হোশেয় 1:7 - Chakma Bible

⁷ মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

হোশেয় 1:7 Iomraidhean Croise

২ রাজাবলী 19:29

ও হিষ্কিয়, তত্তেই চিহ্নোগান্‌ অবঅ ইয়েন্‌: এ বজরত্‌ নিজে নিজে যিয়েনি জোর্মেব তুমি সিয়েনি হেবা, আর দ্বিবজরত্‌ সিয়েনিত্তুন্‌ যিয়েনি জোর্মেব সিয়েনি হেবা। মাত্তর্‌ তিন বজরত্‌ তুমি বীজ্‌ ফেলেবা আর খেত্-খেত্তি কাবিবা আহ্ আংগুর ক্ষেত্‌তানি গুরিনে সে গুলোগুলিগুন্‌ হেবা।

২ রাজাবলী 19:34

মুই মর্‌ আর মঅ চাগর্‌ দায়ূদত্তে এ শঅরান্‌ ঘিরি রাগেইনে সিয়েন্‌ রোক্ষ্যে গুরিম্‌।’ ”

২ রাজাবলী 19:35

সে রেদোত্‌ লগেপ্রভু দূত্তো নিগিলিনে আসিরিয়গুনো তাম্বুলোর্‌ এক লাখ্‌ পাজাশি আজার্‌ মান্‌জ্যরে মারে ফেলেল। তার্‌কেল্যে বেন্যে মানুচ্চুনে যেক্কে ঘুমোত্তুন উদিলাক্‌ সেক্কে দেগা গেলদে বেক্‌ জাগানিত্‌ বানা মরামানুচ্।

২ রাজাবলী 6:18

শত্রুগুনে যেক্কে ইলীশায়র ইন্দি লামি এত্তন্‌ সেক্কে তে লগেপ্রভু ইদু এ তবনাগান্‌ গুরিলো, “এ মানুচ্চুনোরে তুই পহ্‌রর্‌ ঝিমিলেনিলোই কান্‌ গুরি দে।” ইলীশায়র তবনা মজিম লগেপ্রভু তারারে কান্‌ গুরি দিলো।

গীতসংহিতা 33:16

দাঙর্ সৈন্যদল থেলেয়ো কনঅ রাজা সিয়েনিলোই রোক্ষ্যে ন-পায়; দাঙর্ বল্লোই অলেয়ো কনঅ বীর যোদ্ধাই রোক্ষ্যে ন-পায়।

গীতসংহিতা 44:7

মাত্তর্ তুয়ই শত্রুগুনো উগুরে আমারে জিদেই দুয়োচ্, আমা বিপক্ষগুনোরে লাজত্ ফেলেয়োচ্।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 14:30

লগেপ্রভু এধোক্ক্যেনগুরি সেদিন্যে মিসরীয়গুনোর্ আঢত্তুন্‌ ইস্রায়েলীয়গুনোরে উদ্ধোর্‌ গুরিলো। ইস্রায়েলীয়গুনে মিসরীয়গুনোর্‌ মরাকিয়্যেনি বড়্‌‌গাঙর্‌ পারত্‌ পড়ি থাগদে দেগিলাক্‌।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিরমিয় 25:5

তারা লগেপ্রভুর এ কধাগান কোইয়োন, তুমি পত্তিজনে ইক্কিনে তমা ভান্ন্যেই পধত্তুন আর ভান্ন্যেই কামানিত্তুন্ ফিরো, সেক্কে যে দেজ্‌চান মুই তমার্ ‌আর তমা পুরোণিমানুচ্চোরে দুয়োং সেই দেজত্ তুমি জিংকানিবর্ থেই পারিবে।

যিরমিয় 25:6

দেব-দেবেদাগুনোরে সেবা আর পূজো গুরিবাত্তে তারা পিজেদি ন-যেয়ো; তমা আঢে বানেয়্যে জিনিস্‌চোই মরে অহুজি ন-গোজ্য। সালে মুই তমারে অমংগল ন-গুরিম।‌

যিরমিয় 33:26

সেবাবোত্যে যাকোব আর মর্ চাগর দায়ূদোর বংশধরুনোত্তে মর্ সুদোমান ঠিগ্ থেবঅ আর অব্রাহাম, ইস্‌হাক আর যাকোবর বংশধরুনো উগুরে রাজাগিরি গুরিবাত্তে মুই দায়ূদোর বংশধরুনোরে এলাফেলা ন-গুরিম। মুই হামাক্কায় তারার অবস্থাগান ফিরেম আর তারা উগুরে মেয়্যে গুরিম।”

হোশেয় 1:8

লো-রুহামারে দুধ হানাগান্ ছাড়ি দিবার পরেদি গোমরর আর এক্কো পুয়ো অলঅ।

হোশেয় 11:12

লগেপ্রভু কত্তে, “ইফ্রয়িমর মিজে কধা, ইস্রায়েলর ছলনা মঅ চেরোকিত্তে রোইয়্যে। যিহূদা গোজেনর্, অত্তাৎ সেই বিশ্বেজি সুদ্ধো-সাংগ মানুচ্চোর্ অবাধ্য ওইয়্যে।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

১ শমূয়েল 17:47

যিদুক্কুন মানুচ্‌ এচ্চ্যে ইয়েনত্‌ আগন্‌ তারায়ো জানি পারিবাক্, লগেপ্রভু কনঅ লাম্বা কিরিচ্‌ বা শেল্‌ দিইনে উদ্ধোর্ ন-গরে, কিত্যে এই যুদ্দোগান লগেপ্রভুর; আর তে আমা আঢত্‌ তমারে তুলি দিবো।”