ইব্রীয় 8:9 - Chakma Bible

⁹ মিসর দেজত্তুন্ মুই তারার্ পূরোণি মানুচ্চুনোরে আঢত্ ধুরি নিগিলেই আনিবার অক্তত্ তারাত্যে যে বেবস্থাগান থিদেবর্ গোজ্জ্যং এ নূয়ো বেবস্থাগান সেই বেবস্থাগান ধোক্ক্যেন ন-অবঅ। তারা মর্ সেই সুদোম মজিম ন-চলন্ বিলি মুই তারা ইন্দি মনযোগ ন-দুয়োং।” প্রভু এই কধাগান কয়।

ইব্রীয় 8:9 Iomraidhean Croise

পত্থম 19:16

মাত্তর্‌ লোটে যেম্-যাঙর্ গরা দোজ্যে। কিত্যে লগেপ্রভুর্‌ দোয়্যে তা উগুরে এলঅ বিলিনে সে দ্বিজনে তারা পুরো পরিবারবোরে আদত্‌ ধুরি টানিনে শঅর বারেন্দি আনিলাক্।

ইয়োব 8:20

“নিদ্দুযি মান্‌জ্যরে গোজেনে কনদিন্‌অ ছাড়ি ন-যায় বা যিগুনে বজঙ্‌ কাম্‌ গরন্‌ তারার্‌ আঢ্‌তানি নরম্‌ গরে।

গীতসংহিতা 105:43

হুজি আর রঙ্গ-ফুত্তি গীদোর্ সমারে তার বেঈ লোইয়্যে মানুচ্চুনোরে তে নিগিলেই আনিলো।

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

গীতসংহিতা 78:57

তারার পুরোণি মানুচ্চুনো ধোক্ক্যেন তারা গম্ পদত্তুন সুরি যেইনে বেইমানি গুরিলাক্; বজং ধনু ধোক্ক্যেন তারা বেঙা গুরি থেলাক্।

যাত্রা 32:8

এ ভিদিরে তারা মর্‌ উগুমোত্তুন্‌ দূরোত্‌ সুরি যেইয়োন্। তারা নিজোত্তেই গোরু ছঅ ধোক্ক্যেন এক্কো মূত্তি বানেয়োন। তারা মাদিত্‌ পুরিনে সিবেরে পূজো গোজ্যন্‌ আর সিবের্‌ নাঙে য়েমান্‌-উৎসর্ব গুরিনে কোইয়োন, ভেইলক্‌, ইবে ভিদিরে আগন্‌ তমা দেব-দেবেদাগুন্‌। এই দেব-দেবেদাগুনে মিসর্‌ দেজত্তুন্‌ তমারে নিগিলেই আন্যন্‌।

যাত্রা 34:10

ইয়েনর্ জোবত্‌ লগেপ্রভু কলঅ‌, মুই এক্কান্‌ সুদোম থিদেবর্ গোজ্যং। তর্‌ বেক্‌ মানুচ্চুনো মুজুঙোত্ মুই এমন্‌ আমক্‌ অবার্‌ কাম্‌ গুরিম্‌ যিয়েনি এর্‌ আগেন্দি পিত্‌থিমীত্‌ কনঅ‌ জাদর্‌ মুজুঙোত্‌ গরা ন-অয়। যে মানুচ্চুনো ভিদিরে তুই বজত্তি গরর্‌ তারা দেগিবাক্, মুই লগেপ্রভু তমাত্তে যে কামানি গুরিবাত্তে যাঙর্‌ সিয়েনি মানুচ্চুনোর মনত্‌ কদক্‌ দর্‌ আর ভোক্তি জাগেই দে।

পরমগীত 8:5

তার পরাণ্যে উগুরে ভর্ দিইনে ধূল্যেচর-চাগালাত্তুন্ যে এজের্ সিবে কন্না? আপেল গাজ তলে মুই তরে জাগেলুং; তঅ মা সিয়েনত্ পুয়ো পুদেইনে তরে জর্ম দিয়্যে।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 41:13

কিত্তে মুই লগেপ্রভু, তর্ গোজেন; মুই তর্ ডেন আঢ্‌‌‌‌তান ধুরি আগং আর তরে কঙত্তে, ন-দোরেচ্; মুই তরে সাহায্য গুরিম।

যিশাইয় 51:18

তুই যে পুয়োগুনোরে জর্ম দুয়োচ্ তারা ভিদিরেত্তুন্ পথ দেগেবাত্তে কনজন নেই; যিদুক্কুন পুয়োরে তুই পালেয়োচ্ তারা ভিদিরেত্তুন্ তঅ আঢ্‌‍‌‌তান ধরেদে ধোক্ক্যেন কনজন নেই।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 31:32

মিসর দেজত্তুন্ তারার পুরোণি মানুচ্চুনোরে মুই আঢ্‌‍‍‍‍‍‍‍‍তানি ধুরিনে নিগিলেই আনিবার অক্তত্ তারাত্তে যে সুদোমান থিদেবর্ গোজ্যং এ নূয়ো সুদোমান সেই সুদোমান ধোক্ক্যেন ন-অবঅ। মুই যুনিয়ো তারার নেগ ধোক্ক্যেন এলুং তো তারা মঅ সুদোমান ভাঙ্যন্। ‍

