ইব্রীয় 13:3 - Chakma Bible

³ যিগুনে জেলোত্ আঘন্ তারা সমারে যেন তুমিয়ো বন্দী ওইয়ো, আর যিগুনে অত্যেচারিত্ অদন্ তারা সমারে যেন তুমিয়ো অত্যেচারিত অর্, এবাবোত্যে গুরি তারা কধানি ইদোত্ তুলো।

ইব্রীয় 13:3 Iomraidhean Croise

পত্থম 40:23

মাত্তর্‌ যোষেফ কধাগান্‌ সে পানীয় ভাগ গুরিদিয়্যে নেতাবোর্‌ মনত্‌ ন-থেলঅ; তা কধাগান তে এক্কুবারে ভুলি গেলঅ।

মথি লেখ্যে গম্ হবর্ 25:36

যেক্কে উত্যেবুত্যে এলুং সেক্কে কাবড়্ উরেই দুয়ো; যেক্কে অসুখ্ এলুং সেক্কে মরে দেগাশুনো গোজ্য; আর যেক্কে মুই জেলখানাত্ বন্দী অবস্থায় এলুং সেক্কে মরে চেবাত্তে যেয়ো।

মথি লেখ্যে গম্ হবর্ 25:43

যেক্কে গর্বা ওইয়োং সেক্কে আশ্রয় ন-দুয়ো; যেক্কে উত্যেবুত্যে এলুং সেক্কে মরে কাবড়্ উরেই ন-দুয়ো; যেক্কে অসুগ্ এলুং আর জেলখানাত্ বন্দী অবস্থাত্ এলুং সেক্কে মরে চেবাত্তে ন-যঅ।

প্রেরিত্‌ 24:23

তে পৌলরে চুগি দিবাত্যে শত উগুরে সেনাপতিবোরে উগুম্ দিলো, মাত্তর্ তারে কিজু খুলোমেলা গুরি থবাত্তে কলঅ। তে অনুমতি দিলো যেন পৌল সমাজ্যেগুনে এইনে দরকার্ মজিম্ তারে দেগাশুনো গুরি পারন্।

প্রেরিত্‌ 27:3

আমা জাহাজ্‌চান তার্ কেল্যে সীদোনত্ থামেল। যুলিয় পৌল সমারে ভারী গম্ বেবহার গুরিলো আর তারে তা সমাজ্যেগুনো ইধু যেবার অনুমতি দিলো যেন তা সমাজ্যেগুনে তারে দরকারি পযাপিরা দি পারন্।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

১ করিন্হীয় 12:26

যুনি এক্কান ভাগর্ সর্মান অয় সালে বেক্ ভাগ্‌কানই তা সমারে হুজি অয়।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

কলসীয় 4:18

মুই পৌল নিজো আঢে এ পাত্তুরু তুরু জানানার্ কধাগান লেগঙর্। ইদোত্ রাগেয়ো, মুই বন্দী আঘং। গোজেনে তমারে দোয়্যে গোরোক্।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

ইব্রীয় 11:37

মান্‌জ্যে তারারে পাত্তর্ মাজ্জ্যন্, আড়ালোই দ্বিকট্টা গুরি কাপ্প্যন্ আর ছুরিলোই খুন্ গোজ্জ্যন। তারা অত্যেচার আর ভান্ন্যেই বেবহার পেইয়োন, আর রাদত্ পড়িনে ভেড়া আর ছাগল চাম্ পিনিনে ঘুরি বেড়েদাক্।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।