ইব্রীয় 12:3 - Chakma Bible

³ যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।

ইব্রীয় 12:3 Iomraidhean Croise

গম্ উপদেজ্ 24:10

দজার্ দিনোত্ যুনি তুই আজা নেইয়্যে অচ্, সালে দঅ তঅ খেমতাগান বেশ্ নয়।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

মথি লেখ্যে গম্ হবর্ 11:19

যেক্কে মান্‌জ্যপুয়োবো এইনে হানা-দানা গুরিলো সেক্কে বেক্কুনে কদন্, ‘উইয়ো চঅ, এক্কো পেদুক্ আর মদখুর্, খাজানা-তুলিয়্যে আর বজং মানুচ্চুনোর সমাজ্যে।’ মাত্তর্ জ্ঞানান্ যে খাটি সিয়েনর্ প্রমানান্ তা কামানি ভিদিরে আঘে।”

মথি লেখ্যে গম্ হবর্ 12:24

যেক্কে ফরীশীগুনে এ কধাগান শুনিলাক্, তারা জোব্ দিলাক্, “তে দঅ বানা অসিজি আত্মাগুনোর্ রাজা বেল্‌সবূল বলে অসিজি আত্মাগুনোরে ধাবাই।”

মথি লেখ্যে গম্ হবর্ 15:2

“পুরোণি দিনোর্ ধর্ম-মাষ্টরুনোরে দিয়্যে যে সুদোমানি চলি এজের্ তঅ শিচ্চ্যগুনে সিয়েনি মানি ন-চলদন্ কিত্তে? হেবার্ আগেদি তারা গমেডালে আঢ্ ন-ঢন্।”

মথি লেখ্যে গম্ হবর্ 21:23

যীশু উবোসনা-ঘরত্ ফিরি গেলঅ। যেক্কে তে সিয়েনত্ শিক্ষ্যে দের্ সেক্কে আজল্ ধর্মগুরুগুনে আর যিহূদীগুনোর্ বুড়ো নেতাগুনে তাইধু এইনে পুযোর্ গুরিলাক্, “তুই কন্ অধিকারে ইয়েনি গরর্? কন্না তরে এই অধিকারান্ দিয়্যে?”

মথি লেখ্যে গম্ হবর্ 21:46

সেক্কে তারা যীশুরে ধুরিবাত্তে চেলাক্, মাত্তর্ মানুচ্চুনো দরে সিয়েন্ ন-গুরিলাক্, কিয়া মান্‌জ্যে তারে ভাববাদী বিলি মনে গুরিদাক্।

মথি লেখ্যে গম্ হবর্ 22:15

সেক্কে ফরীশীগুনে গেলাক্কোই আর কেধোক্ক্যেন্ গুরি যীশুরে তা কধা ফালত্ ফেলা যায় সে সল্লাগান্ গরা ধুরিলাক্।

লূকে লেখ্যে গম্ হবর্ 14:1

এক জিরেবার্ দিনোত্ যীশু এক্কো ফরীশী নেতার্ ঘরত্ হেবাত্যে গেলঅ। ফরীশীগুনে খুব্ গমেদালে যীশুরে খিয়েল্ গুরিলাক্।

লূকে লেখ্যে গম্ হবর্ 15:2

ইয়েন্দোই ফরীশীগুনে আর ধর্ম মাষ্টরুনে ইয়েন কোইনে তোইচ্চ্যে পেইনে কুয়ো ধুরিলাক্, “এ মানুচ্চো বজং মানুচ্চুনো সমারে মিজেই আর হানা-দানা গরে।”

লূকে লেখ্যে গম্ হবর্ 16:14

এ বেক্‌ কধানি শুনিনে ফরীশীগুনে যীশুরে ঠাট্টা গরা ধল্ল্যাক্, কিয়া তারা টেঙা-পৌইজ্যে বেশ্ কোচ্‌পেদাক্।

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

লূকে লেখ্যে গম্ হবর্ 5:21

ইয়েন্দোই ধর্ম-মাষ্টর আর ফরীশীগুনে মনে মনে কুয়ো ধুরিলাক্, “এ মানুচ্চো কন্না, যে গোজেনরে অগমান্ গরের্? গোজেনে বাদে আর কন্না পাপ খেমা গুরি পারে?”

