ইব্রীয় 5:11 - Chakma Bible

¹¹ এ পৌইদ্যেনে বোউত কধা আমার কবার্ আঘে মাত্তর্ সিয়েনি বুঝেইনে কনা আগাত্ত্যে, কিয়া আত্মিক সত্যগান তুমি সহজে বুঝি ন-পারঅ।

ইব্রীয় 5:11 Iomraidhean Croise

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মার্ক 8:21

সেক্কে তে তারারে পুযোর্ গুরিলো, “সালে তুমি কি এজঅ ন-বুঝো?”

লূকে লেখ্যে গম্ হবর্ 24:25

সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

যোহন 16:12

তমা ইধু আরঅ বোউত্ কধা মর্ কবার্ আঘে, মাত্তর্ ইক্কিনে তুমি সিয়েনি সোজ্য গুরি ন-পারিবা।

যোহন 6:6

ফিলিপরে চাগি চেবাত্যে তে সে কধাগান্ কলঅ, কিয়া কি গুরিবো সিয়েন্ তে কোই পাত্ত।

প্রেরিত্‌ 28:27

এ বাবোত্যে মানুচ্চুনোর্ মনানি বাজে আর কানানি নাঢা যেইয়্যে, আর তারা তারার্ চোগ্‌‌কুন্অ নাঢি রাগেয়োন, যেন তারা চোগেদি ন-দেগন্, কানেদি ন-শুনোন্ আর মনানদি ন-বুঝোন্, আহ্ গম্ অবাত্তে মইধু ফিরি ন-এজন।

ইব্রীয় 5:10

গোজেনে তারে মল্কীষেদক ধোক্ক্যেন দাঙর্ ধর্মগুরু বিলি ফগদাং গুরিলো।

ইব্রীয় 5:12

এদক দিনে তমার্ মাষ্টর ওই উদোনা উজিত এলঅ, মাত্তর্ সিয়েনর্ বদলে গোজেনর্ আজল্ কধানি আরঅ তমারে শিক্ষ্যে দিবাত্যে মাষ্টরর্ দরকার ওই পোজ্জ্যে। দর হানার বদলে চিগোন গুরোগুনো ধোক্ক্যেন আরঅ তমাত্তুন্ দুধ হানা দরকার ওই পোজ্জ্যে।

২ পিতর 3:16

তার বেক্‌ চিধিগানিত্ তে ইয়েনি পৌইদ্যেনে এই একই কধা লিগি থায়। সিয়েনি ভিদিরে খালিক্ কদক্কানি বেপার আঘে যিয়েনি বুঝোনা আগাত্ত্যা। সেনত্যে যিগুনে শিচ্চ্য অবার শিক্ষ্যে ন-পান আর যিগুনো মনানি চুলুবুলু তারা অন্য বোইয়ো ধোক্ক্যেন ইয়েনির্ অত্তগানি ঘুরেই কোইনে নিজোর্ ভস্ত অনাগান ডাগি আনন্।