ইব্রীয় 5:4 - Chakma Bible

⁴ দাঙর্ ধর্মগুরু অবার্ সর্মানান কেঅ নিজে লোই ন-পারে, মাত্তর্ গোজেনে যিবেরে ডাগে তেয়ই সেই সর্মানান পায়, যেধোক্ক্যেন দাঙর্ ধর্মগুরু অবাত্যে গোজেনে হারোণরে ডাক্ক্যে।

ইব্রীয় 5:4 Iomraidhean Croise

১ বংশধর 23:13

অম্রামর পুয়োগুন অলাক্‌ হারোণ আর মোশি। হারোণ আর তা বংশধরুনোরে উমরত্তে গোজেনর নাঙে ফারক্‌ গরা অলঅ যেনে তারা মহাপবিত্র জিনিসছানির ভারান্‌ নেযেই পারন্‌, লগেপ্রভুর মুজুঙোত্‌ আগুনোত্‌ গোজ্যে উৎসর্ব পরব্‌পো গুরি পারন্‌, তা মুজুঙোত্‌ সেবা-কাম্‌ গুরি পারন্‌ আর তা নাঙে বর্‌ দি পারন্‌।

২ বংশধর 26:18

তারা তারে মানা গুরিবাত্তে কলাক্‌, “উষিয়, লগেপ্রভুর নাঙে আগর্‌বাট্টি জ্বালেবার অধিকার তর্‌ নেই। হারোণর বংশধরুন, যিগুনোরে আগর্‌বাট্টি জ্বালেবাত্তে ফারক্‌ গরা ওইয়্যে, সে ধর্মগুরুগুনোর অধিকার আঘে। এ সুদ্ধো-সাংগ জাগানত্তুন্‌ তুই নিগিলি যাহ্, কিত্তে তুই পাপ গোজ্যস্‌। ইয়েনত্তে গোজেন লগেপ্রভু হামাক্কাই তরে সাজা দিবো।”

ইষ্রা 7:5

বুক্কি অবীশূয়র পুয়ো, অবীশূয় পীনহসর পুয়ো, পীনহস ইলিয়াসরর পুয়ো আর ইলিয়াসরে এলদে আজল্ ধর্মগুরু হারোণর পুয়ো।

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

লেবীয় 8:2

“তুই হারোণ আর তার্‌ পূঅগুনোরে ইদু আন্দোই। সে লগে তারার্‌ পোজাক্‌, অভিষেগর্‌ তেল, পাপ-উৎসর্বর বলদ, দ্বিবে ভেড়া আর সদাছাড়া পিদে খাড়াঙোয়ো আন্দোই।

গণাণা 16:10

তে তরে আর অন্য বেক্‌ লেবীয়গুনোরে নিজোর্‌ ইদু আন্যে, মাত্তর্ তুমি ইক্কিনে ধর্মগুরুগুনোর পদ্‌থানঅ গজক্ গুরি নিবাত্তে চঅর্‌।

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

গণাণা 18:7

মাত্তর্‌ ধর্মগুরু্‌ ইজেবে বানা তুই আর তর্‌ পূঅগুনে পূজোবোর আর পর্দার ভিদিরে কামানি গুরি পারিবাক্। ধর্মগুরুর্ কামান্ মুই দান ইজেবে তমারে দুয়োঙর্। লেবীয়গুনে বাদে আর কনজনে যুনি মিলন-তাম্বুলোর চাগালা ইদু এজন্‌ সালে তারে মারে ফেলা অবঅ।”

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।