ইব্রীয় 3:10 - Chakma Bible

¹⁰ মুই তারা উগুরে রাগে কোইয়োং, ‘এ মানুচ্চুনোর মনানি ভান্ন্যেই পধেদি ঘুরি বেড়ার্; তারা আমা পথ্‌তান হবর্ ন-পেলাক্।’

ইব্রীয় 3:10 Iomraidhean Croise

পত্থম 6:6

সেনে লগেপ্রভু মনত্‌ দুখ্‌ পেলঅ। তে পিতথিমীয়ানত্‌ মানুচ্‌ বানেয়্যে বিলি দুখ্‌ পেইনে কলঅ, “মর্ বানেয়্যে মানুচ্চুনোরে মুই পিত্‌থিমীগান উগুরেত্তুন্ তুলি দিম; আর তা লগে বেক পরাণবলাগুন, বুগেদি-আঢি বেড়েয়্যে প্রাণী আর আগাজ পেক্কুনো তুলি দিম্‌ । ইগুনোরে বানেয়োং বিলিনে মঅ মনত্‌ কষ্ট অর্‌।”

গীতসংহিতা 147:20

অন্য কনঅ জাদত্তে তে সিয়েনি ন-গরে; তার আইন-কানুনানি তারা হবর্ ন-পান। লগেপ্রভুরে নাঙ্ গিনে ওক্।

গীতসংহিতা 67:2

যেন পিত্‌থিমীর বেক্কুনে তঅ পথ্‌তান হবর্ পান আর বেক্ জাদ্‌তুনে তর্ দিয়্যে উদ্ধোর পেইনে সিয়েন কামত্ লাগেই পারন্।

গীতসংহিতা 78:40

ধূল্যেচর-চাগালাত্ কয়বার তা বিরুদ্ধে তারা উল্লোমি গোজ্যন্, সেই ধূল্যে ভূইয়োত্ কয়বার তারে দুঘ্ দুয়োন।

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

মথি লেখ্যে গম্ হবর্ 20:24

যেক্কেনে এই কধানি অন্য দশজন শিচ্চ্যই শুনিলাক্, তারা সেই দ্বিভেইয়ো উগুরে রাগ গুরিলাক্।

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

যোহন 8:45

মাত্তর্ মুই সত্য কধা কং, আর সেনত্তে তুমি মরে বিশ্বেজ্ ন-গরঅ।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 3:7

কেঅ অলে কবাক্, “মর্ মিজে কধা কনার্ কারনে আরঅ গমেদালে ফগদাং অয় যে, গোজেনে সত্যবাদী। ইয়েন্দোই যেক্কে গোজেনে বাঈনী পেবঅ সেক্কে কিত্ত্যে পাপী বিলিনে মরে দুষী গরা অয়?”

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

বিচের গুরিয়্যেগুন 10:16

ইয়েনর্ পরেন্দি তারা ভিদিরে অন্য জাদ্‌‌‌‌তুনোর যিদুক্কুন দেব-দেবেদা এলাক্‌ সিগুনোরে দূর্ গুরি দিইনে তারা লগেপ্রভুরে সেবা গরা ধুরিলাক্‌। ইস্রায়েলীয়গুনোর দুঃখানি দেগিনেই লগেপ্রভুর মনত্‌ বুক্‌ ধিবেদিপ্যে অলঅ।