ইব্রীয় 9:8 - Chakma Bible

⁸ ইয়েনত্ পবিত্র আত্মাগানে দেগেই দেত্তে যে, যেদক দিন এই উবোসনা তাম্বুলান থেবঅ সেদক দিন সেই দাঙর্ পবিত্র জাগানত্ সুমিবার পথ্‌তান খুলো ন-থেবঅ।

ইব্রীয় 9:8 Iomraidhean Croise

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

যোহন 10:7

সেনত্তে যীশু আরঅ কলঅ, মুই তমারে ঘেচ্চ্যেক্‌ গুরি কঙর্, ভেড়াগুনোত্যে মুয়ই দুয়োরান্।

যোহন 10:9

মুয়ই দুয়োরান্। যুনি কেঅ মঅ মাধ্যমে ভিদিরেদি সমে সালে তে উদ্ধোর্ পেবঅ। তে ভিদিরে এবঅ আর বারেদি যেবঅ আর চরত্ হেবার্ জাগা পেবঅ।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

প্রেরিত্‌ 28:25

পৌল কধালোই তারা ভিদিরে কধা মানা-মানি ন-অলঅ আর তারা সিয়েনত্তুন্ গেলাক্‌কোই। তারা যেবার্ আগেদি পৌলে কলঅ, পবিত্র আত্মাগানে ভাববাদী যিশাইয় মাধ্যমে তমা পূরোণি মানুচ্চুনো ইধু সত্য কধাগান কোইয়্যেদে যে,

গালাতীয় 3:8

পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

ইব্রীয় 10:15

পবিত্র আত্মাগানেয়ো এ পৌইদ্যেনে আমা ইধু সাক্ষ্য দের্। পত্তমে তে কোইয়্যেদে,

ইব্রীয় 3:7

সেনত্যে পবিত্র আত্মাগানে কোইয়্যেদে, “আহ্, এচ্চ্যে যুনি তুমি তা কধালোই কান্ দুয়ো!

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।