ইব্রীয় 13:4 - Chakma Bible

⁴ পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

ইব্রীয় 13:4 Iomraidhean Croise

পত্থম 2:21

সেনত্তে লগেপ্রভু গোজেনে আদমরে এন্‌ ঘুর্‌ঘুজ্যে ঘুম আনি দিলো, আর সেনে তে ঘুমোত্‌ পড়িলো। সেক্কে তে তার এক্কো বুগো আড়্ তুলি লোইনে সেই জাগায়ান য়েরালোই নাঢি দিলো।

পত্থম 2:24

ইয়েনত্যে মান্‌জ্যে মা-বাবরে ছাড়িনে তারা মোক্কুনো লগে এগত্তর্ ওইনে থেবাক্ আর তারা এক্কান কিয়্যে অবাক্।

২ রাজাবলী 22:14

এ কধাগান্‌ শুনিনে ধর্মগুরু হিল্কিয়, অহীকাম, অক্‌বোর, শাফন আর অসায় মিলে-ভাববাদী হুল্‌দা ইদু যেইনে তা লগে কধাবার্তা কলাক্‌। হুল্‌দা অলদে কাবড়-চুগোর্‌ রোক্ষ্যেগুরিয়্যে শল্লুমো মোগ্‌। শল্লূম অলদে হর্হসের নাদিন, অত্তাৎ তিক্‌বর পুয়ো। হুল্‌দা যিরূশালেমর দ্বিলম্বর্‌ ভাগত্‌ বজত্তি গুরিদো।

ইয়োব 31:12

সে পাপ্পান্ এমন্ আগুনো ধোক্ক্যেন যিয়েনে মরণর জাগায়ান সং জুলিবো, সিয়েনে মর্ বেক্কানি পুড়ি ফেলেই দি পারে।

যিশাইয় 8:3

পরেদি মুই মঅ মোক্কো সমারে, যিবে মিলে ভাববাদী এলঅ, তা সমারে থেলুং আর তে পিদিলী ওইনে এক্কো পুয়োর্ জর্ম দিলো। সেক্কে লগেপ্রভু মরে কলঅ, “সিবে নাঙান্ রাগা মহের-শালল-হাস-বস।

লেবীয় 15:18

কনঅ মরদ যেক্কে কনঅ মিলেমান্‌জ্যলোই ঘুম যায়্‌ সেক্কে লের্‌ নিগিলিলে দ্বিজনত্তুন্‌ পানিলোই গাদা পুরিবো, আর তারা সাজোন্যে সং ফি-বলা অবস্থায় থেবাক্।

লেবীয় 18:20

অন্য কার মোগো সমারে কিয়্যেদি মিজেইনে নিজোরে ফি-বলা গরানা ন-চলিবো।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

১ করিন্হীয় 5:13

যিগুনে বারেদি তারারে গোজেনে বিচের্ গুরিবো। পবিত্র বোইবোর্ কধা মজিম,“তমা ভিদিরেত্তুন্ সেই বজং মানুচ্চোরে নিগিলেই দুয়ো।”

১ করিন্হীয় 6:18

বেক্ বেভিচারানিত্তুন্ ধেই যঅ। মানুচ্‌ অন্য যেদক্কানি পাপ্ গরন্ সিয়েনি তার্ কিয়্যের্ বারেদি গরন্, মাত্তর্ যে বেভিচের্ গরে তে নিজোর্ কিয়্যের্ বিরুদ্ধে পাপ গরে।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

১ করিন্হীয় 7:38

সালে দেগা যায়, যে তা ঝিবোরে বৌ দে তে গম্ কাম্ গরে, আর যে তারে বৌ ন-দে তে আরঅ গম্ কাম গরে।

১ করিন্হীয় 9:5

অন্য বেক্‌ প্রচারগ্‌কুনে, প্রভুর ভেইয়ুনে আর পিতরে যেবাবোত্যে নিজোর্ নিজোর্ মোগ্‌কুনোরে লোইনে প্রচারত্ নিগিলে, সেবাবোত্যেগুরি খ্রীষ্ট বিশ্বেজি নিজো মোগ্‌কুনোরে লোইনে প্রচারত্ নিগিলিবার অধিকার কি আমার নেই?

