ইব্রীয় 9:5 - Chakma Bible

⁵ সেই সিন্দুক্কো উগুরে গোজেনর্ মহিমালোই ভোজ্যে দ্বিবে সনার্ করূব এলঅ। তারার্ ডুয়োগানি সেই সিন্দুগোর ঢাগনি উগুরে মেল্যে এলঅ। এই ঢাগনিগান উগুরে পাপ ঢাগি দিয়্যে অদঅ। খালিক্ ইয়েনির্ টুগিটাগির্ কধা কনা ইক্কিনে সম্ভব নয়।

ইব্রীয় 9:5 Iomraidhean Croise

২ রাজাবলী 19:15

হিষ্কিয় লগেপ্রভু ইদু এ তবনাগান্‌ গুরিলো, “দ্বিবে করূবো সংমধ্যে থেইয়্যে ও ইস্রায়েলর গোজেন লগেপ্রভু, তুই, বানা তুয়ই পিত্‌থিমীর্‌ বেক্‌ রেজ্যগানির্‌ গোজেন। তুই দাঙর্‌ আগাজ্‌ আর পিত্‌থিমীগান বানেয়োচ্।

১ বংশধর 28:11

সে পরেন্দি দায়ূদে তাহ্ পুয়ো শলোমনরে তবনা-ঘরর্‌ আস্‌ছালা, বিল্ডিঙানি, ভান্ডাল্‌-ঘরানি, উগুরে আর ভিদিরে গুদিগুন্‌ আর পাপ ঢাগিবার জাগান আরুক্কানি দিলো।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

লেবীয় 16:13

সিয়েনত্‌ লগেপ্রভুর্ মুজুঙোত্ তে আগুনো উগুরে পোইরেগ্‌ দিবো। সে পোইরেগর ধূমোলোই সাক্ষ্য-সুন্দুগো উগুরে ঢাগনিগান্‌ ঢাগা যেবঅ আর সেক্কে তে মারা ন-পুরিবো।

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

গণাণা 7:89

ইয়েনর পরেদি মোশি যেক্কে লগেপ্রভুর লগে কধা কবাত্তে মিলন-তাম্বুলোত্‌ চোমেদ সেক্কে সাক্ষ্য-সিন্দুগো উগুরে ঢাগনিগানর্‌ কাজাকুরেন্দি করূব দ্বিবের্‌ ভিদিরে জাগানত্তুন্‌ তাঁর কধানি শুনিদাক্। এবাবোত্যেগুরি লগেপ্রভু মোশি সমারে কধা কদঅ।

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।