ইব্রীয় 4:9 - Chakma Bible

⁹ সালে দেগা যায়, গোজেন মানুচ্চুনোত্যে জিরেবার জু আঘে,

ইব্রীয় 4:9 Iomraidhean Croise

গীতসংহিতা 47:9

জাদ্‌তুনো ভিদিরে যিগুনে দাঙর্ পোজিশনর মানুচ্, তারা এক্কান জাগাত্ এগত্তর্ অন্, অব্রাহামর গোজেনর মানুচ্ ইজেবে এগত্তর্ অয়। পিত্‌থিমীর বেক্ শাজন্‌গুরিয়্যেগুনে গোজেনর তলেদি, তেয়ই বেগত্তুন দাঙর্।

যাত্রা 16:30

সেনত্তে মানুচ্চুনে সাত্‌ দিনোত্‌ জিরেলাক্‌।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 57:2

যিগুনে গম্ পধেদি চলদন্ তারা সুগ্-শান্দি পেবাক্; তারা মুরিনে মুরি জিরেন্ পেবাক্।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 11:25

তে পাপর্ কানক্কন্ন্যে হুজি বাদ্ দিইনে গোজেন মানুচ্চুনো সমারে অত্যেচার ভুগোনা বেঈ ললঅ।

ইব্রীয় 3:11

সেনত্যে মুই রাগে শমক্ হেইনে কোইয়োঙে, ‘মুই দোঙে জিরেবার জাগানত্ তারা যেই ন-পারিবাক্।’ ”

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

ইব্রীয় 4:10

কিয়া গোজেনে যেধোক্ক্যেন গুরি তার্ সৃট্টির কামানি থুম্ গুরিনে জিরেয়্যে ঠিগ্ সেধোক্ক্যেন গুরি যে মানুচ্চো গোজেনর দিয়্যে জিরেবার জাগানত্ যায়, তেয়ো তা কামত্তুন্ জিরেন পায়।

ইব্রীয় 4:3

মাত্তর্ আমি বিশ্বেজ্ গোজ্জ্যেই আর তার সেই এগেম্ গোজ্জ্যে জিরেবার্ জাগানত্ এচ্চ্যেই। এই জিরেনাগান পৌইদ্যেনে গোজেনে কোইয়্যেদে, “সেনত্যে মুই রাগে শমক্ হেইনে কোইয়োঙে, ‘মর্ দিয়্যে জিরেবার জাগানত্ তারা যেই ন-পারিবাক্।’ ” মাত্তর্ ইয়েনত্ কনঅ ভুল নেই যে, জগৎতান্ সৃট্টির পরেদি গোজেনর্ কামানি থুম্ ওইনে জিরেনা থুম্ ওইয়্যে।

ইব্রীয় 4:8

যুনি যিহোশূয় ইস্রায়েলীয়গুনোরে সেই জিরেবার জাগানত্ নেযেদ সালে গোজেনে পরেদি আর এক্কান সময়োর্ কধা ন-কদঅ।

১ পিতর 2:10

এক সময়োত্ তুমি গোজেনর্ মানুচ্‌ ন-এলা, মাত্তর্ ইক্কিনে ওইয়ো; এক সময়োত্ তুমি দোয়্যে ন-পঅ, মাত্তর্ ইক্কিনে পেইয়ো।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”