হোশেয় 1:11 - Chakma Bible

¹¹ যিহূদা আর ইস্রায়েল মানুচ্চুনে আরঅ মিজেবাক্ আহ্ তারা উগুরে এক্কো নেতারে নেযেবাক্। তা আগেদি যে দেজত্ তারা বন্দী এলাক্ সিয়েনত্তুন্ তারা এবাক্, কিত্যে যিষ্রিয়েলর সেই দিন্নো অবঅ মহৎ।

হোশেয় 1:11 Iomraidhean Croise

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যিরমিয় 30:21

তারার নেতা অবঅ তারাত্তুন্ একজনে; তারা ভিদিরেত্তুন তারার শাজন্‌গুরিয়্যে উদিবাক্। মুই তারে ডাগিম আর তে মইধু এবঅ, কিত্তে মুই ন-ডাগিলে কন্না সাহস গুরিনে মইধু এই পারে?

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:37

মুই অমকদ বেজার্ আর জ্বোল্‌‌‍জোল্যে আর দর্‌গরেপারা রাগে মুই তারারে যেদক্কানি দেজত্ ধাবেই দুয়োং সিয়েনিত্তুন মুই হামাক্কায় তারারে এগত্তর্ গুরিম। মুই এ জাগাত্ তারারে ফিরেই আনিম আর গমেডালে বজত্তি গুরিবাত্তে দিম্।‌‍‍‍

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

হোশেয় 2:1

তমা ভেইয়ুনোরে তুমি কবা অম্মি (যিয়েনর্ ভেদ্‌তান্ মঅ মানুচ্) আর বোনুনোরে কবা রুহামা (যিয়েনর্ ভেদ্‌‌তান্ দোয়্যের মানুচ্)।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

রোমীয় 11:15

গোজেনে যিহূদীগুনোরে এলাফেলা গোজ্জ্যে বিলি যুনি গোজেন সমারে জগদর্ অন্য মানুচ্চুনোর্ মিলেমিলি অলঅ মাত্তর্ তে যেক্কে যিহূদীগুনোরে মানি লবঅ সেক্কে অবস্থাগান্ কি অবঅ? সিয়েন কি মরা মান্‌জ্যর্ জিংকানি পাইদ্যে ধোক্ক্যেন্ অবস্থা ন-অবঅ?