হোশেয় 10:12 - Chakma Bible

¹² তুমি নিজোত্তে ন্যায়র্ বীজি ফেলঅ, বিশ্বেজর্ ফল কাবঅ আর তমার্ চাজ্ ন-গোজ্যে মনান্ ভাঙ, কিত্যে লগেপ্রভু ইন্দি ফিরিবার সময় ওইয়্যে। যেক্কে তুই সিয়েন গুরিবে সেক্কে তে এইনে তমা উগুরে সততার্ ঝড় দিবো।

হোশেয় 10:12 Iomraidhean Croise

গীতসংহিতা 105:4

লগেপ্রভু আর তার খেমতাগানরে বুঝিবাত্তে চঅ; নিত্য তা সমারে উদোলোলি গুরি থেবাত্তে আওজি অ।

গীতসংহিতা 72:6

ঘাস কাবি নেযেয়্যে ভূইয়ো উগুরে ঝড় পড়িলে যেধোক্ক্যেন অয় তে যেন সেধোক্ক্যেন অয়; তে যেন মাদি ভিস্যে ঝড়নাল ধোক্ক্যেন অয়।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

গম্ উপদেজ্ 18:21

মুয়ো কধানি উগুরে নির্ভর গরে জিংকানি আর মরণান; যিগুনে যগাজ্যে কধা কবাত্তে গম্ পান তারা সিয়েনর ফল পেবাক্।

উপদেশক 11:6

তঅ বীজিগুন্ বেন্যেমাদান্ ফেলা, বেল্যে মাদান্অ তঅ আঢ্‌তানিরে সে কামানি গুরিবাত্তে দিচ্, কিত্তে কন্ সময়োত্ কামানি গম্ অবঅ না কি দুনোগান্ সং সং গুরি গম্ অবঅ, সিয়েন্ দঅ তুই হবর্ ন-পাজ্।

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 32:20

মাত্তর্ পত্তি গঙার পারত্ বীজ্ লাগেইনে আর তমা গোরু আর গাধাগুনোরে গমেডালে চড়িবাত্তে দিইনে তুমি সুগি অবা।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 45:8

ও আগাজ্‌‌‌ছান, তুই ভালেদি গুরিবাত্তে ঝড় ফেলাচ্; মেঘ্‌কানে ভালেদি ঢালি দোক্। পিত্‌‌‌‌‌থিমীর বুগ্‌‌‌‌‌কান খুলি যেইনে উদ্ধোরান ভাজি উদোক্ আর সিয়েন সমারে বাড়ি উদোক্ গম্ জিনিস্‌‌‌‌‌চান। মুই লগেপ্রভু ইয়েনর্ বেবস্থা গোজ্যং।

যিশাইয় 48:18

তুমি যুনি বানা মঅ উগুমো উগুরে মনান্ দিদে সালে তমার শান্দি অদঅ গাঙ ধোক্ক্যেন আর তমা সততাগানি অদঅ সাগর তুবোল ধোক্ক্যেন।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

যিরমিয় 50:4

সে অক্তত্ ইস্রায়েল আর যিহূদার মানুচ্চুনে এক সমারে চোগো পানিয়ে তারার গোজেন লগেপ্রভুরে গভীনগুরি হবর্ পেবাত্তে আওজি অবাক্।

যিহিষ্কেল 34:26

মুই তারারে বর্ দিম আর মর্ মুড়োগুনোর্ চেরোকিত্তে জাগানিরে বর্ দিম। মুই ঠিগ্ সময়োত্ ঝড়্ পাদেম; সিয়েন অবঅ বর্ পানার্ ঝড়।

হোশেয় 12:6

ইক্কিনে ও যাকোব-বংশর মানুচ্চুন, তমা গোজেন ইধু তুমি ফিরি এজঅ; তুমি বিশ্বেজ্ আর ন্যায়বিচের্ রোক্ষ্যে গর্ আর নিত্য তমা গোজেনরে বাজ্জেই থাগঅ।

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

হোশেয় 8:7

তারা দঅ বোইয়্যেরানরে কুজোন্ আর শেজদি তুট্ট্যে বোইয়্যের্ কাবন্। শোজ্য শীজোত্ কনঅ বিজি নেই; সিয়েনত্তুন মোয়দ্যে ন-অবঅ। যুনি সিগুনোত্ কিজু অয়ও সালে সিগুন বিদেশীগুনে গিলি ফেলেবাক্।

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

আমোষ 5:4

ইস্রায়েল মানুচ্চুনোরে লগেপ্রভু কোইয়্যেদে, “তুমি মইদু এজঅ, সেক্কে বাঁজিবা।

আমোষ 5:6

তুমি লগেপ্রভু ইধু যঅ সেক্কে বাঁজিবা; সিয়েন ন-অলে তে আগুনো ধোক্ক্যেন গুরি যোষেফর, অত্তাৎ ইস্রায়েল মানুচ্চুনো ভিদিরে জুলি উদিবো। সে আগুনানে গিলি ফেলেব আর বৈথেলর কনজনে সিয়েন মারেই ন-পারিবো।

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।

লূকে লেখ্যে গম্ হবর্ 13:24

চিগোন্ দুয়োরদি সুমিবাত্যে জদবদে চেষ্টা গরঅ। মুই তমারে কঙর্, ভালোক্‌জনে সুমিবাত্যে চেষ্টা গুরিবাক্ মাত্তর্ ন-পারিবাক্।

প্রেরিত্‌ 2:18

এমন্ কি, সে অক্তত্ মর্ চাগর্ আর চাগরানিগুনো উগুরে মুই মঅ আত্মাগান ঢালি দিম্, আর তারা ভাববাদী ইজেবে গোজেনর কধা কবাক্।

২ করিন্হীয় 9:10

যিবে চাষাবলাবোত্যে বিজি আর হানাত্যে রুটি যোগেই দে তে তমারে সিদিবাত্যে বীজ্-অ যোগেব আর তার্ পরিমাণান্ বাড়েই দিবো। আর তে তমার্ গম কামর্ ফল বোউত্ দিবো।

যাকোব 3:18

যিগুনে শান্তির্ চেষ্টা গরন্ তারা শান্তিয়ে বীজি ফেলান আর সিয়েনর্ ফল অলঅ সৎ জিংকানি।