ইব্রীয় 3:16 - Chakma Bible

¹⁶ কন্না গোজেনর কধানি শুনিনেয়ো তারে তোচ্চ্যা লাগেয়োন? তারা কি সে মানুচ্চুন নয় যিগুনোরে মোশি মিসর দেজত্তুন্ নিগিলেই আন্ন্যে?

ইব্রীয় 3:16 Iomraidhean Croise

গীতসংহিতা 78:17

মাত্তর্ তারা তা উল্লোমি গুরিনে পাপ গরা ধুরিলাক্; দাঙর্ গোজেন বিরুদ্ধে ধূল্যেচর চাগালাত্ উল্লোমি গুরিলাক্।

গীতসংহিতা 78:40

ধূল্যেচর-চাগালাত্ কয়বার তা বিরুদ্ধে তারা উল্লোমি গোজ্যন্, সেই ধূল্যে ভূইয়োত্ কয়বার তারে দুঘ্ দুয়োন।

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 44:3

সিয়েন ওইয়্যেদে তারার পাজিগানির কারনে, কিত্তে তারা দেব-দেবেদাগুনো মুজুঙোত্ আগর্‌বাট্টি জ্বালেইনে আর তারারে পূজো গুরিনে মরে অমকদ রাগ্ তুলি দুয়োন। সে দেব-দেবেদাগুনোর্ কধা তারায়ো হবর্ ন-পেদাক্, তুমিয়ো হবর্ ন-পেদা বা তমা পুরোণি মানুচ্চুনেয়ো হবর্ ন-পেদাক্।

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

গণাণা 14:11

লগেপ্রভু মোশিরে কলঅ, “আর কয়দিন এই মানুচ্চুনে মরে ইংসে-নিন্দে গুরিবাক? তারা ভিদিরে মুই যেদক্কানি আমক্‌ অবার্‌ চিহ্নো দেগেয়োং তার্‌ পরেদিয়ো আর কয়দিন তারা মরে অবিশ্বেজ্ গুরিবাক?

গণাণা 14:2

মোশি আর হারোণর বিরুদ্ধে তারা নানান কধা কলাক্‌। তারা বেক্কুনে মিলিনে তারারে কলাক্, “মিসর দেজত্‌ বা এই ধূল্যেচর চাগালাত্‌ মুরি যানাগানই আমার উজিত এলঅ।

গণাণা 14:24

মাত্তর্‌ মর্‌ চাগর্‌ কালেবর মনত্‌ সেধোক্ক্যেন চিদে-সজ্জা নেই আর তে মর্‌ কধাগান্‌ পুরোপুরি মানি চলে। সেনত্তে যে দেজত্‌ তে যেইয়্যে মুই তারে সেই দেজত্‌ লোই যেম্‌ আর তার্‌ বংশধরুনে সিয়েনি সোম্বোত্তি ইজেবে পেবাক।

গণাণা 14:30

বজত্তি গুরিবাত্তে যে দেজ্‌চান্‌ তমারে দিম্‌ বিলি মুই শমক্‌ গোজ্যং বানা যিফুন্নির পূঅ কালেবে আর নূনোর পূঅ যিহোশূয়ো বাদে আর কনজনে সেই দেজত্‌ চোমেই ন-পারিবাক।

গণাণা 14:38

বাঁজি রলাক্‌ বানা নূনোর পূঅ যিহোশূয়ো আর যিফুন্নির পূঅ কালেবে।

গণাণা 14:4

তারা একজন আরেকজনরে কলাক্, “যঅ, এক্কো নেতা ঠিগ্ গুরি নেযেইনে আমি মিসরত্‌ ফিরি যেই।”

গণাণা 26:65

এই ইস্রায়েলীয়গুনোর্‌ পৌইদ্যেনে লগেপ্রভু কোইয়েদে, তারা হামাক্কায়্‌ ধূল্যেচর-চাগালাত্‌ মারা যেবাক্। আর হামাক্কায় তারা ভিদিরে যিফূন্নির পূঅ কালেব আর নূনোর পূঅ যিহোশূয় বাদে আর কনজনে বাঁজি ন-এলাক্।

দ্বি’লম্বর বিররণ 1:38

মাত্তর্‌ তর্‌ এজাল্‌ দিয়্যে নূনোর পূঅ যিহোশূয় সুমিবো। তুই যিহোশূয়রে উচ্ছোমি তুলি দে, কিত্যে তেয়ই দেজ্‌ছান গজক্ গুরিনে ইস্রায়েলীয়গুনোর্‌ অধিকার্‌ ইজেবে দিবো।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।