিনে তারা নয়ো-বুঝোন্।‍

যিরমিয় 43:13

মিসরর বেলদেবেদা পূজোর্ খুদোগুন তে ভাঙি ফেলেব আর মিসরর দেব-দেবেদার মন্দিরুন পুড়ি ফেলেই দিবো।’ ”

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

হোশেয় 12:11

গিলিয়দ ভান্ন্যেয় কামে ভরা, তা মানুচ্চুনে অপদাত্ত। তারা গিল্‌গলত্ বোউত বলদ উৎসর্ব গরন্। তারার্ পূজোগুন চাজ্ গোজ্যে ভূইয়োত্ পাত্তর কুড়ো ধোক্ক্যেন বোউত্।

হোশেয় 13:16

শমরিয়ার মানুচ্চুনে তারার্ গোজেন বিরুদ্ধে উল্লোমী গোজ্যন বিলি দায়ী অবাক্। তারা যুদ্ধোত্ মুরি যেবাক্; তারার্ পুয়ো-ঝিগুনোরে মাদিত্ আছাড় মারিনে নিগুজ্ গরা অবঅ আর তারার্ পিদিলী মিলেগুনোর্ পেটতুন্ ফাদি ফেলা অবঅ।”

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

হোশেয় 7:8

ইফ্রয়িমে অন্য জাদ সমারে মিজেয়্যেগোই; ইফ্রয়িমে এক কিত্তেদি পুড়ি যেইয়্যে পিদে ধোক্ক্যেন ওইয়্যে যিবে উল্ল্যে দিয়্যে ন-অয়।

লেবীয় 26:30

মুই তমার পূজোর উজু জাগায়ানি শেজ্ গুরি দিম, পৌইরেক-পূজো ভাঙি ফেলেম আর তমার পরাণ নেইয়্যে দেব-দেবীগুনো উগুরে তমার মরাকিয়্যেগানি ফেলেই দিম, আর মুই তমারে অমকদ ঘিনাইদে চোগোন্দি চেইম্‌।

মীখা 5:13

তত্তুন্ মুই খুন্যে মূত্তিগুন আর তর্ পূজোর্ বেক খুদোগুন বর্‌বাদ গুরি ফেলেম; তর্ আঢে বানেয়্যে জিনিসচ্চোরে তুই আর পূজো ন-গুরিবে।

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

মথি লেখ্যে গম্ হবর্ 6:24

কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

লূকে লেখ্যে গম্ হবর্ 16:13

কনঅ চাগরে দ্বিজন্ গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব, নয়ত তে একজন উগুরে মনযোগ্ দিবো আর অন্যজনরে ঈচ্ গুরিবো। গোজেন আর ধন-সম্বোত্তি এ দ্বিয়েনর্ সেবা তুমি এক সমারে গুরি ন-পারঅ।

যাকোব 1:8

তে দ্বি-মনা মানুচ্‌ আর তার বেক্‌ কামানিত্ থির্ নেইয়্যে।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

১ যোহন 2:15

তুমি জগদ আর জগদর্ কনঅ কিচ্চু কোচ্‌ ন-পেইয়ো। যুনি কেঅ জগদ্‌তানরে কোচ্‌পঅ সালে তে বাবারে কোচ্‌ ন-পায়।

১ শমূয়েল 5:4

সে পরেন্দি দিন্নোত্‌অ তারা বেন্যেপোত্যে উদিনে দেগিলাক দাগোনে লগেপ্রভুর সুন্দুগোর মুজুঙোত্‌ মাদিত্‌ উবোত্‌ পুন্দুরী ওই পড়ি আঘে। তার্ মাদাবো আর আত্তানি ভাঙিনে দোরােন চৌকাত্তুনো উগুরে পড়ি আঘে, বানা কিয়্যেগানর বাগী কট্টাগান পড়ি আঘে।