ইব্রীয় 11:10 - Chakma Bible

¹⁰ কিয়া যে শঅ্‌রান্ উমরত্যে দরমর তে সেই শঅরানরে বাজ্জ্যেই রোইয়্যে। সেই শঅ্‌রানর্ নক্‌শা বানানা আর গাধেই তুলিবার কামান্ গোজেনে গোজ্জ্যে।

ইব্রীয় 11:10 Iomraidhean Croise

যিশাইয় 14:32

এ জাদর্ দূত্‌তুনোরে কি জোব্ দিয়্যে যেবঅ? তারারে কুয়ো অবঅ, “লগেপ্রভু সিয়োনানরে থিদেবর্ গোজ্যে আর সিয়েন ভিদিরে অত্যেচার্ ওইয়্যে তা মানুচ্চুনে আশ্রয় পেবাক্।”

যোহন 14:2

মঅ বাবঅ ঘরত্ থেবার্ বোউত্ জাগা আঘে। সিয়েন্ ন-থেলে মুই তমারে কোদুং, কিয়া মুই তমাত্যে জাগা থিক্ গুরিবাত্যে যাঙর্।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

ফিলিপীয় 3:20

মাত্তর্ আমার আজল্ থেবার জাগায়ান দঅ স্বর্গত্; সিয়েনত্তুন্ আমার উদ্ধোর্ গুরিয়্যে প্রভু যীশু খ্রীষ্টর্ এযানাগান্ আমি আওজ্ গুরিনে বাজ্জেই আঘি।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 12:22

তুমি দঅ সিয়োন মূড়োবো আর জেদা গোজেনর্ শঅর কায় কুরে এচ্চ্য। সেই শঅরান্ অলঅ স্বর্গর্ যিরূশালেম। তুমি আজার্ আজার্ স্বর্গদূতোর্ হুজির্ পরব ইধু এচ্চ্য;

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

ইব্রীয় 13:14

কিয়া ইয়েনত্ আমার কনঅ থিদেবর্ গোজ্জ্যে শঅর্ নেই; মাত্তর্ যে শঅরান্ এবঅ সিয়েনত্যে আমি বাজ্জ্যেই আঘিই।

ইব্রীয় 3:4

পত্তি ঘর কেঅ না কেঅ বানেই থায়, মাত্তর্ গোজেনে বেক্কানি বানেয়্যে।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।