ইব্রীয় 6:2 - Chakma Bible

² নানান্ বাবোত্যে বাপ্তিষ্ম পৌইদ্যেনে শিক্ষ্যে, আঢ্-রাগানা, মরাগুনোর্ জেদা ওই উদোনা আর উমরর্ সাজা-এই বেক্‌ গড়াগান কধালোই আমি যেন আরঅ নুয়ো গুরি গড়াগান ন-গাঢেই।

ইব্রীয় 6:2 Iomraidhean Croise

উপদেশক 12:14

গোজেনে বেক্ কামানির, এমন্ কি, বেক্ গুমর কধানি পৌইদ্যেনে বিচের্ গুরিবো-সিয়েন্ গম্ ওক্ বা ভান্ন্যেই ওক্।

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

মথি লেখ্যে গম্ হবর্ 3:14

মাত্তর্ যোহনে তারে এ কধাগান কোইনে মানা গুরিবাত্তে চেট্ট্যা গুরিলো, “মত্তুন্ বরং তইধু বাপ্তিষ্ম লনা দরকার; আর তুই উগুদোগুরি এজত্তে মইধু!”

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

মার্ক 7:4

বাজারত্তুন্ এইনে তারা আঢ্-টেঙ্ ন-ধোইনে কিচ্চু ন-হান্। ইয়েনি বাদেয়ো তারা আরঅ নানান্ বাবোত্যে সুদোম পালেই থান্, যেমন্ লদা, কদরা, থাল্ ইগুন ধনা।

মার্ক 7:8

তুমি দঅ গোজেনর্ দিয়্যে উগুমানি বাদ্ দিইনে মান্‌জ্যর্ দিয়্যে চলেদে সুদোমানি পালর্।”

লূকে লেখ্যে গম্ হবর্ 11:38

সেই ফরীশীবো যেক্কে দেগিলো হানার্ আগেদি যীশু ধর্মর্ সুদোম্ মজিম্ আঢ্ ন-ধলঅ সেক্কে তে আমক্ অলঅ।

লূকে লেখ্যে গম্ হবর্ 12:50

মত্তুন্ এক্কো বাপ্তিস্ম লুয়ো পুরিবো, আর যেদক্ দিন সং সিয়েন ন-অয় সেদক্ দিন সং মর্ দুঘোর্ শেজ্ নেই।

লূকে লেখ্যে গম্ হবর্ 14:14

সেক্কে তুই গোজেনত্তুন্ বর্ পেবে, কিয়া তারা তর্ সেই বাত্যেনাগান্ শুজি ন-পারিবাক্। যেক্কে মরনত্তুন্ নিদ্দুজি মানুচ্চুনোরে জেদা গরা অবঅ সেক্কে তুই ইয়েনর্ শুজোনাগান্ পেবে।”

লূকে লেখ্যে গম্ হবর্ 3:16

এমন্ সময়োত্ যোহনে তারারে বেক্কুনোরে কলঅ, “মুই তমারে পানিত্ বাপ্তিষ্ম দুয়োঙর্, মাত্তর্ যিবে মত্তুন্ বেশ্ খেমতাবলা তে এজের্। মুই তার্ জদার্ ফিতেগানি খুলিবার্‌অ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

যোহন 1:33

মুই তারে ন-চিনিদুং, মাত্তর্ যে মরে পানিত্ বাপ্তিষ্ম দিবাত্তে পাধেয়্যে তেয়ই মরে কোই দিয়্যে, ‘যা উগুরে পবিত্র আত্মারে লামি এইনে থাদে দেগিবে, তেয়ই সে মানুচ্চো যিবে পবিত্র আত্মালোই বাপ্তিষ্ম দিবো।’

যোহন 5:29

যিগুনে গম্ কাম গোজ্যন্ সিগুনে জিংকানি পেবাত্যে উদিবাক্, আর যিগুনে অন্যেয় কাম্ গুরিনে সময় কাদেয়োন্ সিগুনে সাজা পেবাত্যে উদিবাক্।

প্রেরিত্‌ 10:47

“পানিত্ বাপ্তিষ্ম লদে কি এ মানুচ্চুনোরে কেঅ মানা গুরি পারে? তারা দঅ আমা ধোক্ক্যেন পবিত্র আত্মাগানরে পেয়োন্।”

প্রেরিত্‌ 13:3

সেক্কে তারা উবোচ্‌ থেইনে আর তবনা গুরিনে সেই দ্বিজন উগুরে আঢ্‌তানি রাগেলাক্ আর তারারে পাধেই দিলাক্।

