“আর তুই, মর্ পুয়োবো শলোমন, তুই তঅ বাপ্পো গোজেনরে মুজুঙোত্ রাগেইনে চলিবে আর তঅ মনান্ ঠিগ্ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্ মনানি গমেডালে চায় আর চিদে গরানার্ পত্তিজন উদ্দেশ্যগানি বুঝে। তাহ্ আওজ্সানি জানিবাত্তে চেলে তুই সিয়েনি জানি পারিবে, মাত্তর্ যুনি তুই তারে ছাড়ি যাচ্ সালে তেয়ো তরে উমরত্তে এলাফেলা গুরিবো।
ইব্রীয় 8:11 - Chakma Bible11 নিজোর্ পাড়াল্ল্যেগুনোরে আর নিজোর্ ভেইয়োরে কেঅ ইয়েন কোইনে আর কনদিন্অ শিক্ষ্যে ন-দিবাক্, ‘প্রভুরে চিনিবাত্যে শিগো,’ কিত্যে বেক্কুনে মরে চিনিবাক্। Faic an caibideil |
ইব্রীয় 8:11
18 Iomraidhean Croise
সে পরেদি সৈন্যদলর বেক সেনাপতিগুনে, কারেহের পুয়ো যোহানন আর হোশয়িয়র পুয়ো যাসনিয় আর বেক মানুচ্চুনে এইনে ভাববাদী যিরমিয়রে কলাক্, “দোয়্যে গুরি তুই আমা কোজোলিগান শুন্ আর বাদবাগি মানুচ্চুনোত্তে তুই তঅ গোজেন লগেপ্রভু ইধু তবনা গর্। তুই দঅ ইক্কিনে দেগর্ যুনিয়ো এক সময় আমি ভালক্কুন্ এলং ইক্কিনে বানা কয়েকজন আগিই।
যিহূদার বাদবাগি যিদুক্কুন মানুচ্ মিসরত্ যেইনে বজত্তি গুরিবাক্ বিলিনে ঠিগ্ গোজ্যন্ তারা বিরুদ্ধে মুই এমন বেবস্থা গুরিম যেনে তারা বেক্কুনে মিসরত্ ভস্ত অয়। তারা বেক্কুনে যুদ্ধোত্ ন-অলে ভাদরাদত্ মুড়িবাক্। তারা অবাক্ ঠাট্টা-মশ্কারি আর ঈচ্ গরেদে মানুচ্; তারা অবস্থা দেগিনে মানুচ্চুনে আমক্ অবাক্, আর তারা নাঙানিলোই মানুচ্চুনে অভিশাব্ দিবাক।
মাত্তর্ তুমি খ্রীষ্টত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো। তে তমা মনভিদিরে থায়। ইয়েনত্যে অন্য কারঅ শিক্ষ্যে তমার দরকার নেই। বেক্কানি পৌইদ্যেনে পবিত্র আত্মাগানে তমারে শিক্ষ্যে দের্। তে সত্য, মিজে নয়। সেনত্যে যেধোক্ক্যেন গুরি তে তমারে খ্রীষ্ট সমারে থেবাত্যে শিক্ষ্যে দে সেধোক্ক্যেন গুরি খ্রীষ্ট সমারে থাগঅ।
Sanasan