ইব্রীয় 6:4 - Chakma Bible

⁴ কিয়া যিগুনে একবার্ পহ্‌রান দেক্ক্যন, স্বর্গীয় দানর্ সুয়োদ্‌তান আর পবিত্র আত্মার্ আভা পেইয়োন,

ইব্রীয় 6:4 Iomraidhean Croise

লেবীয় 13:55

সে পরেদি ধর্মগুরুবো আরঅ‌ সিয়েন্‌ চেবঅ। সিয়েন্‌ ছিদি ন-পড়িলেয়ো যুনি চাদে আগ ধোক্ক্যেন থেই যায় সালে বুঝো পড়িবো জিনিস্‌ছান্‌ ফিবলা। জিনিস্‌ছান ভিদিরে-বাইরে যিয়েনদি সেই ফারাঙিগান্ থেদ সাৎ, সিয়েন্‌ আগুনোত্‌ পুড়ি ফেলা পুরিবো।

লেবীয় 14:43

দেবালানত্তুন্‌ পাত্তরুন খুলি ফেলেইনে, চাজিনে, মাদি দিইনে লিবিবার্‌ পরেদি ঘরর্‌ দেবালত্‌ যুনি আরঅ‌ ফারাঙি দেগা যায়,

গণাণা 24:3

আর তে গোজেনর্‌ দিয়্যে এই কধাগান্‌ কুয়া ধুরিলো: “বিয়োরর পূঅ বিলিয়মে এ কধাগান্‌ কত্তে, যিবের্‌ চোখ মেল্যে আঘে তে এ কধাগান্‌ কত্তে,

মথি লেখ্যে গম্ হবর্ 12:45

যেরেদি সেই ভুদ্‌তো যেইনে নিজোত্তুন্ বেশ্ বজং আরঅ সাত্তো ভুত সমারে আনে আর সিয়েনত্ সোমেইনে বজত্তি গরা ধরে। সেক্কে সে মানুচ্চোর্ পত্তম্ দজাত্তুন্ শেজ্ দজাগান্ আরঅ বজং ওই উদে। এ কালর্ পাজি মানুচ্চুনোর অবস্থায়ো সেবাবোত্যে অবঅ।”

মথি লেখ্যে গম্ হবর্ 5:13

তুমি পিত্‌‌থিমীর নুন্, মাত্তর্ যুনি নুনোর্ সুয়োত্তান্ বর্‍‍‍‍‍‍বাদ্ ওই যায় সালে কেধোক্ক্যেন্ গুরিনে সিয়েন আরঅ নুন্‌‌‍যো গরা যেবঅ? সেই নুনান্ আর কনঅ কামত্ ন-লাগে। সিয়েন বানা বারেদি ফেলে দিবার আর মান্‌‌জ্য টেঙোই উড়েদে ধোক্ক্যেন্ যগাজ্যে অয়।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 6:32

যীশু তারারে কলঅ, “মুই তমারে ঘেচ্চ্যেক্‌গুরি কঙর্, স্বর্গত্তুন্ যে রুটিগানি তুমি পেইয়ো সিয়েনি মোশি তমারে ন-দে, মাত্তর্ মঅ বাপ্পো আঝল্ রুটি স্বর্গত্তুন্ তমারে দের্।

প্রেরিত্‌ 10:45

যে যিহূদী বিশ্বেজিগুনে পিতর সমারে এচ্চ্যন্ তারা অযিহূদীগুনো উগুরেয়ো পবিত্র আত্মাগানরে দান ইজেবে ঢালি দিয়্যে অলঅ দেগিনে আমক্ ওই গেলাক্।

প্রেরিত্‌ 11:17

সালে প্রভু যীশু খ্রীষ্ট উগুরে বিশ্বেজ্ গরানার পরেদি গোজেনে আমারে যে দান দিয়্যে সেই একই দান যেক্কে তে তারারেয়ো দিলো সেক্কে মুই কন্না যে, গোজেনরে মানা গুরি পারং?”

