ইব্রীয় 5:3 - Chakma Bible

³ তে যেধোক্ক্যেন অন্য মানুচ্চুনোর্ পাপত্যে য়েমান উৎসর্ব গরে সেধোক্ক্যেন নিজে নরম বিলি নিজোর্ পাপত্যেয়ো তাত্তুন্ সেই উৎসর্বগান গরা পরে।

ইব্রীয় 5:3 Iomraidhean Croise

লেবীয় 16:15

পরেদি তাত্তুন্‌ মানুচ্চুনোর্‌ পাপ-উৎসর্বর্ ছাগল্লো কাবা পুরিবো আর তার লো-নেযেইনে পর্দাগানর্‌ পিজেন্দি যেইনে বলত্তোর লো-লোই যিয়ান গুরিবার্‌ কধা কুয়ো ওইয়ে সিয়ান গরা পুরিবো। সুন্দুগোর্‌ ঢাগনিগান উগুরে আর মুজুঙোত্ সে লো-গান তাত্তুন্‌ ছিদি দিয়া পুরিবো।

লেবীয় 16:6

হারোণত্তুন্‌ তার্‌ নিজোর আর তার্‌ বংশধরুনোর্‌ পাপ ঢাগি দিবাত্তে পাপ-উৎসর্বর বলত্তো উৎসর্ব গরা পুরিবো।

লেবীয় 9:7

সে পরেদি তে হারোণরে কলঅ, “তুই পূজোবো ইদু যেইনে তর্‌ পাপ-উৎসর্ব আর পুজ্যে-উৎসর্বর অনুষ্ঠান গুরিনে তর্‌ নিজোর্‌ আর সে সমারে মানুচ্চুনোর্‌ পাপ্‌পানি ঢাগি দিবার্‌ বেবস্থা গর্‌। ইয়েন্‌ বাদে মানুচ্চুনোর্‌ সেই বেক্‌ উৎসর্বর অনুষ্ঠানানি গুরিনেয়ো তুই তারার্‌ পাপ্‌পানি ঢাগি দিবার্‌ বেবস্থা গর্‌; লগেপ্রভু সিয়েনোই উগুম্‌ গোজ্যে।”

১ করিন্হীয় 15:3

মুই নিজে যিয়েন পেয়োং সিয়েন বেগত্তুন্ দরকারী বিষয় ইজেবে তমারেয়ো দুয়োং। সেই বিষয়ান অলঅ ইয়েন-পবিত্র বোইবোর্ কধা মজিম খ্রীষ্ট আমার্ পাপত্যে মোজ্জ্যে,

ইব্রীয় 10:12

মাত্তর্ যীশু পাপত্যে উমর কাল ধোক্ক্যেন বানা এক্কো উৎসর্ব গুরিনে গোজেনর্ ডেন্ ধাগেদি বলঅ।

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।