ইব্রীয় 13:6 - Chakma Bible

⁶ ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

ইব্রীয় 13:6 Iomraidhean Croise

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

১ রাজাবলী 17:8

সেক্কে লগেপ্রভুর এ কধাগান এলিয়োর্‌ ইদু ফগদাঙ্‌ অলঅ,

গীতসংহিতা 124:8

লগেপ্রভু, যিবে আগাজ আর পিত্‌থিমীগান বানেয়্যে, তাত্তুনই আমার এজালান্ এজে।

গীতসংহিতা 146:3

কনঅ দাঙর্ পোজিশন মান্‌জ্যলোই, কনঅ মান্‌জ্য উগুরে তুমি বিশ্বেজ্ ন-গোজ্য; তারা উদ্ধোর্ গুরি ন-পারন্।

গীতসংহিতা 27:9

তর্ মুয়োন্ তুই মত্তুন্ ফিরেই ন-রাগেচ্, রাগ্ গুরিনে তুই তঅ চাগর্‌বোরে ফিরেই ন-দিচ্; তুয়ই দঅ মর্ এজাল্ দিয়্যেবো ওইনে এজর্। ও গোজেন, মর্ উদ্ধোর্‌গুরিয়্যে, মরে ফেলেইনে ন-যেচ্, মরে বাদ্ ন-দিচ্।

গীতসংহিতা 33:20

আমি লগেপ্রভুত্তে বাজ্জেই আগিই; তেয়ই আমার এযাল্‌দিয়্যে আর আমা ঢাল।

গীতসংহিতা 40:17

মুই দুঘী আর অভাবী, মাত্তর্ মঅ পৌইদ্যেনে প্রভু চিদে গরে। মর্ গোজেন, তুই দেরি ন-গুরিচ্; তুয়ই দঅ মর্ এযালদিয়্যে আর উদ্ধোরগুরিয়্যে।

গীতসংহিতা 54:4

গোজেনে মরে সাহায্য গরে; প্রভু মরে ধুরি রাগায়।

গীতসংহিতা 56:4

যিবের কধানির গুণগান মুই গাং, সেই গোজেন উগুরে, অয়, সেই গোজেন উগুরে মুই বিশ্বেজ্ গরং; মুই ন-দোরেম, মান্‌জ্যে মরে কি গুরি পারন্?

গীতসংহিতা 63:7

কিত্তেই তুই মর্ এজালদিয়্যে; তর্ ডুয়োগানির্ তলেদি মুই গান গাং।

গীতসংহিতা 94:17

যুনি লগেপ্রভু মরে সাহায্য ন-গুরিদো, সালে মরণর জাগাত্ যাদিমাদি যাহ্ পুরিদো।

যাত্রা 18:4

তে অন্য পূঅবোর্‌ নাঙান্‌ দিলো ইলীয়েষর (যিয়েনর্ ভেদ্‌তান্ “গোজেন মর্‌ সহায়”); কিত্তে তে কোইয়্যেদে, “মঅ বাপ্পোর্‌ গোজেনে মরে এজাল্‌ দিয়্যে। তেয়ই যুদ্ধোত্‌ ফরৌণর আদত্তুন্‌ মরে উদ্ধোর্‌ গোজ্যে।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

ইফিষীয় 3:12

খ্রীষ্ট লগে এগত্তর্ ওইনে তা উগুরে বিশ্বেজর্ মাধ্যমে আমি গোজেন মুজুঙোত্ সাহচ্‌ নিইনে লুমিবার অধিকারান্ পেইয়্যেই।

দ্বি’লম্বর বিররণ 33:26

তে কোইয়্যেদে, “যিশুরূণর গোজেন ধোক্ক্যেন আর কনজন নেই। তর্‌ সাহায্যকারী অবাত্তে মেঘঅ উগুরে চড়িনে নিজোর মহিমায় তে আগাজ-পদেন্দি যায়।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

ইব্রীয় 10:19

ভেইলগ্, যীশু খ্রীষ্টর্ লো-গানর্ গুণে সেই দাঙর্ পবিত্র জাগানত্ সোমেবার সাহচ্‌ আমার আঘে।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

১ শমূয়েল 23:17

যোনাথনে কলঅ, “তুই ন-দোরেচ্‌; মঅ বাপ্পো শৌলর আঢত্‌ তুই ধরা ন-পরিবে। তুয়ই ইস্রায়েল দেজ উগুরে রাজগিরি গুরিবে, আর মর্‌ জাগায়ান্‌ অবঅ তর্‌ পরেন্দি। মর্‌ বাবায়ো সেই কধাগান হবর্‌ পাই।”