হোশেয় 1:4 - Chakma Bible

⁴ সেক্কে লগেপ্রভু হোশেয়রে কলঅ, “তুই তা নাঙান্ যিষ্রিয়েল রাগা, কিত্যে যিষ্রিয়েল শঅরত্ বোউত মান্‌জ্যরে যেহূ মারে ফেলেয়্যে বিলি মুই তা বংশবোরে যাদিমাদি সাজা দিম আর ইস্রায়েল রেজ্যগানরে শেজ্ গুরি দিম।‌‌

হোশেয় 1:4 Iomraidhean Croise

২ রাজাবলী 10:1

শমরিয়াত আহাবর সত্তুরজন বংশধর এলাক্‌। যেহূ চিদি লিগিনে শমরিয়াত্‌ যিষ্রিয়েলর শাজন্‌গুরিয়্যেগুনো ইদু, বুড়ো নেতাগুনো ইদু আর আহাবর বংশধরুনো রোক্ষ্যেগুরিয়্যেগুনো ইদু পাধেই দিলো। তে লিগিলোদে,

২ রাজাবলী 10:17

যেহূ শমরিয়াত্‌ এইনে আহাবর বংশর বাদ্‌বাগি বেক্‌ মানুচ্চুনোরে মারে ফেলেল। লগেপ্রভু এলিয়রে যেধোক্ক্যেন্‌ কোইয়্যে সেই মজিম যেহূ তারারে ভস্ত গুরিলো। বাল দেবেদার ধর্মগুরুগুনোর মরাণা

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 15:8

যিহূদার রাজা অসরিয়র রাজাগিরির আত্রিশ বজরত্‌ যারবিয়ামর পুয়ো সখরিয় শমরিয়াত্‌ ইস্রায়েলর রাজা ওইনে ছয় মাস রাজাগিরি গুরিলো।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিশাইয় 8:3

পরেদি মুই মঅ মোক্কো সমারে, যিবে মিলে ভাববাদী এলঅ, তা সমারে থেলুং আর তে পিদিলী ওইনে এক্কো পুয়োর্ জর্ম দিলো। সেক্কে লগেপ্রভু মরে কলঅ, “সিবে নাঙান্ রাগা মহের-শালল-হাস-বস।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 20:3

তার কেল্যে পশ্‌হূরে সেই বান্যেগানত্তুন্ যিরমিয়রে খুলি আনিলো। সেক্কে যিরমিয় তারে কলঅ, “লগেপ্রভুর দিয়্যে তঅ নাঙান পশ্‌হূর নয় বরং মাগোর-মিষাবীব (যিয়েনর্ ভেদ্‌তান্ ‘চেরোকিত্তে অমকদ দর্’),

যিরমিয় 23:2

সেনত্তে যে পালক্‌‍‌কুনে মঅ মানুচ্চুনোরে চড়ান সেই পালক্‌কুনো বিরুদ্ধে ইস্রায়েলর গোজেন লগেপ্রভু কোইয়্যেদে, “তুমি মর্ পালর্ ভেড়াগুনোরে ছিদি ফেল্য আর তারারে ধাবেই দুয়ো, তারারে কনঅ যত্তন্ ন-গরঅ; সেনত্তে তমা অন্যেয়ত্তে মুই তমারে সাজা দিম।‍‌

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিহিষ্কেল 23:10

তারা তারে লাংটা-বাংটা গুরিনে তা পুয়ো-ছাগুনোরে কাড়ি নিইনে লাম্বা ছুরিলোই তারে মারে ফেলেলাক্। তার সাজাগান পৌইদ্যেনে মিলেগুনে কুয়োকি গরা ধুরিলাক্।

যিহিষ্কেল 23:31

তুই তর্ বোন্নোর্ পধেদি যেইয়োচ্; সেনত্তে সিয়েনর্ গলস্‌চো মুই তঅ আঢত্ তুলি দিম।

হোশেয় 1:6

পরেদি গোমরে আরঅ পিদিলী অলঅ সেক্কে তার এক্কো ঝি অলঅ। সেক্কে লগেপ্রভু হোশেয়রে কলঅ, “তুই ঝিবোর্ নাঙান্ লো-রুহামা রাগা (যিয়্যেনর ভেদ্‌তান্ ‘দোয়্যে ন-পেইয়্যে’), কিত্যে ইস্রায়েল মানুচ্চুনোরে আর মুই দোয়্যে ন-গুরিম, কনঅ বাবদে তারারে খেমা ন-গুরিম।

হোশেয় 1:9

সেক্কে লগেপ্রভু কলঅ, তুই তা নাঙান্ লো-অম্মি রাগা (যিয়েনর্ ভেদ্‌তান্ মঅ মানুচ্ নয়), কিয়া তুমি মঅ মানুচ্ নয় আর মুইয়ো তমার গোজেন নয়।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

হোশেয় 2:22

পিত্‌‌‌‌‌থিমীগানে শোজ্য, নুয়ো আংগুর-রস আর তেল্ দিবো, আর সিয়েনির মাধ্যমে যিষ্রিয়েল, অত্তাৎ ইস্রায়েলে মরে সাড়া দিবো;

হোশেয় 9:17

মর্ গোজেনে তারারে এলাফেলা গুরিবো, কিত্যে তারা তার্ বাধ্য ন-অন্; তারা নানান্ জাদ ভিদিরে ঘুরি বেড়েবাক্।

আমোষ 9:8

মঅ চোগ্‌‌কুন ঘেচ্চেকগুরি এই পাপে ভরা রেজ্যগান উগুরে রোইয়োন। পিত্‌‌থিমীর বুগোত্তুন্ মুই সিয়েন ভস্ত গুরি দিম; তো মুই যাকোবর বংশবোরে পুরোপুরি গুরিনে ভস্ত ন-গুরিম।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

লূকে লেখ্যে গম্ হবর্ 1:13

স্বর্গদূত্তো তারে কলঅ, “সখরিয়, ন-দোরেচ্, কিয়া গোজেনে তঅ তবনাগান্ শুন্ন্যে। তঅ মোক্কো ইলীশাবেতর্ এক্কো পুয়ো অবঅ। তুই তা নাঙান্ রাগেবে যোহন।

লূকে লেখ্যে গম্ হবর্ 1:31

শুন্, তুই পিদিলী অবে আর তর্ এক্কো পুয়ো অবঅ। তুই তা নাঙান্ যীশু রাগেবে।

লূকে লেখ্যে গম্ হবর্ 1:63

সখরিয় লিগিবার্ জিনিস চেইনে লিগিলোদে, “তা নাঙান্ যোহন।” সেক্কে তারা বেক্কুনে আমক্ অলাক্,

যোহন 1:42

আন্দ্রিয় শিমোনরে যীশু ইধু আনিলো। যীশু শিমোন ইন্দি রিনি চেইনে কলঅ, “তুই যোহন পুয়ো শিমোন, মাত্তর্ তরে কৈফা বিলি ডাগা অবঅ।” এ নাঙানর্ অত্ত পিতর, অত্তাৎ পাত্তর্।

যিহোশূয় 19:18

তারার্‌ জাগায়ানি ভিদিরে পড়িলো যিষ্রিয়েল, কসুল্লোৎ, শূনেম,