ইব্রীয় 10:7 - Chakma Bible

⁷ যেরেদি মুই কলুং, ‘এইয়্যে দঅ, মুই এচ্চ্যং; বোইবোত্ মর্ এজানা পৌইদ্যেনে লেঘা আঘে। ও গোজেন, তর্ আওজ্‌‌চান পালেবাত্যে মুই এচ্চ্যং।’ ”

ইব্রীয় 10:7 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

ইষ্রা 6:2

ইয়েনত্ মাদীয় রেজ্যর্ অক্‌মথা নাঙে রাজধানীত্ এক্কান গুচ্চ্যেই রাগেয়্যে বোই পাহ্ গেলঅ। সিয়েনত্ এ কধাগান লেগা এলঅ: স্মারক লিপি

গম্ উপদেজ্ 8:31

তা পিতথিমীগান্দোই ফুত্তি গুরিদুং, আহ্ মানুচ্চুনোরে নিইনে হুজি এলুং।

যিশাইয় 50:5

প্রভু লগেপ্রভু মঅ কানান্ খুলি দিয়্যে আর মুই অবাধ্য ন-অং, পিজেদিয়ো ন-যাং।

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিহিষ্কেল 2:9

সেক্কে মুই রিনি চেইনে দেগিলুং মঅ ইন্দি এক্কান আঢ্ বাবেইয়্যে আঘে। সিয়েনত্ আগেদে এক্কো গুজেই থোইয়্যে বোই।

যিহিষ্কেল 3:1

তে মরে কলঅ, “ও মান্‌‌‌‌জ্যর পুয়োবো, তঅ মুজুঙোত্ যিয়েনি আঘে সিয়েনি তুই হাঃ; এই গুজেই রাগেয়্যে বোইবো হেই ফেলা, সে পরেদি ইস্রায়েলীয়গুনো ইধু যেইনে কধা কঅ।”

যোহন 4:34

সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

যোহন 6:38

কিয়া মুই মঅ মনেমন্‌জক্কাগুরি কাম্ গুরিবাত্যে ন-এজং, বরং যে মরে দিপাধেয়্যে তার আওজ্ মজিম্ কাম্ গুরিবাত্যে স্বর্গত্তুন্ লামি এচ্চ্যং।