ইব্রীয় 11:9 - Chakma Bible

⁹ গোজেনে যে দেশ্‌চান অব্রাহামরে দিবার এগেম্ গোজ্জ্যে তে বিশ্বেজত্যে বিদেশী ইজেবে সিধু বজত্তি গোজ্জ্যে। তা সমারে যিগুনে সেই একই এগেমর্ আশিদ্‌বাদর্ ভাগী এলাক্ সেই ইস্‌হাক আর যাকোব ধোক্ক্যেন গুরি তেয়ো তাম্বুলোত্ বজত্তি গুরিদো;

ইব্রীয় 11:9 Iomraidhean Croise

পত্থম 12:8

সে পরেদি সিয়েনত্তুন্‌ তে বৈথল শঅর পুগেদি মুড়ো-মুড়ি চাগালাত্‌ উজেই গেলঅ আর পোজিমে বৈথল আর পুগেদি অয় শঅর ভিদিরে এক্কান জাগাত্‌ তা তাম্বুলান তাঙেল। লগেপ্রভুর্ নাঙে সিয়েনত্‌অ তে এক্কো ডালিপূজো বানেল আর লগেপ্রভুরে তার পাওনা সর্মান দিলো।

পত্থম 13:18

সেক্কে অব্রামে তা তাম্বুলান তুলি নেযেল আর হিব্রোণ চাগালার্‌ মম্রি নাঙে এক্কো মান্‌জোর্‌ এলোন ঝার কুরে সিয়েন ঠাঙেল। সিয়েনত্‌অ তে লগেপ্রভুর নাঙে এক্কো ডালিপূজো বানেল।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 18:6

অব্রাহামে সেক্কে তাম্বুলো ভিদিরে যেইনে সারারে কলঅ, “যাদিমাদি আদার কেজি গম্‌ মোয়দ্যে মুলিনে কিজু পিদে বানেই দে।”

পত্থম 18:9

তারা অব্রাহামরে পুযোর্‌ গুরিলাক্‌, “তঅ মোক্কো সারা কুদু?” তে কলঅ, “তাম্বুলো ভিদিরে আঘে।”

পত্থম 21:34

অব্রাহামে পলেষ্টীয়গুনো দেজত্‌ বেশ্‌ কয়েক বজর্ বজত্তি গুরিলো।

পত্থম 23:4

“মুই অন্য দেজত্তুন্‌ এইনে বিদেশী ইজেবে তমা সমারে বজত্তি গরঙর্‌। সেনত্তে দোয়্যে গুরি গোর জাগা গুরিবাত্তে মরে তমা ভিদিরেত্তুন্‌ এক্কেনা জাগা ছাড়ি দুয়ো যেনে সিয়েনত্‌ মুই মর্‌ মোজ্যেদে মোক্কোরে গোর্ দি পারং।”

পত্থম 25:27

এ পুয়োগুনে দাঙর্‌ অনার পরেদি এষৌ জদবদে কাবিল্ শিগেরী অলঅ। তে বারেদি মাদঠ্‌ ঘুরি বেরেদ, মাত্তর্‌ যাকোবে এলঅ অলর্‌ মিক্যে। তে ঘরত্‌ থেবাত্তে গম্‌ পেদঅ।

পত্থম 28:4

যে বরান্ তে অব্রাহামরে গোজ্যে সে বরান্ তে তরে আর তঅ পরেদি তঅ বংশর্‌ মানুচ্চুনোরে গোরোক্‌। যে দেজচান গোজেনে অব্রাহামরে দিলো, যিয়েনত্‌ তুই ইক্কিনে বিদেশী ইজেবে আগচ্‌, সে দেজ্‌চান্‌ যেনে তইদু এজে।”

পত্থম 31:25

যাকোবে মুড়ো উগুরে তাম্বুলান তাঙেইয়্যে, আর সিধু লাবনে যেইনে তারে ধুরিলো। লাবনে আর তা কুদুম্মোগুনেয়ো গিলিয়দ সে একই মুড়োত্‌ তারা তাম্বুলান তাঙেলাক্‌।

পত্থম 35:27

যেরেদি যাকোবে কিরিয়ৎ-অর্বর, অত্তাৎ হিব্রোণ ইধু মম্রি শহরত্‌ তা বাপ্পো ইস্‌হাক ইধু এলঅ। এ চাগালাত্ অব্রাহাম আর ইস্‌হাকে বজত্তি গুরিদাক্‌।

পত্থম 36:7

এষৌ আর যাকোবর য়েমান ধন এদক্‌ বেজ্ এলদে যে, তারার্ পক্ষে এক সমারে বজত্তি গরানা সম্ভব ন-অলঅ; তারা যিয়েনত্‌ এলাক সিয়েনত্‌ তারা দ্বিজনর্ য়েমান ঝাগকুন চোরেবাত্তে যগাজ্যে জাগা ন-এলঅ।

পত্থম 47:9

যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

গীতসংহিতা 105:12

তারা জনেদি যেক্কে কম এলাক্, অমকদ কম এলাক্, আর তারা সিদু বিদেশি এলাক্,

যিরমিয় 35:7

ইয়েনবাদেয়ো তুমি কনদিন্‌অ ঘর্ ন-বানেবা, বিজি ন-ফেলেবা বা আংগুর-খেত্ ন-কিনিবা বা চাষ ন-গুরিবা; মাত্তর্ নিত্য তাম্বুলোত্ বজত্তি গুরিবা। সালে তুমি যে দেজত্ বিদেশীগুনো ধোক্ক্যেন থেবা সিদু ভালোক্ দিন থেই পারিবা।’

ইব্রীয় 6:17

গোজেনে যিয়েন দিবার এগেম্ গোজ্জ্যে, যিগুনে সিয়েন পেবাক্ সিগুনোরে তে এই শমক্‌কান্দোই ভারী সাব্ গুরি দেগেবাত্যে চেয়্যেদে যে, তে যিয়েন ঠিগ্ গোজ্জ্যে সিয়েন আর্ বুদুলী ন-যায়। ইয়েনত্যে তে শমক্‌কান্দোই প্রমাণ গুরিলোদে যে, তে যিয়েন ঠিগ্ গোজ্জ্যে সিয়েন অবদে অবঅ।