হোশেয় 1:6 - Chakma Bible

⁶ পরেদি গোমরে আরঅ পিদিলী অলঅ সেক্কে তার এক্কো ঝি অলঅ। সেক্কে লগেপ্রভু হোশেয়রে কলঅ, “তুই ঝিবোর্ নাঙান্ লো-রুহামা রাগা (যিয়্যেনর ভেদ্‌তান্ ‘দোয়্যে ন-পেইয়্যে’), কিত্যে ইস্রায়েল মানুচ্চুনোরে আর মুই দোয়্যে ন-গুরিম, কনঅ বাবদে তারারে খেমা ন-গুরিম।

হোশেয় 1:6 Iomraidhean Croise

২ রাজাবলী 17:20

সেনত্তে লগেপ্রভু বেক্‌ ইস্রায়েলীয়গুনোরে বাদ দি দিলো। তে তারারে দুগোত্‌ ফেলেল আর লুটগুরিয়্যেগুনোর্‌ আঢত্‌ তুলি দিলো, আর যেরেন্দি নিজোর্‌ মুজুঙোত্তুন্‌ তারারে ধাবেই দিলো।

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

হোশেয় 1:8

লো-রুহামারে দুধ হানাগান্ ছাড়ি দিবার পরেদি গোমরর আর এক্কো পুয়ো অলঅ।

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

হোশেয় 2:4

মুই তা পুয়ো-ছাগুনোরে দোয়্যে ন-গুরিম, কিত্যে তারা বেভিচারর্ পুয়ো-ছা।

আমোষ 7:8

তে মরে কলঅ, “আমোষ, তুই কি দেগর্?” জোবত্ মুই কলুং, “এক্কান ওলনদুড়ি।” সেক্কে প্রভু কলঅ, “মঅ মানুচ্ ইস্রায়েলর মাধ্যমে মুই এক্কান ওলনদুড়ি থোইয়োং; মুই আর্ তারারে ছাড়ি ন-দিম।

আমোষ 9:8

মঅ চোগ্‌‌কুন ঘেচ্চেকগুরি এই পাপে ভরা রেজ্যগান উগুরে রোইয়োন। পিত্‌‌থিমীর বুগোত্তুন্ মুই সিয়েন ভস্ত গুরি দিম; তো মুই যাকোবর বংশবোরে পুরোপুরি গুরিনে ভস্ত ন-গুরিম।

১ পিতর 2:10

এক সময়োত্ তুমি গোজেনর্ মানুচ্‌ ন-এলা, মাত্তর্ ইক্কিনে ওইয়ো; এক সময়োত্ তুমি দোয়্যে ন-পঅ, মাত্তর্ ইক্কিনে পেইয়ো।