ইব্রীয় 7:7 - Chakma Bible

⁷ ইয়েনত্ কনঅ সন্দেহ নেই যে, আশিদ্‌‌বাদ যে পায় সিয়েনত্তুন্ যে আশিদ্‌‌বাদ গরে তেয়ই দাঙর্।

ইব্রীয় 7:7 Iomraidhean Croise

পত্থম 49:28

ইগুনে অলাক্‌ ইস্রায়েল বারবো গুট্টি। তারা বাপ্পো তারারে বর্ দিবার্‌ অক্তত্‌ এ কধানি কোইয়্যে। তে পত্তিজনরে বর্ দিলো।

২ শমূয়েল 6:20

ইয়েনর্ পরেন্দি দায়ূদে তা নিজো ঘরর্‌ মানুচ্চুনোরে বর্ দিবাত্তে যেক্কে ফিরি এলঅ সেক্কে শৌল ঝি মিখলে তারে আগ্‌বারেই নেযেবাত্তে নিগিলি এলঅ আর কলদে, “ইস্রায়েল দেজ রাজাবো এচ্চ্যে নিজোরে কেধোক্ক্যেন সর্মানিত গুরিলো! তে বজং মান্‌জ্য ধোক্ক্যেন্‌ সাধারন মানুচ্চুনোর চাগরানীগুনোর্‌ মুজুঙোত্‌ কাবড়-চুগোড়ানি খুলি ফেলেল।”

১ রাজাবলী 8:55

তে থিয়্যেই উদিনে এগত্তর্‌ ওইয়্যে বেক্‌ ইস্রায়েলীয়গুনোরে রঅ ছারিনে ইয়েন্‌ কোইনে বর্‌ দিলো,

২ বংশধর 30:27

যেরেন্দি যে লেবীয়গুনে ধর্মগুরু এলাক্‌ তারা থিয়্যেইনে মানুচ্চুনোরে বর্ দিলাক্‌, আর গোজেনে তারার্‌ তবনাগান শুনিলো, কিত্তে তারার্‌ তবনাগান্‌ স্বর্গত্‌ তার্‌ পবিত্র থেবার্‌ জাগানত্‌ লুম্মেগোই।

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

দ্বি’লম্বর বিররণ 32:1

ও দাঙর্‌ আগাজ্‌, মর্‌ কধানি শুনিজ্‌; ও পিত্‌থিমীগান, মর্‌ মুয়োর কধানি শুন্‌।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 7:6

মাত্তর্ এই মল্কীষেদকে লেবির গুট্টি ন-ওইনেয়ো অব্রাহামত্তুন্ দশ্ ভাগর এক ভাগ উজোল্ গোজ্জ্যে আর যিবে ইধু গোজেনে এগেম্ গোজ্জ্যে সেই অব্রাহামরে বর্‌‌অ দিয়্যে।

ইব্রীয় 7:8

এক কিত্ত্যেদি দেগা যাত্তে, মরণর্ অধীন লেবীয়গুনেই দশ্ ভাগর এক ভাগ উজোল্ গরন্; মাত্তর্ অন্য কিত্ত্যেদি দেগা যাত্তে, যিবে জেদা আঘে বিলিনে সাক্ষ্য দিয়্যে ওইয়্যে তে, অত্তাৎ মল্কীষেদকে দশ্ ভাগর এক ভাগ উজোল্ গরের্।