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

গালাতীয় 5:19

পাপ-খাচ্চ্যদর্ কামানি গমেডালেই দেগা যায়। সিয়েনি অলঅ-সিনেলী, অসিজি, অ-খাচ্চ্যত্,

গালাতীয় 5:21

ইংসে, মাত্তল্ অনা, রঅ ছাড়িনে মদ হানা, আর এবাবোত্যে ভালোক্কানি। মুই যেধোক্ক্যেন্ গুরি ইয়েনর্ আঘেদি তমারে উজিয়ার্ গোজ্জ্যং ইক্কিনিয়ো সিয়েন গুরিনে কঙর্, যিগুনে এবাবোত্যে কাম্ গরন গোজেন রেজ্যত্ তারার্ জাগা ন-অবঅ।

ইফিষীয় 5:5

তুমি খামাক্কায় কোই পারঅ, যিগুনে সিনেলী গরন্, যিগুনে অসিজি আর যিগুনে লুভী, অত্তাৎ যিগুনোরে এক বাবোত্যে মূত্তি পুজো গুরিয়্যে কুয়ো যায় খ্রীষ্টর আর গোজেন রেজ্যত্ তারার কনঅ অধিকার নেই।

দ্বি’লম্বর বিররণ 22:22

কনঅ মান্‌জ্যরে যুনি অন্য কারঅ মোগো সমারে ঘুমোদে দেগা যায় সালে যে তা সমারে ঘুমেয়্যে সে মরত্তো আর সে মিলেবো দ্বিজনরে মারেই ফেলা পুরিবো। তুমি ইস্রায়েলীয়গুনো ভিদিরেত্তুন্‌ এ ধোক্ক্যেন ভান্ন্যেইয়ানি শেজ্‌ গুরি ফেলেবা।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

১ তীমথিয় 3:12

পরিচারকর্‌অ বানা এক্কো মোক্ থেবঅ। তে যেন গমেডালে তার্ পুয়ো-ঝিগুনোরে আর গিরিত্তি পরিচালনা গরে।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

১ তীমথিয় 3:4

তে যেন যগাজ্জ্যে গুরিনে তার্ নিজো ঘরর্ বেক্কানি পরিচালনা গরে আর তার্ পুয়ো-ছাগুনে যেন বাধ্য আর ভদ্র অন্।

১ তীমথিয় 4:3

ইগুনে মান্‌জ্যরে মোক্ ন-লবার উগুম দুুয়োন আর কনঅ কনঅ হানা খাদে মানা গরন্। মাত্তর্ বিশ্বেজিগুনে, যিগুনে গোজেনর্ সত্যগানরে জান্ন্যন্, তারা যেন ভালেদি জানেইনে খান সেনত্যে দঅ গোজেনে এই বেক্ হানাগানি সৃট্টি গোজ্যে।

১ তীমথিয় 5:14

সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

তীত 1:6

মন্ডলীর আজল্ নেতাবোর্ এমন্‌ উয়ো পড়িবো যেন কেঅ তারে দুষ্ দি ন-পারন্। তার বানা এক্কো মোক্ থেবঅ। তার্ পুয়ো-ছাগুনে যেন খ্রীষ্ট উগুরে বিশ্বেজি অন্, যেন তারা নিজোর্ হুজি মজিম ন-চলন্ আর অবাধ্য ন-অন্।

ইব্রীয় 12:16

চঅ, কেঅ যেন এষৌ ধোক্ক্যেন নীতি নেইয়্যে বা গোজেন উগুরে ভোক্তি নেইয়্যে ন-অন্। এষৌ এক সাচ্ হানাত্যে দাঙর্ পুয়োবোর্ অধিকারান্ বেজি দিয়্যে।

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।