ইব্রীয় 8:2 - Chakma Bible

² তে দাঙর্ পবিত্র জাগানত্, অত্তাৎ আজল্ উবোসনা-তাম্বুলোত্ গোজেনর্ সেবা গরের্। সেই উবোসনা-তাম্বুলান্ মান্‌জ্যে ন-টাঙান্, সিয়েন প্রভুই টাঙেয়্যে।

ইব্রীয় 8:2 Iomraidhean Croise

যাত্রা 25:9

যে চিহ্নোগান্‌ মুই তরে দেগেবাত্তে যাঙর্‌ ঠিগ্ সেধোক্ক্যেন গুরিই তুই মর্‌ এ থেবার-তাম্বুল আর বেক্‌ সরঞ্জামানি বানেই লবে।

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যাত্রা 28:35

লগেপ্রভুরে সেবা গুরিবার্‌ অক্তত্‌ হারোণে এই পোজাক্কানি উরিবো। তে যেক্কে পবিত্র জাগানত্‌ লগেপ্রভুর্‌ মুজুঙোত্‌ যেবঅ‌ আর সিয়োত্তুন্‌ নিগিলি এবঅ‌ সেক্কে এই ঘন্টাগুনোর রগুন্‌ শুনো যেবঅ‌ আর সেক্কে তার্‌ জীংকানিগান্‌ রোক্ষে পেবঅ‌।

যাত্রা 33:7

মোশি ইস্রায়েলীয়গুনোর্‌ তাম্বুলোর্‌ বারেদি দূরোত্‌ এক্কান্‌ বিশেজ্ তাম্বুল বানেল আর সিয়েনরে তে কদঅ‌ “মিলন-তাম্বুল্।” লগেপ্রভু ইত্তুন্‌ কনজনে কিজু জানিবার্‌ চেলে তে সেই মিলন-তাম্বুল ইদু যেদঅ‌।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

রোমীয় 15:8

ইদোত্ রাগেচ্, গোজেন কধাগান যে সত্য সিয়েন ফগদাং গুরিবাত্তে খ্রীষ্ট যিহূদীগুনোর্ সেবাগুরিয়্যে ওইয়্যে। ইয়েনর্ উদ্দেশ্যগান্ এলঅ, পূরোণি মানুচ্চুনো ইধু গোজেনে যেদক্কানি এগেম্ গোজ্জ্যে সিয়েন যেন পুরোয় আর তার্ দোয়্যে-মেয়্যের্ কারনে অযিহূদীগুনে তারে বাঈনী গরন্। এ পৌইদ্যেনে পবিত্র বোইবোত্ লেগা আঘে, ইয়েনত্যে অন্য জাদ্‌তুনো ইধু মুই তর্ বাঈনী গুরিম আর তরে নাঙ্ গিনিম্।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

কলসীয় 2:11

ইয়েন বাদে তুমি খ্রীষ্ট লগে এগত্তর্ ওইয়ো বিলিনে তমার্ চুনু মাঢায়ো কাবা ওইয়্যে। এ চুনু মাঢা কাবানাগান কনঅ মান্‌জ্যর্ আঢে কাবানা ন-অয়, খ্রীষ্ট নিজেই সিয়েন গোজ্জ্যে; অত্তাৎ কিয়্যে উগুরে পাপ খাচ্চ্যদর্ যে খেমতাগান এলঅ সেই খেমতাত্তুন্ তে তমারে উদ্ধোর্ গোজ্জ্যে।

ইব্রীয় 10:11

পত্তি ধর্মগুরু পত্তি দিন থিয়্যেইনে গোজেনর্ সেবা গরে আর বারবার্ এক্কুই উৎসর্ব গরে, মাত্তর্ এবাবোত্যে উৎসর্ব কনদিন্অ পাপ ধাবেই দি ন-পারে।

ইব্রীয় 10:21

ইয়েন বাদে আমার এক্কো দাঙর্ ধর্মগুরুয়ো আঘে, যিবে উগুরে গোজেন ঘোর্‌বোগুনোরে ভারান্ দিয়্যে ওইয়্যে।

ইব্রীয় 11:10

কিয়া যে শঅ্‌রান্ উমরত্যে দরমর তে সেই শঅরানরে বাজ্জ্যেই রোইয়্যে। সেই শঅ্‌রানর্ নক্‌শা বানানা আর গাধেই তুলিবার কামান্ গোজেনে গোজ্জ্যে।

ইব্রীয় 9:1

গোজেনর্ সেবা আর উবোসনাত্যে পত্তম বেবস্থাগানত্ কদক্কানি সুদোম দিয়্যে ওইয়্যে আর এ জগদত্ উবোসনাত্যে বিশেষ এক্কান জাগার্ কধায়ো সিয়েনত্ এলঅ।

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।