ইব্রীয় 8:13 - Chakma Bible

¹³ গোজেনে এই বেবস্থাগানরে নূয়ো ফগদাং গুরিনে আগ বেবস্থাগানরে পূরোণ বিলিনে অচল্ গুরি দিলো। যিয়েন পূরোণ আর ভালোক্ দিনোর বিলিনে বর্‌‌বাত্ ওই যার্ সিয়েন যাদিমাদি লুগি যেবঅ।

ইব্রীয় 8:13 Iomraidhean Croise

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

লূকে লেখ্যে গম্ হবর্ 22:20

হানার্ পরেদি সেবাবোত্যেগুরি তে গলচ্চো তারারে দিইনে কলঅ, “মঅ লো-গান্দোই গোজেনর্ যে নুয়ো সুদোমান্ অদে অদে গরা অবঅ সে সুদোমানর্ চিহ্নোগান্ অলঅ এ গলজ্‌সো। মর্ এ লো-গান তমাত্যে দিয়্যে অবঅ।

১ করিন্হীয় 13:8

এ কোচ্‌পানাগান্ কনদিন্অ থুম্ ন-অয়। ভাববাদী ইজেবে কধা কবার্ যে খেমতাগান্ আঘে সিয়েন থুম্ ওই যেবঅ; নানান্ ভাষায় কধা কবার্ যে খেমতাগান্ আঘে সিয়েন যেবগোই; জ্ঞান আঘে, সিয়েন-অ থুম্ ওই যেবঅ;

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

ইব্রীয় 1:11

সিয়েনি ভস্ত ওই যেবঅ, মাত্তর্ তুই উমরত্যে থেবে। কাবড় ধোক্ক্যেন সিয়েনি পূরোণ ওই যেবঅ।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 7:22

ইয়েনত্তুন্ আমি বুঝি পারির্, যীশু আরঅ দাঙর্ এক্কান বেবস্থার জাবিন ওইয়্যে।

ইব্রীয় 8:6

মাত্তর্ ইক্কিনে আমি দেগির্, যীশু যে ধর্মগুরুর্ কামান পেয়্যে সিয়েন সেই ধর্মগুরুগুনোর্ কামত্তুন্‌অ বোউত্ উগুরে, যেধোক্ক্যেন গুরি যে সুদোমানর্ সংমধ্যে তে ওইয়্যে সেই সুদোমান আগ বেবস্থাত্তুন্অ বোউত উগুরে; কিয়া এ সুদোমান আরঅ গম্ গম্ এগেম উগুরে নির্ভর গরের্।

ইব্রীয় 8:8

মাত্তর্ গোজেনে তা মানুচ্চুনোরে দুষ্ দেগেবাত্যে পবিত্র বোইবোত্ কোইয়্যেদে: প্রভু কত্তে, “সময় এজের্ যেক্কে মুই ইস্রায়েল আর যিহূদা মানুচ্চুনোত্যে এক্কান নূয়ো বেবস্থা থিদেবর্ গুরিম।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।