ইব্রীয় 2:4 - Chakma Bible

⁴ সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।

ইব্রীয় 2:4 Iomraidhean Croise

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

মার্ক 6:14

যীশুর সুনাঙ্ চেরোকিত্তে ছিদি পড়িলো বিলিনে রাজা হেরোদে যীশুর কধা শুনিলো। কয়েক্কো মান্‌জ্যে কোইয়োন, “বাপ্তিস্মদিয়্যে যোহনে মরণত্তুন্ জেই ওই উঠ্যে, সেনত্যে আমক্ অবার্ কামানি গরের্।”

যোহন 15:26

যে এজাল্ দিয়্যেবোরে মুই বাবা ইত্তুন্ তমা ইধু পাধেই দিম্, তে যেক্কে এবঅ সেক্কে তেয়ই মঅ পৌইদেনে সাক্ষি দিবো। তে অলঅ সত্যর্ আত্মা যিবে বাবাত্তুন্ এবঅ।

যোহন 4:48

যীশু সেই রাজার্ চাগর্‌বোরে কলঅ, “কনঅ চিহ্নো বা কনঅ আমক্ অবার্ কাম ন-দেগিলে তুমি কনঅ বাবদে বিশ্বেজ্ ন-গুরিবা।”

প্রেরিত্‌ 14:3

পৌল আর বার্ণবা সেই শঅরত্ বেশ্ কয়েক দিন থেলাক্ আর সাহচ্‌ গুরিনে প্রভুর কধানি কুয়ো ধুরিলাক্। প্রভুর দোয়্যে পৌইদ্যেনে তারা যিয়েনি ফগদাং গোজ্জ্যন্ সেই কধানি যে বিশ্বেজ্ গুরিবার প্রভু সিয়েনি প্রমাণ গুরিবাত্যে পৌল আর বার্ণবারে আমক্ আমক্ কাম্ গুরিবার খেমতা দিলো।

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

প্রেরিত্‌ 5:32

আমি ইয়েনি বেক্কানির সাক্ষী আর যিগুনে গোজেনর্ বাধ্য অন্, গোজেনে তারারে যে পবিত্র আত্মা দিয়্যে সেই পবিত্র আত্মাগান্অ সিয়েনর্ সাক্ষী।”

ইফিষীয় 1:9

ঠিগ্ যেবাবোত্যে তে চেইয়্যে আর খ্রীষ্টর্ মাধ্যমে আগেবাগে ঠিগ্ গুরি থোইয়্যে, সেই মজিম তে তার্ গুমুরো উদ্দেচ্চ্যগানি আমারে জানেয়্যে।

ইফিষীয় 4:7

মাত্তর্ খ্রীষ্ট যেধোক্ক্যেন গুরি ঠিগ গুরি থোইয়্যে সেই ইজেব মজিম আমি পত্তি জনে যদবদে দোয়্যে পেইয়্যেই।

ইব্রীয় 6:4

কিয়া যিগুনে একবার্ পহ্‌রান দেক্ক্যন, স্বর্গীয় দানর্ সুয়োদ্‌তান আর পবিত্র আত্মার্ আভা পেইয়োন,