ইব্রীয় 11:1 - Chakma Bible

¹ আমি যিয়েন পেবং বিলিনে আজা গুরি আঘিই সিয়েন যে আমি পেবং এই ঘেচ্চেকগুরিগান অলঅ বিশ্বেজ্। আর সেই বিশ্বেজ্‌চান্দোই আমি নিচ্চিত গুরি বুঝি পারিই যে, আমি যিয়েন ন-দেগির্ সিয়েন আসলে আঘে।

ইব্রীয় 11:1 Iomraidhean Croise

গীতসংহিতা 27:13

লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

১ করিন্হীয় 13:13

সালে দেগা যাত্তে বিশ্বেজ্, আজা আর কোচ্‌‌পানা-এ তিনেন্ থুম্ সং থিগি থায়; মাত্তর্ ইয়েনিত্তুন্ কোচ্‌পানাগান্ বেক্কুনোত্তুন্ দাঙর্।

২ করিন্হীয় 11:17

মুই ইক্কিনে যিয়েন কঙর্ সিয়েন প্রভুর্ উগুম মজিম ন-কঙর্, মাত্তর্ নিজো পৌইদ্যেনে দেমাগ্ গুরিবাত্যে যেইনে বেদমা ধোক্ক্যেন কঙর্।

২ করিন্হীয় 4:18

যিয়েন দেগা যায় আমি সিয়েন ইন্দি ন-চেইর্, বরং যিয়েন দেগা ন-যায় সিয়েন ইন্দি রিনি চেইর্। যিয়েন দেগা যায় সিয়েন কয়েক দিনোত্যে, মাত্তর্ যিয়েন দেগা ন-যায় সিয়েন উমরত্যে।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

২ করিন্হীয় 5:7

যিয়েন দেগা যায় আমি দঅ সিয়েন্দোই ন-চলিই, বরং বিশ্বেজ্‌চোই আঢাউদো গুরিই।

২ করিন্হীয় 9:4

সিয়েন ন-অলে ম্যাসিডোনিয়ার মানুচ্চুনে যুনি মঅ সমারে যেইনে দেগন্-দে, তুমি যুক্কোল্ নয় সালে তমা উগুরে আমার্ এদক্ বিশ্বেজত্যে আমি লাজেবং।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

তীত 1:1

মুই পৌল গোজেনর্ চাগর আর যীশু খ্রীষ্টর্ এক্কো প্রচারক ওইয়োং, যেন মুই গোজেনর্ বেঈ লোইয়্যে মানুচ্চুনোরে বিশ্বেজর্ পধেদি আনি পারং, আর গোজেন-ভোক্তির্ সমারে যে সত্যগান আঘে সেই সত্যগানরে জানিবাত্যে তারারে সাহায্য গুরি পারং।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 10:39

যিগুনে ফিরি যেইনে ভস্ত অন্ আমি দঅ সেই দলর নয়; যিগুনে বিশ্বেজ্ গুরিনে উদ্ধোর্ পান আমি সেই দলর্।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 11:27

গোজেন উগুরে তার্ বিশ্বেজত্যে তে রাজার্ রাগ্‌কানরে ন-দোরেইনে মিসর দেশ্‌চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।