আবিলেচ্ 4:16

লগেপ্রভু নিজে তারারে ছিদি দিয়্যে; তে তারা উগুরে আর মনযোগ্ ন-দে। মান্‌জ্যে ধর্মগুরুগুনোরে সর্মান ন-দেগান্, দোয়্যে ন-গরন্ বুড়ো নেতাগুনোরে।

যিহিষ্কেল 16:59

“তর্ কাম মজিম্ মুই তঅ লগে বেবহার গুরিম, কিত্যে তুই মর্ থিদেবর্ গোজ্যে সুদোমান ভাঙিনে মর্ শমক্তান্ তুচ্ছো গোজ্যস্।

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

আমোষ 5:22

তুমি মঅ নাঙে পুজ্যে-উৎসর্ব আর শোজ্য-উৎসর্ব গুরিলেয়ো মুই সিগুন গুজি ন-লোম্। যুনিয়ো তুমি পক্তামক্তা য়েমান্দোই উদোলোলি-উৎসর্বর অনুষ্ঠান গরঅ তো সিয়েন ইন্দি মুই রিনিয়ো ন-চেইম্।

মালাখি 2:13

আর এক্কান ভান্ন্যেই কাম্ তুমি গুরি থাগঅ; সিয়েন অলঅ, চোগো পানিয়ে তুমি লগেপ্রভুর পূজোবো ভাজঅ। তুমি কানাকুদি আর বিলেপ্ গরঅ, কিত্যেই তুমি যিয়েনি দুয়ো সিয়েনি উগুরে তে আর মনযোগ্ ন-দে বা হুজি মনে তমা আঢত্তুন্ সিয়েনি গুজিয়ো ন-লয়।

মার্ক 8:23

যীশু সেই কান্ মানুচ্চোরে আঢত্ ধুরিনে আদামর বারেদি নেযেল। সে পরেদি মানুচ্চোর্ চোগোত্ চেফ্ দিলো আর তা কিয়্যেত্ আঢ্ দিইনে পুযোর্ গুরিলো, “তুই কি কিজু দেগর্?”

প্রেরিত্‌ 13:11

চাহ্, প্রভুর আঢ্‌‌তানি তঅ বিরুদ্ধে উত্ত্যে। তুই চোগ্ কানা ওই যেবে আর কয়েক দিন সং বেল পহ্‌র ন-দেগিবে।” সেক্কেনে খুয়ো আর আন্ধারানে তারে ঢাগি ফেলেল আর কেঅ যেন তারে আঢত্ ধুরিনে নেযেই পারে ইয়েনত্তে সেক্কে তে লুদিক্ ধুরি বেড়া ধোল্ল্য।

প্রেরিত্‌ 7:36

এ মোশিই মিসর দেজত্তুন্ ইস্রায়েলীয়গুনোরে নিগিলেই আন্ন্যে আর মিসর দেজত্, লোহিত সাগরত্ আর চল্লিশ বজর্ সং ধূল্যেচর-চাগালাত্ ভালোক্কানি আমক্ অবার্ কাম্ গোজ্যে।

প্রেরিত্‌ 9:8

যেরেদি শৌলে মাদিত্তুন্ উদিলো, মাত্তর্ চোগ্‌‌‌কুন মেলিলে পরেদি কিচ্চু ন-দেগিলো। সেক্কে তা সমাজ্জ্যেগুনে আঢ্‌‌‌তানি ধুরিনে তারে দামেস্কত্ নেযেলাক্।

গালাতীয় 4:24

মুই আগারে-ইঙিদে ইয়েনি কঙর্। এ দ্বি'বে মিলে দ্বি'য়েন সুদোমরে বুঝোয়। এক্কান সুদোম সিনাই মূড়োবোত্তুন্ এচ্চ্যে আর সিয়েন তার্ অধীনোত্ মান্‌জ্যরে চাগর্ অবার পধেদি নেযার্। ইবে অলঅ সেই চাগরাণিবো হাগার।

দ্বি’লম্বর বিররণ 29:1

লগেপ্রভু হোরেব মুড়োবোত্‌ মোশির মাধ্যমে ইস্রায়েলীয়গুনোত্তে এক্কান সুদোম থিদেবর্ গোজ্যে, আর ইয়েনি অলঅ তার দ্বিলম্বর সুদোমর্ শর্ত যিয়েনি তে মোশিরে মোয়াব দেজত্‌ ইস্রায়েলীয়গুনোত্তে থিদেবর্ গুরিবাত্তে কোইয়্যে।

দ্বি’লম্বর বিররণ 29:12

তমার গোজেন লগেপ্রভু তমাত্যে এচ্চ্যে ঘেচ্চ্যেকগুরি অবদে শমক্‌ গুরিনে যে সুদোমান থিদেবর্ গোজ্যে সেই শমক্ আর সুদোমানি মানি নিবাত্তে তুমি ইয়েনত্ এইনে থিয়্যেইয়ো।

দ্বি’লম্বর বিররণ 29:25

ইয়েনর জোবপান্ অবঅ, কিত্যে এ জাদ্‌তো তারার পুরোণি মানুচ্চুনোর গোজেন লগেপ্রভুর সুদোমানি বাদ্‌ দুয়োন, যে সুদোমান মিসর দেজত্তুন্‌ তারারে নিগিলেই আনিবার পরেন্দি তে তারাত্তে থিদেবর্ গোজ্যে।