ইব্রীয় 8:10 - Chakma Bible

¹⁰ প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।

ইব্রীয় 8:10 Iomraidhean Croise

যাত্রা 24:4

লগেপ্রভু যেদক্কানি কধা কোইয়্যে মোশি সিয়েনি লিগি রাগেল। তার্‌ কেল্যে মোশি বেন্যেপোত্যে উদিনে মুড়োবোর্‌ তলে এক্কো ডালিপূজো বানেল আর ইস্রায়েলীয় বারবো গুট্টির্‌ কধা মনত্‌ গুরিনে বারবো পাত্তরর্‌ খুদো বানেল।

যাত্রা 24:7

সে পরেদি তে সুদোম-লেখ্যে বোইবো নেযেইনে মানুচ্চুনোরে পোড়েই শুনেল। ইয়েনর জোবত্‌ মানুচ্চুনে কলাক্, “আমি বাধ্য থেবং আর লগেপ্রভু যিয়েনি যিয়েনি কোইয়্যে সিয়েনি বেক্কানি পালন গুরিবোং।”

যাত্রা 34:1

ইয়েন পরেদি লগেপ্রভু মোশিরে কলঅ‌, “তুই পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর আরুগ্ বানেই নেযা। তর্‌ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ‌ সিয়েনি মুই আরঅ‌ এই নূয়ো আরুগ্ দ্বিবে উগুরে লিগি দিম্‌।

যাত্রা 34:27

সে পরেদি লগেপ্রভু মোশিরে কলঅ‌, “এই বেক্‌ কধানি তুই লিগি রাগা কিত্তে এই বেক্‌ কধা মজিম্ তর্‌ আর ইস্রায়েলীয়গুনোত্তে মুই মর্‌ সুদোমান্‌ থিদেবর্ গোজ্যং।”

পরমগীত 2:16

মঅ পরাণ্যে মত্তে আর মুই তার্; তে লিলি ফুলোর্ ঝারত্ বেড়ায়।

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:38

তারা মঅ মানুচ্ অবাক্ আর মুই তারার গোজেন ওম্।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

যিহিষ্কেল 37:27

মর্ থেবার জাগায়ান অবঅ তারা ভিদিরে; মুই তারার্ গোজেন ওম্ আর তারা মঅ মানুচ্ অবাক্।

যিহিষ্কেল 39:22

সেদিন্যেত্তুন্ ধুরি ইস্রায়েলীয়গুনে হবর্ পেবাক্, মুয়ই তারার গোজেন লগেপ্রভু।

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।

মথি লেখ্যে গম্ হবর্ 22:32

সিয়েনত্ লেগা আঘে, ‘মুই অব্রাহামর্ গোজেন, ইস্‌হাকর্ গোজেন আর যাকোবর্ গোজেন।’ মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন।”

রোমীয় 11:27

মুই যেক্কে তারার্ পাপ্‌‌পানি দূর্ গুরিম সেক্কে ইয়েনই অবঅ তারাত্তে মর্ বর্ পেইয়্যে বেবস্থা।

১ করিন্হীয় 6:16

তুমি কি কোই ন-পারঅ, বেশ্যে সমারে যে এগত্তর্ অয় তে তা সমারে এক কিয়্যে অয়? কিয়া পবিত্র বোইবোত্ লেগা আঘে, “তারা দ্বিজনে এক কিয়্যে অবাক্।”

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

যাকোব 1:21

ইয়েনত্যে বেক্ ফি-বলাগানি আর যেদক্কানি বজং জিনিস এজঅ তমা জিংকানিত্ আঘে সিয়েনি দূর্ গরঅ। গোজেন কধানির্ বীজ্ যিয়েনি তমা মন ভিদিরে লাগা ওইয়্যে সিয়েনি চিদে ওইনে মানি লঅ। পাপত্তুন্ তমারে উদ্ধোর্ গুরিবার্ খেমতা এ কধানির্ আঘে।

১ পিতর 1:23

যে বীজ্ ভস্ত ওই যায় এমন কনঅ বীজত্তুন্ তমার নুয়ো জর্ম ন-অয়, বরং যে বীজ্ কনদিন্অ ভস্ত ন-অয় সিয়োত্তুন্ তমার জর্ম ওইয়্যে। সেই বীজ্ অলঅ গোজেনর্ জেদা আর উমর কধা।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।