যোহন 10:20

তারা ভিদিরেত্তুন্ ভালোক্‌জনে কলাক্, “তারে ভূদে পেইয়্যে, তে পাগল্; তুমি তা কধা কিত্ত্যে শুন্নো?”

যোহন 18:22

যীশু যেক্কে এ কধাগান্ কলঅ সেক্কে যে কাম্‌গুরিয়্যেগুনে কায়-কুরে থিয়্যেই এলাক্ তারাত্তুন্ একজনে তারে চুয়োর্ মারিনে কলঅ, “তুই দাঙর্ ধর্মগুরুবোরে এবাবোত্যেগুরি জোব্ দোত্তে?”

যোহন 5:16

জিরেবার্ দিনোত্ যীশু এ বেক্‌ কামানি গোজ্যে বিলি যিহূদী নেতাগুনে তারে মারে ফেলেবাত্তে চেষ্টা গুরিলাক্।

যোহন 7:12

ঝাগ ভিদিরে মানুচ্চুনে যীশু পৌইদ্যেনে পুযু পুযু গুরি নিজো ভিদিরে ভালোক্কানি কধা কুয়ো ধুরিলাক্। কেঅ কেঅ কলাক্, “তে গম্ মানুচ্‌।” আরঅ কেঅ কেঅ কলাক্, “নয়, তে মানুচ্চুনোরে ভুল্ পধেদি নেযার্।”

যোহন 8:13

সেক্কে ফরীশীগুনে যীশুরে কলাক্, “তঅ সাক্ষ্যগান্ সত্য নয়, কিয়া তুই নিজোর্ পক্ষে নিজেই সাক্ষ্য দুয়োর্।”

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?

যোহন 9:40

কয়েক্কো ফরীশীয়ো যীশু সমারে এলাক্। তারা এ কধাগান্ শুনিনে যীশুরে কলাক্, “সালে তুই কি কবাত্তে চাজ্ যে, আমি কানা?”

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 4:16

ইয়েনত্যে আমি আজা ন-আরেই। যুনিয়ো আমা বারেদি কিয়্যেগান ক্ষয় ওই যার্ তো আমা ভিদিরে মানুচ্চো দিনে দিনে নুয়ো ওই উদের্।

গালাতীয় 6:9

আমি যেন গম কাম গত্তে গত্তে অরান্ ন-ওই, কিয়া সিয়েন ইরি ন-দিইনে গরানাত্ থেলে আমি ঠিগ্ সময়োত্ সিয়েনর্ ফসল পেবং।

২ থিষলনীকীয় 3:13

ভেই-বোনলগ্, গম কামত্ অরান্ ন-ওয়ো।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 12:5

গোজেনে তার্ পুয়ো ইজেবে তমারে উচ্চোমি দিইনে যে কধানি কোইয়্যে সিয়েনি তুমি ভুলি যেইয়ো। তে কোইয়্যেদে, মর্ পুয়োবো, প্রভুর্ শাজনান্ ঈচ্ ন-গুরিচ্, আর তে যেক্কে গেইল্ দে সেক্কে আজা ন-আরেচ্;

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

১ পিতর 2:23

মান্‌জ্যে তারে যেক্কে অগমান গোজ্জ্যন্ সেক্কে তে তারারে ফিরিনে অগমান ন-গরে, আর দুঘ্ ভুগোনার সময়োত্ হেনা সুজিবার দর্‌‌অ ন-দেগায়, বরং যিবে ন্যায় বিচের গরে তা আঢত্ তে নিজোরে ইরি দিয়্যে।

ফগদাং পেইয়্যে 2:3

তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।

১ শমূয়েল 12:24

তুমি বানা লগেপ্রভুরে ভোক্তি গুরিনে দোরেবা আর তমার বেক্‌ মনানি দিইনে বিশ্বেজ্ গুরিনে তার সেবা গুরিবা। চিন্তে গুরি চঅ, তে তমাত্তে কদক্কানি দাঙর্‌ দাঙর্‌ কাম্‌ গোজ্যে।