ইব্রীয় 2:3 - Chakma Bible

³ সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 2:3 Iomraidhean Croise

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 20:6

সেদিন্যে সাগর পার আদাম্মেগুনে কবাক্, ‘চঅ, যিগুনো উগুরে আমি বিশ্বেজ্ গোজ্যেই আর বল্ পেবাত্তে আর আসিরিয়ার রাজা আঢত্তুন্ রোক্ক্যে পেবাত্তে যিগুনো ইদু যেইয়্যেই তারার অবস্থা কি ওইয়্যে। সালে আমি কেধোক্ক্যেন গুরি বাঁজিবোং?’ ”

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 51:8

কিত্তে কাবড় ধোক্ক্যেন গুরি আর পশম ধোক্ক্যেন গুরি পুগে তারারে হেই ফেলেব। মাত্তর্ মর্ সততাগান উমরত্তে থেবঅ; মর্ দিয়্যে উদ্ধোরান্ বংশর পর বংশ ধুরি থিদেবর্ অবঅ।”

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

যিহিষ্কেল 17:15

মাত্তর্ সেই শাজন্‌গুরিয়্যেবো ঘোড়া আর এক্কো দাঙর্ সৈন্যদল পেবাত্তে মিসরত্ দূত পাধেইনে বাবিল রাজার বিরুদ্ধে উল্লোমী গুরিলো। তে কি সফল অবঅ? যে এই কামানি গরে তে কি রেহাই পেবঅ? শমক্ ভাঙিলে কি তে রোক্ষ্যে পেবঅ?

যিহিষ্কেল 17:18

তে দঅ চুক্তি ভাঙিনে শমক্তান্ ঈচ্ গোজ্যে। তে অধীনতার চুক্তি গুরিনেয়ো এ কামানি গোজ্যে বিলিনে রেহাই ন-পেবঅ।

মথি লেখ্যে গম্ হবর্ 23:33

সাপ দল আর সাপর বংশগুন! কেধোক্ক্যেন্ গুরি তুমি নরগর্ সাজাত্তুন্ রোক্ষ্যে পেবা?

মথি লেখ্যে গম্ হবর্ 4:17

সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মার্ক 1:14

যোহনে জেলখানাত্ বন্দী অনার্ পরেদি যীশু গালীল রেজ্যত্ গেলঅ। সিধু তে এ কধাগান্ কোইনে গোজেনর্ দিয়্যে গম্ হবরান্ ফগদাং গরা ধুরিলো,

লূকে লেখ্যে গম্ হবর্ 1:69

তে আমাত্তে তা চাগর্ দায়ূদো গুট্টিত্তুন্ এক্কো খেমতাবলা উদ্ধোর্ গুরিয়্যে তুল্যে।

লূকে লেখ্যে গম্ হবর্ 24:19

যীশু তারারে কলঅ, “কি কি ঘোট্যে?” তারা কলাক্, “নাসরত্ আদামর্ যীশুরে নিইনে যিয়েনি যিয়েনি ঘোট্যে। তে ভাববাদী এলঅ। তে কামে আর কধায় গোজেনর্ আর বেক্‌ মানুচ্চুনো চোগোত্ খেমতাবলা এলঅ।

যোহন 15:27

আর তুমিয়ো মঅ পৌইদ্যেনে সাক্ষি দিবা, কিয়া পৌইল্যাত্তুন্ ধুরি তুমি মঅ সমারে সমারে আঘঅ।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 4:12

পাপত্তুন্ উদ্ধোর্ আর কারঅ ইধু পাহ্ ন-যায়, কিয়া গোদা পিত্‌থিমীত্ আর এমন্‌ কেঅ নেই যিবের্ নাঙে আমি পাপত্তুন্ উদ্ধোর্ পেই পারিই।”

রোমীয় 11:14

ইয়েন্দোই যেন মুই মঅ নিজো জাদর্ মানুচ্চুনোরে আওজ্ জাগেইনে তারাত্তুন্ কয়েক্কো মান্‌জ্যরে উদ্ধোর্ গুরি পারং।

রোমীয় 2:3

তুই যে কামানত্যে অন্যগুনোরে দুষ্ দুয়োর্ সেই এক্কুই কাম্ যেক্কে তুই নিজেয়ো গরচ্ সেক্কে কি গোজেন আঢত্তুন্ বাঁজিবে বিলি মনে গরচ্?

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

তীত 2:11

গোজেনর্ যে দোয়্যেলোই পাপত্তুন্ উদ্ধোর্ পাহ্ যায় সিয়েন বেক্‌ মানুচ্চুনো ইধু ফগদাং পেয়্যে।

ইব্রীয় 1:1

ভালোক্ দিন আগে ভাববাদীগুনোরে দিইনে গোজেনে আমা পূরোণি মানুচ্চুনো ইধু নানান্ ধগে ভালোক্ বার এক্কেনা এক্কেনা গুরি কধা কোইয়্যে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ যোহন 1:1

পৌইল্যাত্তুন্ ধুরি যিবে এলঅ, যিবের্ মুয়ো কধা আমি শুন্ন্যেই, যিবেরে নিজো চোগেদি দেক্ক্যেই, যিবেরে গমেডালে রিনি চেইয়্যেই, যিবেরে নিজো আঢে ধোজ্জ্যেই, ইয়েনত্ সেই জিংকানির-কধাগান লেগঙর্।

যিহূদা 1:17

মাত্তর্ কোচ্‌পেইয়্যে ভেইয়ুন, যেদক্কানি কধা আমা প্রভু যীশু খ্রীষ্টর্ দূত্‌তুনে আগেদি কোইয়োন সিয়েনি তুমি ইদোত্ গুরি চঅ।

ফগদাং পেইয়্যে 7:10

তারা দাঙর্ গুরি রঅ ছাড়িনে কলাক্: “যিবে সিংহাসনত্ বৈ আঘে, আমার সেই গোজেন আর ভেড়া-ছবো আঢত্ পাপত্তুন্ উদ্ধোরান আঘে।”