ইব্রীয় 11:7 - Chakma Bible

⁷ যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

ইব্রীয় 11:7 Iomraidhean Croise

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

পত্থম 6:13

এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

পত্থম 6:22

নোহ সেবাবোত্যে গুরিলো। গোজেনর্ উগুম মজিম্‌ তে বেক্কানি গুরিলো।

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

পত্থম 7:23

গোজেনে এধোক্ক্যেনগুরি মাদি উগুরে বেক্‌ পরাণবলাগুনোরে পিত্‌থিমীগান উগুরেত্তুন্‌ তুলি ফেলেল। সেক্কে মানুচ্‌, য়েমান, বুগেদি-আঢি বেড়েয়্যে প্রাণী আর আগাজ পেক্কুনে পিত্‌থিমীয়ান উগুরেত্তুন্ শেজ্ ওই গেলাক্। বানা নোহ আর তা সমারে যিগুনে জাহাজত্‌ এলাক্‌ সিগুনে বাঁজি এলাক্ ।

পত্থম 7:5

লগেপ্রভুর্ উগুম মজিম্‌ নোহ বেক্‌ কামানি গুরিলো।

পত্থম 8:16

“তুই তঅ মোক্কোরে আর তঅ পুয়োগুন আহ্‌ তারা মোক্কুনোরে লোইনে জাহাজত্তুন্ নিগিলি আয়,

২ রাজাবলী 4:5

মিলেবো সেক্কে তা কায়-কুরেত্তুন্‌ যেইনে পূয়োগুন লোইনে ঘরত্‌ সোমেইনে দোরান্‌ বানি দিলো। পূয়োগুনে তাইদু পিলে আনিলাক্‌ আর তে তেল্‌ ঢালি দিলো।

ইয়োব 35:8

তর্ পাজিগানে বানা মান্‌জ্যর্ খেতি গরে, আর তর্ গম কামানিয়ে বানা তারারে সাহায্য গরে।

গম্ উপদেজ্ 22:3

উজিয়ারবলা মান্‌জ্যে দজা দেগিনে আশ্রয় নেযায়, মাত্তর্ ভুল্ মানুচ্চুনে দজা দেগিনেয়ো চলন্ আর সেনত্তে সাজা পান্।

গম্ উপদেজ্ 27:12

উজিয়ার মান্‌‌জ্যে দজা দেগিনে আশ্রয় নেযান্, মাত্তর্ ভুল্ মান্‌‌জ্যে দজা দেগিনে যাহ্ ধরন্ আর সিয়েনত্তে সাজা পান্।

যিহিষ্কেল 14:14

এ অবস্থাত্ সিয়েনত্ যুনি নোহ, দানিয়েল আর ইয়োব-এ তিনজন মানুচ্ থেদাক্ সালে তারার্ সততাগানত্তে তারা বানা নিজোরে রোক্ষ্যে গুরি পারিদাক্। মুই প্রভু লগেপ্রভু এ কধাগান কঙর্।

যিহিষ্কেল 14:20

মঅ জিংকানির নাঙে কঙর্, সিয়েন ভিদিরে নোহ, দানিয়েল আর ইয়োবে থেলেয়ো তারা তারার্ কনঅ পুয়ো বা ঝিরে রোক্ষ্যে গুরি ন-পারিদাক্। তারার্ সততাগানত্তে তারা বানা নিজোরে রোক্ষ্যে গুরি পারিদাক্।

যিহিষ্কেল 33:5

তূরীর রঅ শুনিনেয়ো তে উজিয়ার ন-অয় বিলিনে তার মরণত্তে তে নিজেই দায়ী থেবঅ। তে যুনি উজিয়ার অদঅ সালে নিজোরে রোক্ষ্যে গুরি পারিদো।

মথি লেখ্যে গম্ হবর্ 2:12

পরেদি গোজেনে স্ববনত্ তারারে উজিয়ার্ গুরি দিলো যেন তারা হেরোদ ইধু ফিরি ন-যান্। সেক্কে তারা অন্য পধেদি নিজো দেজত্ ফিরি গেলাক্।

মথি লেখ্যে গম্ হবর্ 24:15

ভাববাদী দানিয়েল মাধ্যমে যে সর্বনাজ ঘিনাইদ্যে জিনিজোর্ কধা কুয়ো ওইয়্যে সিয়েন্ তুমি পবিত্র জাগাত্ থুয়ো ওইয়্যে দেগিবা। (যে পড়ে তে বুঝোক্।)

