ইব্রীয় 8:8 - Chakma Bible

⁸ মাত্তর্ গোজেনে তা মানুচ্চুনোরে দুষ্ দেগেবাত্যে পবিত্র বোইবোত্ কোইয়্যেদে: প্রভু কত্তে, “সময় এজের্ যেক্কে মুই ইস্রায়েল আর যিহূদা মানুচ্চুনোত্যে এক্কান নূয়ো বেবস্থা থিদেবর্ গুরিম।

ইব্রীয় 8:8 Iomraidhean Croise

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 23:7

“সেনত্তে এমন দিন এজের্ যেক্কে মান্‌‍‍জ্যে আর ন-কবাক, ‘যিবে ইস্রায়েলীয়গুনোরে মিসর দেজত্তুন নিগিলেই আন্যে সেই জেদা লগেপ্রভুর নাঙে কঙর্,’

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিরমিয় 31:27

লগেপ্রভু কোইয়্যেদে, “সময় এচ্চ্যে যেক্কে মুই ইস্রায়েল আর যিহূদা দেজর্ মানুচ্চুনোরে আর এ্যামানুনোরে চারা ধোক্ক্যেন লাগেই দিম।

যিরমিয় 31:38

লগেপ্রভু কোইয়্যেদে, “সে অক্তবো এজের্ যেক্কে মত্তে হননেল-ঘরানত্তুন্ কোণাবোর গেট্‌‍‍‍‍‍‍‍‍‍‍‍‍টো সং এ শঅরান আরঅ বানা অবঅ।‍

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

যিহিষ্কেল 37:26

মুই তারাত্তে এক্কান ভালেদির্ বেবস্থা থিদেবর্ গুরিম; সিয়েন অবঅ এক্কান্ উমরর্ বেবস্থা। মুই তারারে খেমতাবলা গুরিম আর তারারে জনেদি বাড়েই দিম আহ্ মঅ ঘরান্ মুই উমরত্তে তারা ভিদিরে থিদেবর্ গুরিম।

মথি লেখ্যে গম্ হবর্ 26:28

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

মার্ক 14:24

সেক্কে যীশু তারারে কলঅ, “ইয়েন মর্ লো যিয়েন ভালোক্কুনোত্তে দিয়্যে অবঅ। মান্‌জ্যত্তে গোজেনর্ নুয়ো বেবস্থা মর্ এই লো-গান্দোই পুরেই দিয়্যে অবঅ।

লূকে লেখ্যে গম্ হবর্ 17:22

ইয়েন পরেদি তে তা শিচ্চ্যগুনোরে কলঅ, এমন্‌ দিন এজের্ যেক্কে তুমি চেবা যেন মান্‌জ্যপুয়োবোর্ সময়োত্ এক্কো দিন তুমি দেগিবা, মাত্তর্ সিবে তুমি ন-দেগিবা।

লূকে লেখ্যে গম্ হবর্ 22:20

হানার্ পরেদি সেবাবোত্যেগুরি তে গলচ্চো তারারে দিইনে কলঅ, “মঅ লো-গান্দোই গোজেনর্ যে নুয়ো সুদোমান্ অদে অদে গরা অবঅ সে সুদোমানর্ চিহ্নোগান্ অলঅ এ গলজ্‌সো। মর্ এ লো-গান তমাত্যে দিয়্যে অবঅ।

লূকে লেখ্যে গম্ হবর্ 5:38

তাজা আংগুর-রস নুয়ো চাম থৈল্যেত্ থনা উচিত।

১ করিন্হীয় 11:25

হানা অলে পরেদি সেবাবোত্যেগুরি তে গলচ্চো লোইনে কোইয়্যেদে, “মর্ লো-গান্দোই গোজেনর্ যে নুয়ো সুদোম্ অাগঅ ধোক্ক্যেন গরা অবঅ সেই সুদোমর্ চিহ্নো অলঅ এই গলচ্চো। তুমি যেদকবার্ ইবেত্তুন্ হেবা মরে মনত্ রাগেবাত্তে এবাবোত্যে গরঅ।”

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

দ্বি’লম্বর বিররণ 29:14

আমার গোজেন লগেপ্রভুর মুজুঙোত্‌ এইনে এচ্চ্যে যিগুনে থিয়্যেইয়োন্‌ বানা তারাত্যেই যে মুই ঘেচ্চ্যেকগুরি শমক্‌ গোজ্যং এ ‍সুদোমর্ কধাগান ফগদাং গরঙর্‌ সিয়েন নয়, মাত্তর্‌ যিগুনোর্ এজঅ জর্ম ন-অয় তারাত্তেয়ো গরঙর্‌।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 7:22

ইয়েনত্তুন্ আমি বুঝি পারির্, যীশু আরঅ দাঙর্ এক্কান বেবস্থার জাবিন ওইয়্যে।

ইব্রীয় 8:13

গোজেনে এই বেবস্থাগানরে নূয়ো ফগদাং গুরিনে আগ বেবস্থাগানরে পূরোণ বিলিনে অচল্ গুরি দিলো। যিয়েন পূরোণ আর ভালোক্ দিনোর বিলিনে বর্‌‌বাত্ ওই যার্ সিয়েন যাদিমাদি লুগি যেবঅ।

ইব্রীয় 8:6

মাত্তর্ ইক্কিনে আমি দেগির্, যীশু যে ধর্মগুরুর্ কামান পেয়্যে সিয়েন সেই ধর্মগুরুগুনোর্ কামত্তুন্‌অ বোউত্ উগুরে, যেধোক্ক্যেন গুরি যে সুদোমানর্ সংমধ্যে তে ওইয়্যে সেই সুদোমান আগ বেবস্থাত্তুন্অ বোউত উগুরে; কিয়া এ সুদোমান আরঅ গম্ গম্ এগেম উগুরে নির্ভর গরের্।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।