প্রেরিত্‌ 15:8

গোজেনে বেক্কুনোর্ মনানি কোই পারে। তে আমারে যেবাবোত্যেগুরি পবিত্র আত্মাগান দান গোজ্যে, অযিহূদীগুনোরেয়ো সেবাবোত্যেগুরি পবিত্র আত্মাগান দান গুরিনে সাক্ষী দিয়্যেদে যে, তারায়ো পাপত্তুন্ উদ্ধোর্ পেইয়োন।

প্রেরিত্‌ 8:20

সেক্কে পিতরে তারে কলঅ, “তঅ টেঙাগুন্ তঅ সমারে ভস্ত ওক্‌, কিয়া তুই মনে গোজ্জ্যস্ গোজেনর দান টেঙালোই কিনে যায়।

রোমীয় 1:11

তমারে খেমতাবলা গুরিবাত্তে কনঅ আত্মিক দান যেন তুমি মঅ মাধ্যেমে পেই পার সেনত্তে মুই তমা সমারে দেগা গুরিবাত্তে চাং।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

গালাতীয় 3:2

মুই বানা তমাত্তুন্ জানিবাত্যে চাং, তুমি রীতি-সুদোম্ পালেইনে কি পবিত্র আত্মারে পেইয়ো, না গম হবর্ শুনিনে বিশ্বেজ্ গুরিনে পেইয়ো?

গালাতীয় 3:5

গোজেনে কিত্যে তমারে পবিত্র আত্মা দিয়্যে আর তমা ইধু এদক্ আমক্ অবার কাম্ গোজ্জ্যে সিয়েন ভাবি চঅ। তুমি রীতি-সুদোম্ পালর্ বিলিনে কি তে ইয়েনি বেক্কানি গোজ্জ্যে, নাহি গম্ হবর্ শুনিনে বিশ্বেজ্ গোজ্জ্য বিলিনে গোজ্জ্যে?

ইফিষীয় 1:18

মুই আরঅ তবনা গরং যেন তমার মনর্ চোগ্‌কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।

ইফিষীয় 2:8

গোজেনর্ দোয়্যেই বিশ্বেজর্ মাধ্যমে তুমি পাপত্তুন্ উদ্ধোর্ পেয়ো। ইয়েন তমার্ নিজোর্ মাধ্যমে ন-অয়, সিয়েন গোজেনর্ দান।

ইফিষীয় 3:7

গোজেনে তার্ দাঙর্ খেমতা অনুসারে মরে যে দোয়্যে গোজ্জ্যে সেই দোয়্যের্ দান ইজেবে তে মরে গম্ হবর্ প্রচার গুরিবার কামান্ দিয়্যে।

ইফিষীয় 4:7

মাত্তর্ খ্রীষ্ট যেধোক্ক্যেন গুরি ঠিগ গুরি থোইয়্যে সেই ইজেব মজিম আমি পত্তি জনে যদবদে দোয়্যে পেইয়্যেই।

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

২ তীমথিয় 2:25

যিগুনে তা বিরুদ্ধে থিয়্যেন তারারে তাত্তুন্ চিদে ওইনে শিক্ষ্যে দিয়্যে পরিবো। সেই শিক্ষ্যেগান যেন তে এ আজায় দে, গোজেনে তারারে মনানি ফিরেবার জু দিবো যেন গোজেনর্ সত্যগানরে তারা মূড়োত্ পুরিনে বুঝি পারন।

২ তীমথিয় 4:14

যে আলেক্‌সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।

ইব্রীয় 10:32

আগ দিনুনোর্ কধানি মনত্ তুলি চঅ। সেক্কেনে পহ্‌র পেইনে দুঘোত্ ভারী কষ্টর্ মোধ্যেয়ো তুমি থির্ এলা।

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।

১ যোহন 5:16

যুনি কেঅ তা ভেইয়োরে এন্‌ গুরি পাপ গত্তে দেগে যিয়েন মরেদে ধোক্ক্যেন নয়, মাত্তর্ তে গোজেন ইধু মাগি চেবঅ আর সেক্কে তে তারে বাজেই রাগেব। মুই ইয়েনত্ তারা কধা কঙর্ যিগুনে পাপ গত্তন্ অদচ তারার্ পাপ্পানি মরেদে ধোক্ক্যেন নয়। মাত্তর্ মরেদে ধোক্ক্যেন পাপ্অ আঘে। সে পৌইদ্যেনে কোজোলি গুরিবার কধা মুই তমারে ন-কঙর্।