ইব্রীয় 8:5 - Chakma Bible

⁵ ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”

ইব্রীয় 8:5 Iomraidhean Croise

১ বংশধর 28:12

লগেপ্রভু ঘরর্‌ উদোন, সিয়েন চেরোকিত্তে গুদিগুন্‌, গোজেন ঘরর্‌ ধনভান্ডালানি আর উৎসর্ব পযাপিরানি রাগেবার্‌ ভান্ডাল যে আরুক্কানি পবিত্র আত্মা দায়ূদো ইদু ফগদাঙ্‌ গোজ্যে সিয়েনি বেক্কানি তে শলোমনরে জানেল।

১ বংশধর 28:19

দায়ূদে কলঅ, “লগেপ্রভু যে আরুক্কান্‌ মইদু ফগদাঙ্‌ গোজ্যে সিয়েন পরিচালনায় মুই সিয়েন্‌ ছাবেয়োং, আর সে আরুক্কানর্‌ বেক্কানি বুঝিবার জ্ঞানান্‌ তে মরে দিয়্যে।”

যাত্রা 25:40

এই মুড়োবো উগুরে তরে যে নক্‌সাগান্‌ দেগা অলঅ‌ ঠিগ্ সেধোক্ক্যেন গুরি যেনে বেক্কানি বানা অয়্‌ সিয়েনি রিনি চেইজ্‌।

যাত্রা 25:9

যে চিহ্নোগান্‌ মুই তরে দেগেবাত্তে যাঙর্‌ ঠিগ্ সেধোক্ক্যেন গুরিই তুই মর্‌ এ থেবার-তাম্বুল আর বেক্‌ সরঞ্জামানি বানেই লবে।

যাত্রা 26:30

এই মুড়োবো উগুরে তরে থেবার-তাম্বুলর্‌ যে নমুনাগান্ দেগা অলঅ‌ তুই ঠিগ্ সেধোক্ক্যেন গুরি সিবে বানেবে।

যাত্রা 27:8

ডালিপূজোবো তক্তালোই বানা পুরিবো আর সিবের্‌ ভিদিরেদিগান ফাঁক্‌ থেবঅ‌। এই মুড়োবো উগুরে তরে যেধোক্ক্যেন দেগা অলঅ ঠিগ্ সেধোক্ক্যেন গুরি তুই সিবে বানেবে।

গণাণা 8:4

বদঙর গড়াত্তুন্‌ ধুরি আগাবোর্‌ ফুলুন সং বেক্কানি সনালোই পিদেইনে বানা ওইয়্যে। লগেপ্রভু মোশিরে যে নকশাগান্‌ দেগেয়্যে ঠিগ সেধোক্ক্যেন গুরি চেরাগ বদঙো বানা ওইয়্যে।

মথি লেখ্যে গম্ হবর্ 2:12

পরেদি গোজেনে স্ববনত্ তারারে উজিয়ার্ গুরি দিলো যেন তারা হেরোদ ইধু ফিরি ন-যান্। সেক্কে তারা অন্য পধেদি নিজো দেজত্ ফিরি গেলাক্।

প্রেরিত্‌ 7:44

সাক্ষ্য-তাম্বুবো ধূল্যেচর-চাগালাত্ আমা পূরোণি মানুচ্চুনো সমারে এলঅ। গোজেনে মোশিরে যেবাবোত্যেগুরি উগুম দিয়্যে আর মোশি যে নক্‌‌‌শাগান দেক্ক্যে সেবাবোত্যেগুরি এই তাম্বুবো বানা ওইয়্যে।

কলসীয় 2:17

ইয়েনি দঅ এলঅ আগামিদি যিয়েনি অবঅ সিয়েনির ছাবা, মাত্তর্ যিয়েন আজল্ সিয়েন খ্রীষ্ট ভিদিরে আঘে।

ইব্রীয় 10:1

রীদি-সুদোমত্ যিয়েনি আঘে সিয়েনি বানা ভবিচ্চদর্ ভালেদি পৌইদ্যেনে ছাবা ধোক্ক্যেন; সিয়েনিত্ ঘেচ্চ্যেকগুরি দাঙর্ বেপারানি নেই। সেনত্যে যিগুনে গোজেনর্ উবোসনা গুরিবাত্যে এজন্ রীদি-সুদোমত্ কনদিন্অ বজরর্ পর্ বজর্ এবাবোত্যে গুরি য়েমান উৎসর্বলোই তারার্ পরিপূরোণান্ দান গুরি ন-পারে।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 13:10

আমার্ এক্কো পূজো আঘে আর যিগুনে ইস্রায়েলীগুনোর সেই উবোসনা-তাম্বুলোত্ কাম গরন, আমার্ সেই পূজোবো উগুরে উৎসর্ব-গোজ্জ্যে কনঅ কিজু হানার্ অধিকার তারার্ নেই।

ইব্রীয় 9:9

বত্তমান কালত্যে ইয়েন এক্কান চিহ্নো যিয়েনে আমারে কোই দেত্তে যে, উৎসর্ব-গোজ্জ্যে য়েমান আর অন্য জিনিজে উবোসনা গুরিয়্যেবোর্ বিবেগরে সাব্ গুরি ন-পারে।

যিহোশূয় 22:28

আমি মনে গোজ্যেইদে, তারা যুনি আমার বা আমার বংশধরুনোরে সে কধাগান কন্‌ সালে সিয়েনর্‌ জোবত্‌ আমি কবং, লগেপ্রভুর পূজো ধোক্ক্যেন্‌ চাদে অদেঅদে এ পূজোবোর্‌ ইন্দি তুমি চঅ‌। পুজ্যে-উৎসর্ব আর অন্য এ্যমান-উৎসর্বত্তে আমার পূরোণিমানুচ্চুনে ইবে ন-বানান্‌ মাত্তর্‌ গোজ্যন্দে তমার আর আমার সংমোধ্যে ইবে যেনে এক্কো সাক্ষী ওই থায়।

ফগদাং পেইয়্যে 15:5

ইয়েন পরেদি মুই দেগিলুং, স্বর্গত্ সেই উবোসনা-ঘরান, অত্তাৎ সাক্ষ্য তাম্বুলান খুলো অলঅ।