প্রেরিত্‌ 16:15

ইয়েন্দোই তে আর তা ঘরর্ বেক্কুনে বাপ্তিষ্ম ললাক্। ইয়েন পরেদি তে ইয়েন কোইনে আমারে বাত্ত্যেল, “যুনি মরে তুমি প্রভুর্ উগুরে বিশ্বেজি বিলি মনে গরঅ সালে মঅ ঘরত্ এইনে থাগগি।” এ কধাগান্ কোইনে তে আমারে কোজোলি গুরিনে তা ঘরত্ নেযেল।

প্রেরিত্‌ 16:33

জেল-চুগিদার্‌বো সেই রেদোত্ পৌল আর সীলরে নেযেইনে তারার্ কিয়্যেগানির্ কাবা জাগানি ধোই দিলো, তে আর তার্ পরিবারর্ অন্য বেক্কুনে সেক্কে বাপ্তিষ্ম ললাক্।

প্রেরিত্‌ 17:18

সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 24:15

তারা যেবাবোত্যে আজা গরন্ সেবাবোত্যে আমার্‌অ গোজেন উগুরে এ আজাগান্ আগেদে যে, গম্ বা বজং বেক্কুনোরে আরঅ জেদা গরা অবঅ।

প্রেরিত্‌ 24:21

বানা এ এক্কান পৌইদ্যেনে তারা মরে দুষ্ দি পারন্, মুই তারা মুজুঙোত্ থিয়্যেইনে দাঙর্ রঅ গুরিনে কোইয়োং, মরাগুনোর্ আরঅ জেদা ওই উদোনা বেপার্‌লোই এচ্চ্যে তমা মুজুঙোত্ মর্ বিচের্ অর্।”

প্রেরিত্‌ 24:25

যেক্কে পৌলে গমেডালে চলানা, নিজোরে দমন্ রাগানা আর আগাম্ বিচের পৌইদ্যেনে কলঅ, সেক্কে ফীলিক্সে দোরেইনে কলঅ, “তুই ইক্কে যাহ্; সময়-সুযোগ্ মজিম মুই তরে ডাগিম্।”

প্রেরিত্‌ 26:8

গোজেনে যে মরাগুনোরে জেদা গরে এ কধাগান্ বিশ্বেজ্ গরেদে ধোক্ক্যেন্ নয় বিলি তুমি কিত্তে মনে গরর্?

প্রেরিত্‌ 4:2

ইগুনে অমকদ তোচ্চ্যে পেইয়োন, কিয়া পিতর আর যোহনে মানুচ্চুনোরে শিক্ষ্যে দেদন্ আর যীশুর মাধ্যমে মরাগুনোরে আরঅ জেদা ওই উদোনা পৌইদ্যেনে প্রচার গোজ্যন্।

প্রেরিত্‌ 6:6

পরেদি তারা এ মানুচ্চুনোরে প্রচারক্কুনো ইধু নেযেলাক্। সেক্কে প্রচারক্কুনে তবনা গুরিলাক্ আর কামত্ নেযেবাত্তে তারা উগুরে আঢ্ রাগেলাক্।

রোমীয় 2:16

গোজেনে যেদিন্ন্যে যীশু খ্রীষ্টর্ মাধ্যমে মান্‌জ্যর্ গুমুরো বেক্কানি বিচের্ গুরিবো সেদিন্যে সিয়েনি ফগদাং পেবঅ। মুই যে গম্ হবর্ প্রচার গরং সেই কধা মজিম ইয়েনির্ বিচের্ অবঅ।

১ করিন্হীয় 10:2

মোশি সমারে এক অবাত্যে মেঘ আর সাগর ইধু তারার্ বেক্কুনোর্ বাপ্তিষ্ম ওইয়্যে।

১ করিন্হীয় 12:13

আমি যিহূদী কি অযিহূদী, চাগর্ কি স্বাধীন, বেক্কুনোর্ একই পবিত্র আত্মালোই একই কিয়্যে ভিদিরে বাপ্তিস্ম ওইয়্যে। আমি বেক্কুনে সেই একই পবিত্র আত্মাগানরে পেইয়্যেই।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।

২ তীমথিয় 2:18

ইগুনে গোজেনর্ সত্যত্তুন্ দূরোত্ সুরি যেইয়োন। ইগুনে কন্, বিশ্বেজিগুনোর্ মরণত্তুন্ জেদা ওই উদোনা আগে ওই যেইয়্যে। ইগুনে কারঅ কারঅ বিশ্বেজরে বর্‌বাত্ গুরি ফেলেয়োন।

ইব্রীয় 11:35

মিলেগুনে তারার্ মরা মানুচ্চুনোরে আরঅ জেদা অবস্থায় ফিরি পেইয়োন। অন্যগুনে নিজোর্ আওজ্ মজিম জেলোত্তুন্ ছড়ান্ পেলেয়ো আর দুঘোত্ ভুগ্‌কোন, যেনে তারা মরণত্তুন্ জেদা ওইনে আরঅ গম জিংকানির্ অধিকারী অন্।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।