মথি লেখ্যে গম্ হবর্ 24:25

শুনো, মুই আগেদি তমারে ইয়েনি বেক্কানি কোই রাগেলুং।

মথি লেখ্যে গম্ হবর্ 24:38

পানিবান্ অবার্ আগেদি দিনুনোত্ নোহ জাহাজত্ ন-সমানা সং মান্‌জ্যে হানা-দানা গোজ্যন্, মিলে-মরদে লোলি গোজ্যন্।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

লূকে লেখ্যে গম্ হবর্ 17:26

নোহ সময়োত্ যে অবস্থা ওইয়্যে মান্‌জ্য পুয়োবোর্ এবার্ সময়োত্ অ সেই অবস্থা অবঅ।

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

রোমীয় 10:6

মাত্তর্ বিশ্বেজর্ মাধ্যমে কেধোক্ক্যেন্ গুরিনে মানুচ্ গোজেনর্ যগাজ্জ্যে অন্ সে পৌইদ্যেনে পবিত্র বোইবোত্ কুয়ো ওইয়্যেদে, “মনে মনে এ কধাগান্ ন-কোইয়ো, ‘কন্না স্বর্গত্ যেবঅ?’ ” ইয়েনর্ মানেগান্ অলঅ, স্বর্গত্তুন্ খ্রীষ্টরে লামেই আনিবাত্যে কন্না স্বর্গত্ যেবঅ?

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

রোমীয় 4:11

চুনু মাঢাবো চামান ন-কাপ্যে অবস্থায় বিশ্বেজত্তে যে গোজেনে তারে নিদ্দুজি বিলি ধোজ্জ্যে তার চুনু মাঢাবো চামান কাবানা অলদে সিয়েনর্ প্রমাণ আর চিহ্নো। সালে দেগা যাত্তে, চুনু মাঢাবো চামান কাবা ন-অলেয়ো বানা বিশ্বেজত্তে যিগুনোরে নিদ্দুজি বিলি মানি লুয়ো ওইয়্যে, অব্রাহামে তারার্ বেক্কুনোর্ বাপ্।

রোমীয় 4:13

অব্রাহাম আর তা গুট্টিগুনো ইধু গোজেনে এগেম্ গোজ্জ্যেদে, এ পিত্‌থিমীগান্ অব্রাহামর্ অবঅ। রীদি-সুদোম পালানার্ কারনে এ এগেমান্ তা ইধু গরা ন-অয়, মাত্তর্ তার বিশ্বেজর্ মাধ্যমে তারে নিদ্দুজি বিলি মানি লুয়ো ওইয়্যে আর সেনত্তে সেই এগেমান্ গরা ওইয়্যে।

রোমীয় 9:30

সালে আমি এ কধাগান্ কবংগে, অযিহূদীগুনে যুনিয়ো গোজেনর্ যগাজ্যে অবার্ চেট্ট্যায়ো ন-গরন্ তো তারার্ বিশ্বেজর্ মাধ্যমে তারা গোজেনর্ যগাজ্যে ওইয়োন্।

গালাতীয় 5:5

মাত্তর্ আমারে যে নিদ্দুজি বিলিনে মানি লুয়ো অবঅ, সেই ঘেচ্চ্যেকগুরি বিশ্বেজ্‌চান্দোই পবিত্র আত্মার মাধ্যমে আমি বাজ্জ্যে আঘিই;

ইব্রীয় 11:1

আমি যিয়েন পেবং বিলিনে আজা গুরি আঘিই সিয়েন যে আমি পেবং এই ঘেচ্চেকগুরিগান অলঅ বিশ্বেজ্। আর সেই বিশ্বেজ্‌চান্দোই আমি নিচ্চিত গুরি বুঝি পারিই যে, আমি যিয়েন ন-দেগির্ সিয়েন আসলে আঘে।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

ইব্রীয় 8:5

ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 2:5

আর তে সেই পুরোণি জগদ্‌তানরেয়ো ইরি ন-দে, বরং গোজেন উগুরে ভোক্তি-নেইয়্যে মানুচ্চুনো উগুরে পানি বান্ আন্ন্যে; মাত্তর্ নোহ আর অন্য সাতজনরে তে বাজেয়্যে। এই নোহ গোজেন-ভোক্তি পৌইদ্যেনে ফগদাং গুরিদো।

২ পিতর 3:6

সেলক্কে সেই জগদ্‌তান বান পানিয়ে ভস্ত ওই যেইয়্যে।