ইব্রীয় 10:5 - Chakma Bible

⁵ সেনত্যে খ্রীষ্ট এ জগদত্ এবার্ অক্তত্ গোজেনরে কোইয়্যেদে, “য়েমান আর অন্য উৎসর্ব তুই ন-চাজ্, মাত্তর্ মত্যে এক্কান কিয়্যে তুই বানেয়োচ্।

ইব্রীয় 10:5 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

যিশাইয় 1:11

লগেপ্রভু কোইয়্যেদে, “তমার্ কনঅ য়েমান-উৎসর্ব মর্ দরকার্ নেই। ভেড়া আর পক্তামক্তা য়েমান তেল্লোই পুজ্যে-উৎসর্ব যেন মঅ গত্তনাবো সং উঠ্যেগি; গোরু, ভেড়া ছঅ আর ছাগল লুয়োলোই মুই কনঅ হুজি ন-অং।

যিশাইয় 40:16

আগুন জ্বালেবাত্তে লেবাননর্ গাজ্ আর পুজ্যে উৎসর্বত্তে লেবাননর্ য়েমানুন্ যগাজ্যে নয়।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

মথি লেখ্যে গম্ হবর্ 11:3

“যিবের্ এবার্ কধা এলঅ তুই কি সিবে, না আমি আর কারত্তে বাজ্জেই থেবং?”

লূকে লেখ্যে গম্ হবর্ 1:35

স্বর্গদূত্তো কলঅ, “পবিত্র আত্মা তঅ উগুরে এবঅ আর দাঙর্ গোজেন ছাবা তঅ উগুরে পুড়িবো। ইয়েনত্তে যে পবিত্র পুয়োবো জোর্মেব তারে গোজেনর্ পুয়ো কুয়ো অবঅ।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 1:6

না, তে সিয়েন ন-কয়। গোজেনে তার্ আজল্ পুয়োবোরে এ পিত্‌থিমীত দিপাধেবার অক্তত্ কোইয়্যেদে, “গোজেনর্ বেক্ দূত্‌‌তুনে তারে গোজেনর্ সর্মান দিইনে সালাম গোরোদোক্।”

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:7

যেরেদি মুই কলুং, ‘এইয়্যে দঅ, মুই এচ্চ্যং; বোইবোত্ মর্ এজানা পৌইদ্যেনে লেঘা আঘে। ও গোজেন, তর্ আওজ্‌‌চান পালেবাত্যে মুই এচ্চ্যং।’ ”

ইব্রীয় 10:8

উগুরে কধানি ভিদিরে পত্তমে খ্রীষ্ট কোইয়্যেদে, “য়েমান আর অন্য উৎসর্ব, পুজ্জ্যে-উৎসর্ব আর পাপত্যে উৎসর্ব তুই ন-চাজ্ আর সিয়েনিলোই হুজি ন-অচ্।” যুনিয়ো এই উৎসর্বয়ানি রীদি-সুদোমর্ উগুম মজিম গরা অদঅ তো তে এই কধানি কোইয়্যে।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

ইব্রীয় 8:3

পত্তি দাঙর্ ধর্মগুরু এ্যামান-উৎসর্ব আর অন্য জিনিচ্‌ উৎসর্ব গুরিবাত্যে নেযা অয়, সেনত্যে এই দাঙর্ ধর্মগুরুগুনোর্‌অ কনঅ কিজু উৎসর্ব গুরিবার দরকার্।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।