ইব্রীয় 4:2 - Chakma Bible

² ইস্রায়েলীগুনো ইধু যেধোক্ক্যেন গম হবর্ ফগদাং গরা ওইয়্যে সেধোক্ক্যেন গুরি আমা ইধুয়ো গরা ওইয়্যে। মাত্তর্ সেই গম হবরত্ ইস্রায়েলীগুনোর্ কনঅ লাভ ন অয়, কিয়া তারা সিয়েনি শুনিনে বিশ্বেজ্ ন-গরন।

ইব্রীয় 4:2 Iomraidhean Croise

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

রোমীয় 2:25

তুই যুনি রীদি-সুদোম মানি চলচ্ সালে চুুুনু মাঢাবো চামান কাবানার্ দামান্ আঘে; মাত্তর্ যুনি রীদি-সুদোম ন-মানচ্ সালে চুনু মাঢাবো চামান কাবিলেয়ো গোজেন ইধু তুই চুনু মাঢাবো চামান ন-কাপ্যে মান্‌জ্য ধোক্ক্যেন্।

রোমীয় 3:3

খালিক্ তারাত্তুন্ কয়েক্কো মানুচ্‌ অবিশ্বেজি ওইয়োন্, মাত্তর্ সিয়েন্দোই কি অবঅ? তারা অবিশ্বেজি ওইয়োন্ বিলি কি গোজেনেয়ো অবিশ্বেজি অবঅ?

১ করিন্হীয় 13:3

মর্ যিয়েনি আঘে সিয়েনি যুনি মুই নাঢা মানুচ্চুনোরে হাবেবাত্যে দান গরং, কিয়্যেগান্অ পুড়িবাত্যে দি দোং, মাত্তর্ মঅ ভিদিরে যুনি কোচ্‌‌পানা ন-থায়, সালে মর্ কনঅ লাভ নেই।

গালাতীয় 3:2

মুই বানা তমাত্তুন্ জানিবাত্যে চাং, তুমি রীতি-সুদোম্ পালেইনে কি পবিত্র আত্মারে পেইয়ো, না গম হবর্ শুনিনে বিশ্বেজ্ গুরিনে পেইয়ো?

গালাতীয় 3:8

পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

গালাতীয় 4:13

তুমি কোই পারঅ, মঅ কিয়্যেগান অসুগ্ এলঅ বিলিনে মুই পত্তম্ বার্ তমা ইধু গম্ হবর্ ফগদাং গুরিবার সুযোগ্ পেইয়োং।

দ্বি’লম্বর বিররণ 1:32

তো তুমি তমা গোজেন লগেপ্রভু উগুরে বিশ্বেজ্ ন গরঅ।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

ইব্রীয় 11:6

বিশ্বেজ্ বাদে গোজেনরে হুজি গরানা অসম্ভব, কিয়া গোজেন ইধু যে যায়, তাত্তুন্ বিশ্বেজ্ গরা পরিবোদে, গোজেনে আঘে আর যিগুনে তার্ আওজ্ মজিম চলন্ তারা তা আঢত্তুন্ তারার্ পাওনা পান্।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

ইব্রীয় 4:6

ইক্কিনে এ কধাগান ঠিগ্ যে, কিজু মান্‌জ্যে তার দিয়্যে জিরেবার জাগানত্ যেই পারিবাক; মাত্তর্ যে ইস্রায়েলীগুনো ইধু আগে গম হবর্ ফগদাং গরা ওইয়্যে তারার্ অবাধ্যতার্ কারনে তারা গোজেনর্ দিয়্যে জিরেবার জাগানত্ যেই ন-পারন্।

যাকোব 1:21

ইয়েনত্যে বেক্ ফি-বলাগানি আর যেদক্কানি বজং জিনিস এজঅ তমা জিংকানিত্ আঘে সিয়েনি দূর্ গরঅ। গোজেন কধানির্ বীজ্ যিয়েনি তমা মন ভিদিরে লাগা ওইয়্যে সিয়েনি চিদে ওইনে মানি লঅ। পাপত্তুন্ তমারে উদ্ধোর্ গুরিবার্ খেমতা এ কধানির্ আঘে।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।