ইব্রীয় 5:1 - Chakma Bible

¹ মান্‌জ্যর্ ওইনে গোজেনর্ সেবা গুরিবাত্যে পত্তি দাঙর্ ধর্মগুরুরে মান্‌জ্য ভিদিরেত্তুন্ বেঈ লোইনে নেযা অয়, যেনে তে মান্‌জ্যর্ পাপত্যে য়েমান উৎসর্ব গরে আর অন্য জিনিস্-অ উৎসর্ব গরে।

ইব্রীয় 5:1 Iomraidhean Croise

লেবীয় 8:2

“তুই হারোণ আর তার্‌ পূঅগুনোরে ইদু আন্দোই। সে লগে তারার্‌ পোজাক্‌, অভিষেগর্‌ তেল, পাপ-উৎসর্বর বলদ, দ্বিবে ভেড়া আর সদাছাড়া পিদে খাড়াঙোয়ো আন্দোই।

লেবীয় 9:7

সে পরেদি তে হারোণরে কলঅ, “তুই পূজোবো ইদু যেইনে তর্‌ পাপ-উৎসর্ব আর পুজ্যে-উৎসর্বর অনুষ্ঠান গুরিনে তর্‌ নিজোর্‌ আর সে সমারে মানুচ্চুনোর্‌ পাপ্‌পানি ঢাগি দিবার্‌ বেবস্থা গর্‌। ইয়েন্‌ বাদে মানুচ্চুনোর্‌ সেই বেক্‌ উৎসর্বর অনুষ্ঠানানি গুরিনেয়ো তুই তারার্‌ পাপ্‌পানি ঢাগি দিবার্‌ বেবস্থা গর্‌; লগেপ্রভু সিয়েনোই উগুম্‌ গোজ্যে।”

রোমীয় 15:17

মুই গোজেনত্তে যে কামানি গরঙর্ সিয়েনি খ্রীষ্ট যীশুর্ মাধ্যমে মর্ বাঈনী গুরিবার অধিকার আঘে।

১ করিন্হীয় 15:3

মুই নিজে যিয়েন পেয়োং সিয়েন বেগত্তুন্ দরকারী বিষয় ইজেবে তমারেয়ো দুয়োং। সেই বিষয়ান অলঅ ইয়েন-পবিত্র বোইবোর্ কধা মজিম খ্রীষ্ট আমার্ পাপত্যে মোজ্জ্যে,

ইব্রীয় 10:11

পত্তি ধর্মগুরু পত্তি দিন থিয়্যেইনে গোজেনর্ সেবা গরে আর বারবার্ এক্কুই উৎসর্ব গরে, মাত্তর্ এবাবোত্যে উৎসর্ব কনদিন্অ পাপ ধাবেই দি ন-পারে।

ইব্রীয় 10:12

মাত্তর্ যীশু পাপত্যে উমর কাল ধোক্ক্যেন বানা এক্কো উৎসর্ব গুরিনে গোজেনর্ ডেন্ ধাগেদি বলঅ।

ইব্রীয় 11:4

বিশ্বেজত্যে কয়িনোত্তুন্ হেবলর্ উৎসর্বগান গোজেন চোগেদি আরঅ গম এলঅ। তার্ বিশ্বেজত্যে গোজেনে তা উৎসর্বগান মানি লোইনে তা পৌইদ্যেনে এ সাক্ষ্যগান দিয়্যেদে, তে নিদ্দুজি। যুনিয়ো হেবলে মুরি যেয়্যে তো তার্ বিশ্বেজ্‌চান্দোই তে এজঅ কধা কর্।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 8:3

পত্তি দাঙর্ ধর্মগুরু এ্যামান-উৎসর্ব আর অন্য জিনিচ্‌ উৎসর্ব গুরিবাত্যে নেযা অয়, সেনত্যে এই দাঙর্ ধর্মগুরুগুনোর্‌অ কনঅ কিজু উৎসর্ব গুরিবার দরকার্।

ইব্রীয় 8:4

মাত্তর্ তে যুনি ইক্কিনে এ জগদত্ থেদঅ সালে ধর্মগুরু ওই ন-পারিদো, কিয়া ইধু রীদি-সুদোম মজিম উৎসর্ব গুরিবাত্যে ধর্মগুরু দঅ আঘে।

ইব্রীয় 9:9

বত্তমান কালত্যে ইয়েন এক্কান চিহ্নো যিয়েনে আমারে কোই দেত্তে যে, উৎসর্ব-গোজ্জ্যে য়েমান আর অন্য জিনিজে উবোসনা গুরিয়্যেবোর্ বিবেগরে সাব্ গুরি ন-পারে।